ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

05/10/2018 15:44 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

(၁.၁၀.၂၀၁၈ မှ ၅.၁၀.၂၀၁၈)ထိ

မတ်ပဲ (FAQ/RC)

ဒီတစ်ပတ်မှာတာ့ မတ်ပဲက ဈေးတက်နေခဲ့ပါတယ်။ မတ်ပဲဝင်ရောက်မှု သိပ်မရှိတော့ပဲ ပြည်ပတင်ပို့မှုကတော့ ရှိနေဆဲ ဖြစ်တဲ့အတွက်ကြောင့် ပုံမှန်ဝယ်လက်ရှိနေတဲ့အတွက် ဈေးကတက်နေခဲ့တာလည်း ဖြစ်ပါတယ်။ နယ်ကုန်စည်ဒိုင်တွေမှာလည်းဈေးက တက်နေခဲ့ပြီး ရန်ကုန်ဈေးကွက်မှာလည်း ဈေးတက်နေခဲ့ပါတယ်။ လက်ကျန်ပဲတွေက လက်တလောမှာ အရောင်းအဝယ်ကောင်းနေခဲ့ပါတယ်။ ရန်ကုန်ဈေးကွက်မှာ မတ်ပဲက တစ်တန်ကို ငွေကျပ် ၅၂၅၀၀၀ အထိ ဈေးတက်ခဲ့ပြီးတော့ တစ်ပတ်အတွင်း ၃၀၀၀၀ နီးပါးဈေးတက်လာခဲ့ပါတယ်။ မုံရွာကုန်စည်ဒိုင်ဈေးကွက်မှာတော့ မတ်ပဲက တစ်တင်းကို ၁၆၅၀၀ နဲ့ ဈေးငြိမ်နေခဲ့ပါတယ်။ နေပြည်တော်ကုန်စည်ဒိုင်မှာတော့ တစ်တင်းကို ၁၆၀၀၀ ပေါက်ဈေးရှိပြီး တစ်တင်းကို ၇၀၀ ကျပ်ဈေးတက်လာပါတယ်။ ပြည်ကုန်စည်ဒိုင်မှာတော့ တစ်တင်းကို ၁၈၀၀၀ နဲ့ တစ်တင်းကို ၅၀၀ ကျပ်ဈေး တက်လာပါတယ်။

ပဲစင်းငုံနီ

ပဲစင်းငုံနီကတော့ ရန်ကုန်ဈေးကွက်မှာ တစ်ပတ်လုံး ဈေးမဖွင့်ခဲ့ပါဘူး။ နယ်ကုန်စည်ဒိုင်အချို့မှာလည်း ဈေးမဖွင့်ခဲ့ပဲ ဈေးကလည်းကျဆင်းနေခဲ့ပါတယ်။ ပဲအဝင်နည်းလာသလိုပဲ အရောင်းအဝယ်ကလည်း မရှိသလောက် နည်းလာပါတယ်။

မုံရွာဈေးကွက်မှာတော့ ပဲစင်းငုံနီက တစ်တင်းကို ၁၃၈၅၀ နဲ့တစ်တင်းကို ၃၅၀ ကျပ်ဈေးတက်လာခဲ့ပါတယ်။ ပခုက္ကူကုန်စည်ဒိုင်မှာတာ့ တစ်တင်းကို ၁၃၄၀၀ နဲ့ တစ်တင်းကို ၇၀၀ ကျပ်ဈေးကျဆင်းသွားခဲ့ပြီး ပြည် ကုန်စည်ဒိုင်မှာလည်း တစ်တင်းကို ၁၃၀၀၀ နဲ့ ၅၀၀ ကျပ်ဈေးကျဆင်းသွားခဲ့ပါတယ်။

ပဲတီစိမ်း

ပဲတီစိမ်းကတော့ ဒီတစ်ပတ်မှာ ဈေးကျဆင်းသွားခဲ့ပါတယ်။ ပြည်ပဝယ်ယူမှုကတော့ ပုံမှန်ရှိနေပေမယ့်အဝင်များ တဲ့အတွက်ဈေးက ကျဆင်းသွားခဲ့ပါတယ်။ ပြီးခဲ့တဲ့စက်တင်ဘာလမှာ ငွေလဲလှယ်နှုန်းဈေးတွေ တက်ခဲ့တဲ့အတွက် ပဲဈေးတွေလည်း မြင့်တက်ခဲ့ပေမယ့် စက်တင်ဘာလ နောက်ဆုံးအပတ်ကနေစပြီး တဖြေးဖြေး ငွေဈေးတွေ ကျဆင်းလာတဲ့အတွက် ပဲဈေးတွေကလည်း ကျဆင်းလာခဲ့ပါတယ်။

မုံရွာကုန်စည်ဒိုင်မှာတော့ ပဲတီစိမ်း(အကြိး၊သေး)က တစ်တင်းကို ၂၄၇၅၀ ကနေ ၂၈၀၀၀ ပေါက်ဈေးရှိပြီး တစ်တင်းကို ၅၀၀ ကျပ်၊ ပခုက္ကူကုန်စည်ဒိုင်မှာ ပဲတီစိမ်း(ကြီး)က တစ်တင်းကို ၂၉၃၀၀ ရှိပြီး တစ်တင်းကို ၇၀၀ ကျပ်၊ပြည်ကုန်စည်ဒိုင်မှာတော့ ပဲတီစိမ်း (အသေး)က တစ်တင်းကို ၂၅၈၀၀ ရှိပြီး တစ်တင်းကို ၁၄၀၀ ကျပ် အသီးသီးဈေးကျဆင်းသွားခဲ့ပါတယ်။ နေပြည်တော်ကုန်စည်ဒိုင်မှာတော့ တစ်တင်းကို ၂၆၀၀၀ ရှိပြီး တစ်တင်းကို ၁၆၀၀ ကျပ်ဈေးတက်လာပါတယ်။

ကုလားပဲ

ပြီးခဲ့တဲ့အပတ်က ဈေးကျဆင်းခဲ့တဲ့ ကုလားပဲကတော့ ဒီတစ်ပတ်မှာ ဈေးအနည်းငယ်တက်ပါတယ်။ ဈေးတက်တယ် ဆိုပေမယ့် အရောင်းအဝယ်ပါးတဲ့နေ့က ဈေးကျဆင်းပြီး အရောင်းအဝယ်ကောင်းတဲ့နေ့က ဈေးပိုရတာဖြစ်တဲ့အတွက် ဈေးတက်တယ်လို့တော့ ပြောလို့မရပါဘူး။ လက်ရှိမှာလည်း ပဲဝင်ရောက်မှုကလည်း နည်းလာတာဖြစ်တဲ့အတွက် ကြောင့် ပဲအဝင်ရှိသလောက် အရောင်းအဝယ်ကလည်း ရှိနေဆဲပါပဲ။

မုံရွာကုန်စည်ဒိုင်မှာတော့ ဒီတစ်ပတ်မှာ ဈေးတက်လာပါတယ်။ ကုလားပဲလုံးဖြူ(ကြီး၊သေး)က တစ်တင်းကို ၂၃၀၀၀ ကနေ ၂၅၀၀၀ ပေါက်ဈေးရှိပြီး တစ်တင်းကို ၂၀၀ ကျပ်၊ ကုလားပဲလုံးဝါ(ကြီး၊သေး)ကတော့ တစ်တင်းကို ၂၄၉၀၀ ကနေ ၂၅၀၀၀ ပေါက်ဈေးရှိပြီးတစ်တင်းကို ၂၀၀ ကျပ် ဈေးတက်ခဲ့ပါတယ်။

မြင်းခြံကုန်စည်ဒိုင်မှာတော့ ကုလားပဲလုံးဖြူ(ကြီး)တစ်တင်းကို ၂၄၀၀၀ ရှိပြီး ၇၀၀ ကျပ်၊ ပခုက္ကူကုန်စည်ဒိုင်မှာတော့ ကုလားပဲလုံးဖြူ(ကြီး)က တစ်တင်းကို ၂၄၂၅၀ ရှိပြီးတစ်တင်းကို ၁၂၅၀ ကျပ်၊ ကုလားပဲလုံးဝါ(ကြီး)ကတော့ တစ်တင်းကို ၂၅၈၀၀ ရှိပြီး တစ်တင်းကို ၁၀၀ ကျပ်၊ ပြည်ကုန်စည်ဒိုင်မှာတော့ ကုလားပဲလုံးဝါ(ကြီး)က တစ်တင်းကို ၂၇၅၀၀ ရှိပြီးတစ်တင်းကို ၁၀၀၀ ကျပ်၊ ကုလားပဲလုံးဖြူကြီးကတော့ တစ်တင်းကို ၂၇၀၀ နဲ့ ၁၅၀၀ ကျပ် အသီးသီးဈေးကျဆင်းသွားခဲ့ပါတယ်။

 

အိသန္တာအောင် (AMIA)