ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

ဆန်၊စပါး

ဒီတစ်ပတ်မှာတော့ ရန်ကုန်ဈေးကွက်မှာ ဆန်ဈေးအားလုံးအေးပြီး အရောင်းအဝယ်ကလည်း အားလုံးအေးနေပေမယ့် ဧည့်မထ ၂၅ % ကတော့ အခြားဆန်များထက် အရောင်းအဝယ်ကောင်းနေတယ်လို့ သိရပါတယ်။ ပုသိမ်ဈေးကွက်မှာလညး စပါးဈေးရော ဆန်ဈေးပါအေးနေပါတယ်။

ရန်ကုန်ဈေးကွက်မှာတော့ ပြီးခဲ့တဲ့ အပတ်ကအတိုင်း မြောင်းမြပေါ်ဆန်းမွှေးက တစ်အိတ်ကို ၃၈၀၀၀ ကနေ ၄၂၀၀၀၊ ဖျာပုံပေါ်ဆန်းကတော့ တစ်အိတ်ကို ၃၆၀၀၀ ကနေ ၃၈၀၀၀ ကျပ်၊ ပေါ်ဆန်းနယ်စုံသစ်ကတော့ တစ်အိတ်ကို ၃၄၀၀၀ ကနေ ၃၅၀၀၀ ကျပ်၊ ပေါ်ဆန်းသစ်ကတော့ တစ်အိတ်ကို ၃၄၀၀၀ ကနေ ၃၅၅၀၀ ကျပ်ရှိပြီး ဆန်ကြမ်းဖြစ်တဲ့ မြီးဒုံဆန်သစ်ကတော့ တစ်အိတ်ကို ၂၅၀၀၀ ကနေ ၂၆၅၀၀ ကျပ်၊ရက် ၉၀ သစ်ကတော့ တစ်အိတ်ကို ၂၂၀၀၀ ကနေ ၂၃၅၀၀ ကျပ်၊ ဧည့်မထ ၂၅ % သစ်ကတော့ တစ်အိတ်ကို ၁၈၇၀၀ ကနေ ၁၉၀၀၀ ကျပ်၊ ငစိန်ဆန်သစ်ကတော့ တစ်အိတ်ကို ၁၉၀၀၀ ကနေ ၁၉၇၀၀ ကျပ် အသီးသီးပေါက်ဈေးရှိပါတယ်။

ပုသိမ်ဈေးကွက်မှာ ပထမတန်းစားစပါးဖြစ်တဲ့ ဧရာဝတီပေါ်ဆန်းက တင်း ၁၀၀ ကို ၁၀၃၃၀၀၀ ကျပ်ပေါ်ဆန်းရင်ကတော့ တင်း ၁၀၀ ကို ၉၄၆၀၀၀ ကျပ်၊ ဖျာပုံပေါ်ဆန်းကတော့ တင်း ၁၀၀ ကို ၉၂၀၀၀၀ ကျပ်  အသီးသီးရှိပါတယ်။

ဒုတိယတန်းစားဖြစ်တဲ့ ရွှေသွယ်လေးနဲ့ဧရာမင်းဆန်ကတော့ တင်း ၁၀၀ ကို ၆၉၀၀၀၀ ကျပ်၊ မနောသုခကတော့တင်း ၁၀၀ ကို ၅၈၄၂၀၀ ကျပ်၊ မီးကောက်ကတော့ တင်း ၁၀၀ ကို ၅၉၃၄၀၀ ကျပ် နဲ့ သီးထပ်ရင်ကတော့ တင်း ၁၀၀ ကို ၅၇၉၆၀၀ ကျပ် အသီးသီးဈေးငြိမ်နေပါတယ်။

မတ်ပဲ (FAQ/RC)

မတ်ပဲကတော့ ရန်ကုန်ဈေးကွက်မှာ ဒီတစ်ပတ်မှာ ဈေးအနည်းငယ်တက်လာခဲ့ပါတယ်။ ဈေးတက်လာတယ် ဆိုပေမယ့် အတက်အကျ အပြောင်းအလဲကတော့ မြန်ပါတယ်။ နယ်ကုန်စည်ဒိုင်တွေမှာတော့ ဈေးက ကျဆင်းသွားခဲ့ပါတယ်။

လက်ရှိအချိန်မှာတော့ နယ်စုံကနေလည်း မတ်ပဲအသစ်တွေက ဆက်တိုက်ကို ဝင်ရောက်နေခဲ့ပါတယ်။ အိန္ဒိယနိုင်ငံကလည်း လက်ရှိမှာ ပုံမှန်ဝယ်ယူမှုတွေ လုပ်နေတာဖြစ်တဲ့အတွက် ဈေးကတော့ ငြိမ်နေပါတယ်။ ဆက်ပြီးဈေးတက်နိုင်ခြေရှိမရှိကိုတော့ ကုန်သည်တွေအနေနဲ့လည်း အိန္ဒိယရဲ့ အမြဲပြောင်းလဲနေတဲ့ ပေါ်လစီ ကြောင့် ခန့်မှန်းရခက်နေပါတယ်။

မတ်ပဲက ယခုအပတ်မှာ တစ်တန်ကို ငွေကျပ် ၇၃၀၀၀၀ အထိ ဈေးပြန်တက်ခဲ့ပေမယ့် ရက်ပိုင်းအတွင်း ၂ သောင်းလောက်ပြန်ကျဆင်းသွားခဲ့ပါတယ်။

နယ်ကုန်စည်ဒိုင်တွေဖြစ်တဲ့ မုံရွာကုန်စည်ဒိုင်မှာတော့ မတ်ပဲက တစ်တင်းကို ၂၂၇၅၀ နဲ့ ၂၅၀ ကျပ်၊နေပြည် တော်ကုန်စည်ဒိုင်မှာတော့ တစ်တင်းကို ၂၁၆၀၀ ကျပ် နဲ့ တစ်တင်းကို ၁၇၀၀ ကျပ်၊ဈေးကျဆင်းသွားခဲ့ပြီးတော့ ပြည်ကုန်စည်ဒိုင်မှာတော့ တစ်တင်းကို ၂၃၅၀၀ ကျပ် နဲ့ ၅၀၀ ကျပ်ဈေးတက်လာခဲ့ပါတယ်။

ပဲစင်းငုံနီ

ပဲစင်းငုံနီကတော့ ဒီတစ်ပတ်မှာ ရုတ်တရက်ဈေးအမြင့်ဆုံးရောက်ရှိသွားခဲ့ပါတယ်။ ပဲစင်းငုံနီက အိန္ဒိယနိုင်ငံတင် မဟုတ်ပဲ အခြားနိုင်ငံများကိုပါ ရောင်းချနေတာဖြစ်တဲ့အတွက်ကြောင့် ဈေးကဆိုးရွားသွားခြင်း မရှိခဲ့ပါဘူး။ ဒီတစ်ပတ်မှာအမြင့်ဆုံး တစ်တန်ကို ၈ သိန်းအထိ မြင့်တက်လာခဲ့တာဖြစ်ပြီး ကုန်သည်တွေ နဲ့တောင်သူတွေကြား လှုပ်လှုပ်ခတ်ခတ်ဖြစ်ခဲ့ပါတယ်။ 

ဒါပေမယ့် ချက်ချင်းပဲ ဈေးကပြန်ကျဆင်းသွားခဲ့ပေမယ့် လက်ရှိအချိန်မှာတော့ မတ်ပဲနဲ့ယှဉ်ရင် ဈေးအမြင့်ရရှိနေပါတယ်။ ပဲအသစ်ထက် အဟောင်းက ဈေးပိုရရှိနေခဲ့ပြီး ပြည်ပတင်ပို့မှုကိုတော့ ပဲစင်းငုံနီ (RC) 2017 ကိုသာ အရောင်းအဝယ်လုပ်နေတာတွေ့ရပါတယ်။ ပဲစင်းငုံနီကတော့ ဆက်ပြီးဈေးတက်နိုင်ခြေရှိတယ်လို့ ကုန်သည်တွေက သုံးသပ်ထားပါတယ်။

နယ်ကုန်စည်ဒိုင်တွေဖြစ်တဲ့ မုံရွာကုန်စည်ဒိုင်မှာတော့ ပဲစင်းငုံနီက ၂၇၅၀၀ ရှိပြီး တစ်တင်းကို ၁၇၀၀ ကျပ် ဈေးတက်လာပါတယ်။ ပခုက္ကူကုန်စည်ဒိုင်မှာတော့ ပဲစင်းငုံနီက တစ်တင်းကို ၂၆၂၀၀ ရှိပြီး တစ်တင်းကို ၃၇၀၀ ကျပ် ဈေးတက်လာပါတယ်။ ပြည်ကုန်စည်ဒိုင်မှာတော့ တစ်တင်းကို ၂၇၈၀၀ ရှိပြီးတစ်တင်းကို ၂၈၀၀ ကျပ် ဈေးတက်လာပါတယ်။

နှမ်းမျိုစုံ

နှမ်းမျိုးစုံကတော့ ဒီတစ်ပတ်မှာလည်း ဈေးကတက်လာခဲ့ပါတယ်။ ပြည်ပအဝယ်တွေ များတဲ့အတွက် ဈေးက ဆက်တိုက်ဆိုသလို တက်နေခဲ့ပါတယ်။

နှမ်းဖြူ

နှမ်းဖြူက ဒီတစ်ပတ်မှာလည်း ဈေးက တက်လာခဲ့ပါတယ်။ နှစ်ပတ်ဆက်တိုက်ဈေးတက်လာခဲ့ပြီးတော့ မန္တလေးဈေးကွက်မှာ ဒီတစ်ပတ် အမြင့်ဆုံးဈေး ၁၇၅၀၀၀ အထိ ဈေးတက်လာတာပါ။   

နှမ်းနက်(စမုံ)

နှမ်းနက်(စမုံ)ကလည်း ဈေးတက်လာခဲ့ပါတယ်။ ပြီးခဲ့တဲ့အပတ်နဲ့နှိုင်းယှဉ်ရင် တစ်အိတ်ကို ၅၀၀၀ ကျပ်လာက်ဈေးတက်လာပြီး ဒီတစ်ပတ်မှာတော့ မန္တလေးဈေးကွက်မှာ အမြင့်ဆုံးဈေး ၂၄၅၀၀၀ ကျပ်နဲ့ အရောင်းအဝယ်ဖြစ်ခဲ့ပါတယ်။

နှမ်းနက်

အခြားနှမ်းတွေဈေးတက်ခဲ့ပေမယ့် နှမ်းနက်ကတော့ ဆက်တိုက်ဈေးကျဆင်းနေခဲ့ပါတယ်။ မန္တလေးဈေးကွက်မှာ တစ်ပတ်အတွင်္ငး တစ်အိတ်ကို ၁၀၀၀၀ လောက်ဈေးကျဆင်းသွားပြီး ၁၅၅၀၀၀ နဲ့ အရောင်းအဝယ်ဖြစ်ခဲ့ပါတယ်။

မဝတ်ရည်မွန်(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်