တစ်ပတ်အတွင်း လယ်ယာထွက်ကုန် သီးနှံစျေးကွက်နှိုင်းယှဉ်သုံးသပ်ချက်

ဆန်၊စပါး

 ဒီတစ်ပတ်မှာတော့ဆန်ဈေးက တက်လာခဲ့ပါတယ်။ တရုတ်နိုင်ငံကို တရားဝင်ကိုတာစနစ် ကုန်ပစ္စည်းဖလှယ်သည့်စနစ်(ဘာတာ) စနစ်နဲ့ ပါတင်ပို့ရောင်းချနိုင်ဖို့အတွက် နှစ်နိုင်ငံညှိနိုင်းဆွေးနွေးနေတယ်ဆိုတဲ့ သတင်းတွေကြောင့်  ကျဆင်းနေတဲ့ဆန်နဲ့စပါးဈေးနှုန်းတွေက အနည်းငယ် ဈေးပြန်မာလာခဲ့တာပဲဖြစ်ပါတယ်။ ရန်ကုန်ဝါးတန်းကုန်စည်ဒိုင်မှာမြောင်းမြပေါ်ဆန်းကတစ်အိတ် ကို၄၁၀၀၀ ကနေ ၄၄၀၀၀ ပေါက်ဈေးရှိပြီး တစ်ထောင်ကျပ်ဈေးတက်လာပါတယ်။ဆန်ကြမ်းဖြစ်တဲ့ နွေသီးထပ်ကတော့ ၂၀၃၀၀ကန ၂၁၅၀၀ ပေါက်ဈေးရှိပြီး၁၀၀၀ ကျပ်ဝန်းကျင်၊ ရက် ၉၀ ဆန်ကတစ်အိတ် ကို ၂၁၃၀၀ကနေ ၂၄၀၀၀ကျပ် ရှိပြီး ၅၀၀ ကျပ်၊အသီးသီးဈေးတက်လာခဲ့ပါတယ် ။

မြောင်းမြနဲ့ ဖျာပုံးဈေးကွက်မှာလည်း စပါးဈေးရော ဆန်ဈေးရောတက်လာခဲ့ပါတယ်။ မြောင်းမြဧည့်မထစပါးကတော့ တင်း ၁၀၀ ကို ၅၉၀၀၀၀ ပေါက်ဈေးရှိပါပြီ ၂၀၀၀၀ ကျပ်၊ ဖျာပုံဧည့်မထစပါးကတော့ တင်း ၁၀၀  ကို ၅၆၁၀၀၀ပေါက်ဈေးရှိပြီ ၉၀၀၀ကျပ် အသီးသီးဈေးတက်လာခဲ့ပါတယ်။

မတ်ပဲ (FAQ/RC)

မတ်ပဲကလည်းဒီတစ်ပတ်မှာ ဈေးကျဆင်းလာခဲ့ပါတယ်။ ရန်ကုန်ဈေးကွက်မှာ မတ်ပဲက တစ်တန်ကို ၈၅၅၀၀၀ကနေ ၈၇၁၀၀၀ ကြားဈေးရှိပြီး၊ ၁၃၀၀၀ကျပ် ဈေးကျဆင်းခဲ့ပါတယ်။ နေပြည်တော်ကုန်စည်ဒိုင်မှာ တစ်အိတ်ကို ၈၄၀၀၀ ရှိပြီး ၁၀၀၀ကျပ်ဈေးကျဆင်းခဲ့ပါတယ်။ ပြည်ကုန်စည်ဒိုင်မှာတော့ ၂၈၈၀၀ ရှိပြီ ဈေးငြိမ်နေပါတယ်။ မုံရွာကုန်စည်ဒိုင်မှာ တစ်တင်းကို၂၅၀၀၀ ကျပ်ရှိပြီး ၇၅၀ ကျပ်ဈေးတက်လာပါတယ်။

ပဲစင်းငုံနီ 

ပဲစင်းငုံနီကတော့ ဒီတစ်ပတ်မှာ ဈေးအနည်းငယ်ကျဆင်းသွားပါတယ်။  အိန္ဒိယနိုင်ငံဘက်က နည်းနည်းချင်းစတင်ဝယ်ယူနေပြီဖြစ်ပေမဲ့ ရန်ကုန်ဈေးကွက်မှာတော့ ဒီတစ်ပတ်မှာ တစ်တန်ကို ၉၄၆၀၀၀ကျပ် ရှိပြီး ၁၁၀၀၀ ကျပ် ပြန်ကျဆင်းသွားပါတယ်။ မုံရွာကုန်စည်ဒိုင်မှာလည်းတစ်တင်းကို ၃၃၅၀၀ ကျပ်နဲ့ ၅၀၀ ကျပ်၊ပခုက္ကူကုန်စည်ဒိုင်မှာတော့ ၃၁၅၀၀၀ ကျပ် နဲ့ ၂၀၀ ကျပ်၊ ဈေးကျလာပြီး ပြည်ကုန်စည်ဒိုင်မှာတော့ တစ်တင်းကို ၃၄၁၆၆ ကျပ် နဲ့ ၁၁၆၆ ကျပ် ဈေးတက်လာပါတယ်။ ဒီနှစ်မှာတော့ အိန္ဒိယအစိုးရက  ပြည်ပကနေ ပဲစင်းငုံတန်ချိ န် လေးသိန်းအထိတိုးမြင့်ဝယ်ယူ သွားမှာ ဖြစ်ပါတယ်။ ဒါပေမဲ့ ပြည်တွင်းမှာတော့ ပဲစင်းငုံလက်ကျန်က တန်ချိန် ငါးသောင်းဝန်းကျင်သာရှိတော့တယ်လို့ ကုန်သည်တွေကပြောဆိုထားကြပါတယ်။

ပဲစင်းငုံနီ 

ပြည်တွင်းဈေးကွက်မှာ တရုတ်ကဝင်နေတဲ့ ကြက်သွန်ဖြူကြူကုတ် (အဟောင်း) တွေကအဝင်နည်းလာတဲ့အတွက်ဈေးက အမြင့်ဈေးမှာပဲ ဆက်ရှိနေပါတယ်။ ဒါကြောင့် ဗမာကြက်သွန်ဖြူတွေလည်း ဈေးလိုက်ပါမြင့်တက်နေတာပါ။ လက်ရှိမှာလည်း မှုဆယ်-တရုတ်နယ်စပ်နဲ့ မြဝတီတို့ကို အထိုက်အလျောက် တင်ပို့ရောင်းချနေရတာကြောင့် ရန်ကုန်ဈေးကွက်မှာ ကြက်သွန်ဖြူကြူကုတ်က တစ်ပိသာကို ၂၉၀၀ ကနေ ၃၃၅၀ ပေါက်ဈေးရှိပြီ၅၀၀ကျပ်ထပ်မံမြင့်တက်လာပါတယ်။ ကြက်သွန်ဖြူ (အောင်ပန်း)ကလည်း တစ်ပိသာကို ၂၀၀၀ကနေ ၃၀၀၀ ကြားပေါက်ဈေးရှိပြီး ဈေးငြိမ်နေပါတယ်။ မြင်းခြံဈေးကွက်မှာလည်း  ကြက်သွန်ဖြူ (ကြူကုတ်)က  တစ်ပိသာကို ကျပ် ၃၂၀၀ဈေးရှိပြီး ၂၀၀ကျပ်ဈေးတက်လာပါတယ်။

ကြက်သွန်နီ 

ကြက်သွန်နီကတော့ ဈေး မြင့်တက်လာပါတယ်။ ပြည်ပတင်ပို့မှု သိပ်မရှိပေမဲ့ တရုတ်နယ်စပ်ကို အထိုက်အလျောက် တင်ပို့ရောင်းချနေရတာဖြစ်လို့ ဒီရက်ပိုင်းမှာ နယ်ဈေး ကတစ်ပိသာ ကို ၃၀၀လောက် ဈေးမြင့်တက်လာပါတယ်။ ဈေးတက်တဲ့အတွက် အရောင်းအဝယ်ကလဲ အေးနေပါတယ်။ ပခုက္ကူဈေးကွက်မှာ ကြက်သွန်နီက တစ်ပိသာကို ၆၅၀ကနေ ၈၁၃ ကျပ်အထိ ဈေးရှိပြီး ၇၅ကျပ် ဝန်း ကျင် ဈေးတက်လာပါတယ်။ မြင်းခြံဈေးကွက်မှာလည်း ကြက်သွန်နီးက တစ်ပိသာကို ကျပ် ၆၇၅ကနေ ၇၈၈ ကျပ်ဈေးရှိပြီး၊ ၅၀ကျပ် ဝန်းကျင် ဈေးတက်လာပါတယ်။ 

စိုးချစ်ချစ်ပိုင်(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်