တစ်ပတ်အတွင်း လယ်ယာထွက်ကုန် သီးနှံစျေးကွက် နှိုင်းယှဉ်သုံးသပ်ချက်

မတ်ပဲ (FAQ/RC)
မတ်ပဲကတော့ ဒီတစ်ပတ်မှာ ထပ်ပြီးဈေးက ကျဆင်းသွားခဲ့ပါတယ်။ အိန္ဒိယဘက်မှာ ပဲဈေးတွေ ကျဆင်းသွားပြီး အိန္ဒိယကုန်သည်တွေ ပဲအဝယ်ရပ်တဲ့အတွက် မြန်မာပြည်တွင်းမှာပါ ပဲဈေးတွေက ကျဆင်းသွားတာ ဖြစ်တယ်လို့ သိရပါတယ်။ ၂ ပတ်အတွင်း ပဲဈေးက တစ်တန်ကို ငွေကျပ် ၄ သိန်းကျော်အထိ တက်လာခဲ့ပြီး လက်ရှိမှာတော့ ၃ သိန်းလောက် ပြန်ကျဆင်းသွားခဲ့ပါတယ်။
အိန္ဒိယဘက်ကတော့ မြန်မာ့မတ်ပဲကို ထပ်ပြီးဝယ်ယူမယ်ဆိုတဲ့ သတင်းတွေလည်း ကြားနေရပေမယ့် တိကျတဲ့ ထုတ်ပြန်မှုတော့ မရှိသေးပါဘူး။
ရန်ကုန်ဈေးကွက်မှာ မတ်ပဲက တစ်တန်ကို ၁၀ သိန်း ၅ ထောင် ပေါက်ဈေးရှိနေပြီး ပြီးခဲ့တဲ့ အပတ်နဲ့ယှဉ်ရင် တစ်တန်ကို ၆ သောင်းကျော်ဈေးကျဆင်းသွားခဲ့ပါတယ်။
မုံရွာကုန်စည်ဒိုင်မှာတော့ မတ်ပဲက တစ်တင်းကို ၂၉၅၀၀ ပေါက်ဈေးရှိပြီး ၁၀၀၀ ကျပ် ဈေးကျဆင်းသွား ပါတယ်။ ပြည်ကုန်စည်ဒိုင်မှာတော့ တစ်တင်းကို ၃၃၀၀၀ ပေါက်ဈေးရှိပြီး ၁၅၀၀ ကျပ် ဈေးကျဆင်းသွားပါတယ်။
ပဲစင်းငုံ(နီ)
ပဲစင်းငုံနီကတော့ ထပ်ပြီး ဈေးက ကျဆင်းသွားခဲ့ပါတယ်။လက်ရှိမှာ ပြည်ပ ဝယ်ယူမှုကလည်း နည်းတဲ့အတွက် ရက်ခြားရောင်းဝယ်မှုသာ ရှိပါတယ်။
ရန်ကုန်ဈေးကွက်မှာပဲစင်းငုံနီက တစ်တန်ကို ၇ သိန်းခွဲအထိ ဈေးကကျဆင်းသွားပါတယ်။တစ်ပတ်အတွင်း ၅ သောင်ေးလာက်ကျဆင်းသွားပါတယ်။
မုံရွာဈေးကွက်မှာတော့ ပဲစင်းငုံနီက တစ်တင်းကို ၂၇၇၅၀ ပေါက်ဈေးရှိပြီးဈေးငြိမ်ပါတယ်။ပခုက္ကူကုန်စည်ဒိုင် မှာတော့ တစ်တင်းကို ၂၆၅၀၀ ပေါက်ဈေးရှိပြီး တစ်တင်းကို ၂၃၅၀ ကျပ်ဈေးကျဆင်းသွားပါတယ်။ ပြည်ကုန်စည်ဒိုင်မှာတော့ တစ်တင်းကို ၂၆၅၀၀ ပေါက်ဈေးရှိပြီး ၁၀၀၀ ကျပ်ဈေးကျဆင်းသွားပါတယ်။
ပဲတီစိမ်း
ပဲတီစိမ်းကတော့ ဒီတစ်ပတ်မှာ ဈေးက ကျဆင်းသွားခဲ့ပါတယ်။ လက်ကျန်တွေကလည်း လျော့နည်းနေပြီး လက်ရှိမှာ မျိုးပဲတွေသာ အဝယ်များနေတဲ့အတွက်ကြောင့် ဈေးကွက်ထဲ ငြိမ်ပြီးဈေးကျဆင်းသွားတာဖြစ်ပါတယ်။ အချို့ဒေသတွေမှာတော့ ဈေးကငြိမ်နေပါတယ်။
ရန်ကုန်ဈေးကွက်မှာ ပဲတီစိမ်းက တစ်ပိဿာကို ၁၈၆၅ ကနေ ၂၁၇၀ ပေါက်ဈေးရှိပြီး တစ်ပိဿာကို ၈၀ လောက် ဈေးကျဆင်းသွားပါတယ်။ ပခုက္ကူကုန်စည်ဒိုင်မှာတော့ တစ်ပိဿာကို ၁၈၇၀ ပေါက်ဈေးရှိပြီး တစ်ပိဿာကို ၈၀ ကျပ်ဈေးကျဆင်းသွားပါတယ်။
မုံရွာကုန်စည်ဒိုင်မှာတော့ တစ်တင်းကို ၃၃၅၀၀ ကနေ ၃၅၀၀၀ ပေါက်ဈေးရှိပြီးဈေးငြိမ်နေပါတယ်။ မြင်းခြံကု န်စည်ဒိုင်မှာလည်း တစ်ပိဿာကို ၁၆၂၅ ကျပ် နဲ့ ဈေးငြိမ်နေပါတယ်။
ကြက်သွန်ဖြူ
ဒီတစ်ပတ်မှာတော့ ကြက်သွန်ဖြူက ဈေးကွက်ထဲ ငြိမ်နေပါတယ်။ ရန်ကုန်ဈေးကွက်မှာ တစ်ပိဿာကို ၂၆၅၀ ကနေ ၄၁၀၀ ပေါက်ဈေးရှိပြီး ဈေးငြိမ်နေပါတယ်။
ကြူကုတ်ကြက်သွန်ဖြူကတော့ တစ်ပိဿာကို ၃၀၀၀ ကနေ ၃၃၀၀ ပေါက်ဈေးရှိပြီး ဈေးငြိမ်ပါတယ်။
အာလူး
အာလူးကတော့ ဒီတစ်ပတ်မှာလည်း ဈေးက ကျဆင်းသွားပါတယ်။ကုန်စည်ဒိုင်တွေကို အဝင်တွေ ဆက်တိုက်ရှိ နေတဲ့အတွက်ဈေးက ကျဆင်းသွားတာဖြစ်ပါတယ်။
ရန်ကုန်ဈေးကွက်မှာတော့ အာလူး(အောင်ပန်း)က တစ်ပိဿာကို ၃၅၀ ကနေ ၆၅၀ ပေါက်ဈေးရှိပြီး တစ်ပိဿာကို ၃၀၀ လောက်ဈေးက ကျဆင်းသွားပါတယ်။
စားအုန်းဆီ
စားအုန်းဆီကတော့ နှစ်ပတ်ဆက်တိုက် ဈေးတက်နေခဲ့ပေမယ့် ဒီတစ်ပတ်မှာတော့ ဈေးက အနည်းငယ်ပြန် ကျဆင်းသွားပါတယ်။ငွေလဲလှယ်နှုန်းဈေးက ကျဆင်းသွားခဲ့သလို ကမ္ဘာ့စားအုန်းဆီဈေးကလည်း ကျဆင်းသွား တဲ့အတွက်ကြောင့် ပြည်တွင်းစားအုန်းဆီဈေးက ပြန်ကျဆင်းသွားခဲ့ပါတယ်။
မြန်မာနိုင်ငံ ဆီကုန်သည်နဲ့ဆီလုပ်ငန်းရှင်အသင်းက ထုတ်ပြန်တဲ့ စားအုန်းဆီက ဈေးက လက်လီဈေးက ၁၈၃၅ ကျပ်ရှိပြီး ၂၅ ကျပ်ဈေးကျဆင်းသွားပါတယ်။ လက်ကားဈေးကတော့ တစ်ပိဿာကို ၁၇၈၅ ကျပ်ရှိပြီး ၂၅ ကျပ် ဈေးကျဆင်းသွားပါတယ်။
ဘုရင့်နောင်ဈေးကွက်မှာတော့ တစ်ပိဿာကို ၁၇၈၅ ကျပ်ပေါက်ဈေးရှိပြီး တစ်ပတ်အတွင်းတစ်ပိဿာကို ၅၅ ကျပ် ဈေးကျဆင်းသွားပါတယ်။
မန္တလေးဈေးကွက်မှာလည်း တစ်ပိဿာကို ၁၈၈၀ ပေါက်ဈေးရှိပြီး ၆၀ ကျပ် ဈေးကျဆင်းသွားပါတယ်။

(၂၅.၁၁.၂၀၁၉ မှ ၂၉.၁၁.၂၀၁၉)ထိ

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...