ပေါက်ပန်းဖြူအစွမ်း…...အံ့မခန်း

ပေါက်ပန်းဖြုပင်မှာ အပင်လတ်မျိုးဖြစ်ပြီး အပင်ပျော့ဖြစ်ကာ ပေ(၂၀-၃၀) မြင့်မားပါသည်။ အကိုင်းအခက်များပြားလှပြီး အရွက်မှာ ရှည်မျောမျောပုံသဏ္ဍာန်ရှိပြီး ရွက်ရင်းနှင့် ရွက်ထိပ်မှာ ဝိုင်းနေပါသည်။ ရွက်ပြားမှာ ပြောင်ချော၍ အနားညီပါသည်။

အပွင့်မှာ တစ်ခိုင်တွင် (၂-၄) ပွင့်အထိပါရှိပါသည်။ ကြားထွက်ပန်းခိုင်ဖြစ်သည်။ အပွင့်ဖြူလျှင် ပေါက်ပန်းဖြူ၊ အပွင့်နီလျှင် ပေါက်ပန်းနီဟု ခေါ်ကြပါသည်။ ပေါက်ပန်းဖြူကို ပိုပြီး လူသိများပါသည်။ (၂) မျိုးလုံးဆေးဘက်ဝင်ပါသည်။

အသီးမှာ အတောင့်ရှည်ဖြစ်သည်။ အစေ့များစွာပါရှိပါသည်။ အခေါက်မှာ ညိုဝါရောင်ရှိပါသည်။ ပေါက်ပန်းဖြူပင်မှာ မြန်မာနိုင်ငံဒေသအများအပြား၌ ပေါက်ရောက်ပြီး သဘာဝအလျောက်လည်း ပေါက်လေ့ရှိပါသည်။ ဟင်းလျာအဖြစ်လည်း စိုက်ပျိုးကြပါသည်။ ရေမြေအဆင်ပြေလျှင် တစ်နှစ်ပတ်လုံး ကောင်းစွာပွင့်သည်ဟု သိရပါသည်။

ပေါက်ပန်းဖြူရွက်ကို ထမင်းစားသည့်အခါ အတို့အမြှုပ်အနေဖြင့် စားသုံးကြသလို မွန်ပြည်နယ်ဘက်တွင် ပေါက်ပန်းဖြူကို သုပ်စားခြင်း၊ ကင်ပွန်းရွက်၊ မန်ကျည်းရွက် ဟင်းချိုချက်ရာ၌ ပေါက်ပန်းဖြူကိုထည့်၍ ချက်လေ့ရှိကြပါသည်။ ပေါက်ပန်းဖြူအပင်မှာ အရွက်သာမက အပွင့်၊ အစေ့၊ အခေါက်၊ အစေး၊ ဥ၊ အမြစ် စသည့်အစိတ်အပိုင်းများလည်း အသုံးဝင်ပါသည်။

ပေါက်ပန်းဖြူ ဆေးဘက်ဝင်ပုံအကြောင်း

မြန့်မာ့ဆေးကျမ်းများအလိုအရ ပေါက်ပန်းဖြူပင်သည် အေး၏။ လေကိုပွားစေ၏။ ခါးသက်သက်ရှိ၏။ သလိပ်ရောဂါ၊ သည်းခြေရောဂါ၊ နှာရည်ယိုရောဂါများကို ပျောက်ကင်းစေသည်။ အရွက်သည် စပ်၏။ ချို၏။ ခါးသက်သက်ရှိ၏။ သွေးကိုကြည်လင်စေ၏။

အပွင့် အသုံးဝင်ပုံ

- ပေါက်ပန်းဖြူပွင့်ကို အရည်ညှစ်၍ မျက်စိ၌ ခတ်ပေးသော် မျက်စိမှုန်ခြင်း၊ မျက်စိဝေခြင်း ပျောက်၏။

- ပေါက်ပန်းဖြူပွင့်ကို ပြုတ်၍စားပါက ကြက်မျက်သင့်ရောဂါပျောက်၏။

- ဆီးချုပ်၊ ဆီးအိမ်ရောင်တာဖြစ်ပါက ပေါက်ပန်းဖြူပွင့်ကို ရေနဲ့ကျိုပြီး ချက်မှာအုံပေးလျှင် သက်သာပျောက်ကင်းစေပါသည်။

- အပွင့်ခြောက်ကို လက်ဖက်ခြောက်လိုမျိုး ရေနွေးတွင်ထည့်သောက်ပါက မောပန်းတာကိုပြေစေပြီး သွေးသားကို သန့်ရှင်းစေမှာဖြစ်ပါသည်။ ကွမ်းစားသူများ၊ သည်းခြေ၊ ကျောက်ကပ်ရှိသူများလည်း ပေါက်ပန်းဖြူပွင့်ကို မကြာခဏပြုတ်စား၊ တို့စားသင့်ပါသည်။

အရွက် အသုံးဝင်ပုံ

- ပေါက်ပန်းဖြုအရွက်ကို အရည်ညှစ်၍ ချင်း(ဂျင်း) ခြောက်၊ ပိတ်ချင်း၊ ကြံသကာတို့နှင့် ဆတူရော၍ ရှူပေးပါက စိတ်ပျံ့လွင့်သော ရောဂါကိုပျောက်၏။

- တုပ်ကွေး (သို့) ရိုးရိုးဖျားပါက ပေါက်ပန်းဖြူကို ကြက်သွန်နီနိုင်နိုင်နှင့် ကြော်စားပါက ပျောက်၏။

အစေးနှင့် အစေ့အသုံးဝင်ပုံ

ပေါက်ပန်းဖြူအပင်၏ အစေးကို လိမ်းပေးလျှင် အနာ၊ အဖု၊ အပိန့်တို့ကို ပျောက်ကင်းစေသလို အစေ့ကို သံပုရာရည်နှင့် ကြိတ်ပြီး လိမ်းပေးလျှင် ယားနာတွေကို ပျောက်ကင်းစေပါသည်။

ထိုသာမက ပေါက်ဥကို အမှုန့်ပြုလုပ်၍ ပျားရည်နှင့်စားပါက အင်းအားပြည့်ဖြိုး အသက်ရှည်စေသည်ဟု သိရပါသည်။ ထို့ပြင် ပေါက်ပန်းဖြူအမြစ်ကို ရေနှင့်ကြိတ်ပြီး မီးဖြင့်နွှေးကာ အဆစ်ရောင်သောနေရာများတွင် လိမ်းပေးပါက အဆစ်ရောင်ရောဂါကို ပျောက်ကင်းသည်ဟု သိရပါသည်။

ပေါက်ပန်းဖြူကို-

မျိုးပေါင်း - Eudicots

မျိုးစဉ် - Fabales

မျိုးရင်း - Fabaceae

မျိုးစု - Sesbania

မျိုးစိတ် - Sesbania grandiflora ဟူ၍ ဖြစ်ကြပါသည်။

ပင်လယ်ပြာ (ငါး/ဦးစီး)

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...