အရည်အသွေးကောင်းထောပတ်သီးများ ဈေးကွက်တင်ပို့နိုင်ရန်အတွက် ခူးဆွတ်ချိန်မှန်ကန်တိကျဖို့ လိုအပ်

    ထောပတ်ပင် စိုက်ပျိုးထုတ်လုပ်သူများအနေဖြင့် အရည်အသွေးကောင်းထောပတ်သီးများ ဈေးကွက်တင်ပို့ ရောင်းချနိုင်ရန်အတွက် အသီးခူးဆွတ်ချိန်ကို မှန်ကန်တိကျမှုရှိရန် သတိပြုသင့်ကြောင်း ထောပတ်ပင်ကိုယ်တိုင်စိုက်ပျိုးသူများထံမှ သိရသည်။

လက်ရှိ ပြည်တွင်းဈေးကွက်ကိုပို့နေတာတွေက အသီးအရည်အသွေးအားနည်းတယ်။ အသီးအရည်အသွေးကြောင့်လည်း စားသုံးသူတွေဘက်က ထောပတ်သီးများများစားစား ၀ယ်ယူထားဖို့အတွက်ကို ချင့်ချိန်သွားတာမျိုးအထိ ဖြစ်သွားတတ်တယ်။ ဒါ့ကြောင့် ကျွန်တော်တို့တောင်သူတွေအနေနဲ့က အရည်အသွေး ထိန်းသိမ်းစိုက်ပျိုးသင့်သလို ခူးဆွတ်ချိန်ကိုလည်း မှန်မှန်ကန်ကန်တိတိကျကျနဲ့ ခူးဆွတ်သင့်တယ်။ ဒေသသီးတွေ ဈေးနှုန်းပုံမှန်မရတဲ့ အဓိကအားနည်းချက်တစ်ခုက အသီးနုတွေကို မရင့်မှည့်ခင် ခူးဆွတ်တတ်တာကြောင့်လည်းပါပါတယ်။

ဟု ရှမ်းပြည်နယ်တောင်ပိုင်း၊ တောင်ကြီးမြို့အနီး၊ ဝင်းယစံပြကျေးရွာမှ ထောပတ်စီးပွားဖြစ်စိုက်ပျိုးသူ ကိုနိုင်လင်း က ပြောသည်။ 

    ယခုကဲ့သို့ ဈေးကွက်မတင်ပို့မီကာလများအတွင်း ထောပတ်တောင်သူများအနေဖြင့် အပင်ရောဂါနှင့် ပိုးမွှားကျရောက်မှုများအတွက် ကြိုတင်ကာကွယ်မှုများ ပြုလုပ်သင့်ကြောင်း သိရသည်။

အခုလောလောဆယ်မှာတော့ ထောပတ်က ဈေးကွက်ပို့ဖို့ အချိန်ကာလ နှစ်လဝန်းကျင် လိုသေးတယ်။ ဒီကြားထဲမှာ မြေဩဇာထည့်ပေးတာနဲ့ မှိုသတ်ဆေးဖျန်းပေးတာတွေ အပြင်၊ သီးထိုးယင်ကာကွယ်တာတွေ လုပ်ပေးသင့်ပါတယ်။ ကျွန်တော်ကတော့ သဘာဝဆေးဝါးတွေသုံးတယ်။ စက်တင်ဘာလအလယ်လောက်မှာစပြီး သဘာဝမြေဩဇာကျွေးပေးတယ်။ သီးထိုးယင်ကိုတော့ ထောပတ်ပင် အသီးကင်းစဝင်တဲ့အချိန်ကနေ အသီးတွေ ရင့်ချိန်တဲ့အထိ တောင်သူတွေ သတိထားရတယ်။ ဒါ့အပြင် ထောပတ်ပင်စိုက်ပျိုးရာမှာ မှိုကျရောက်မှုနဲ့ ပင်စည်ပိုးထိုးကလည်း ဂရုစိုက်ရမယ့် အဓိကအချက်တွေထဲ ပါဝင်နေပါတယ်။

ဟု ကိုနိုင်လင်း က ဆက်လက်ပြောသည်။ 

    မြန်မာနိုင်ငံတွင် ထောပတ်ပင်ကို ရှမ်းပြည်နယ်၊ ချင်းပြည်နယ်တို့၌ အများဆုံးတွေ့ရှိရပြီး၊ ပင်လယ်ရေမျက်နှာပြင် အမြင့် ၃,၀၀၀ မှ ၅,၀၀၀ အတွင်းသည် ထောပတ်ပင် ဖြစ်ထွန်းမှုအများဆုံးအနေအထားဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်