ဈေးကွက်ခိုင်မာမှုရှိစေရန် သီးနှံတစ်ခုချင်းစီအလိုက် အထူးပြုပညာရှင်များ လိုအပ်နေ

ပြည်တွင်း၌ စိုက်ပျိုးနေသော သီးနှံများ ဈေးကွက်ကောင်းမွန်ခိုင်မာမှုရှိစေရန် သီးနှံတစ်ခုချင်းစီအလိုက် အထူးပြုပညာရှင်များ လိုအပ်နေကြောင်း ဈေးကွက်ကျွမ်းကျင်သူများက ပြောသည်။

သီးနှံတစ်ခုချင်းစီမှာ အထူးပြုတဲ့ပညာရှင် မရှိဘူးဖြစ်နေတယ်။ တောင်သူတွေ ဈေးကောင်းရဖို့ဆိုရင် ကြက်သွန်ဆိုလည်း ကြက်သွန်နဲ့ပတ်သက်တဲ့ အထူးပြုပညာရှင်ရှိဖို့ လိုအပ်နေတယ်။ တချို့သီးနှံတွေ ဈေးမကောင်းဘူးဆိုတာ ဘယ်နေရာကြောင့် ဈေးမကောင်းတာလဲဆိုတဲ့အဖြေကို ဘယ်သူကမှ ပြဿနာဖြေရှင်းဖို့ လုပ်တာမတွေ့ရဘူး။ တောင်သူတွေကို မျိုးရောင်းဖို့တစ်ခုတည်း မပြောသင့်ဘူး။ မျိုးရောင်းပြီးရင် ထွက်လာတဲ့သီးနှံကိုလည်း ဝယ်ပေးတာမျိုး လုပ်ဆောင်သင့်ပါတယ်။

ဟု ကော်ဖီစိုက်ပျိုးရေးအထူးပြု ပညာရှင် ဦးစောရန်နိုင်စိုးက ပြောသည်။

သီးနှံတစ်ခုချင်းစီအလိုက် အထူးပြုပညာရှင်များ ပေါ်ထွန်းလာပါက သက်ဆိုင်ရာသီးနှံအတွက် သင့်လျော်သော စိုက်ပျိုးချိန်၊ ဈေးကွက်လိုအပ်ချက်အလိုက် စိုက်ပျိုးထုတ်လုပ်သင့်သည့် ပမာဏ၊ လိုအပ်သောအရည်အသွေး ထိန်းချုပ်စိုက်ပျိုးခြင်းများကို အဆင့်ဆင့် လုပ်ဆောင်သွားနိုင်မည် ဖြစ်သည်။

ဥပမာ - ကော်ဖီဈေးကွက် မကောင်းတဲ့အချိန်မျိုး ကျွန်တော်တို့တွေ ကြုံခဲ့ဖူးတယ်။ ဝယ်မယ့်သူမရှိတာတို့၊ အပင်တွေခုတ်ပစ်တာမျိုး အချိန်တွေလည်း ကြုံခဲ့ဖူးတယ်။ အဲ့ဒီအခါ ဘာကြောင့်ဖြစ်တာလဲဆိုတာကို ကျွန်တော်တို့ ၂၀၀၃ - ၂၀၀၄ ခုနှစ် လောက်ကစပြီး ပရောဂျက်တွေ တွဲလုပ်ပြီး သုတေသနပြုခဲ့တဲ့အတွက် ၂၀၀၇ - ၂၀၀၈ ခုနှစ်လောက်ကစပြီး ကော်ဖီဈေးက တောက်လျှောက် အတက်ဘက်ချည်းပဲ။ ပြောချင်တာက ကျွန်တော်တို့ ကော်ဖီသီးနှံတင်မဟုတ်ဘဲ တခြားသီးနှံတွေမှာလည်း ဒီလိုမျိုး သုတေသနပြု အဖြေရှာစေချင်ပါတယ်။

ဟု ၎င်းက ဆက်လက်ပြောသည်။

မြန်မာနိုင်ငံသည် စိုက်ပျိုးရေးနိုင်ငံတစ်ခုဖြစ်ပြီး ၇၀ ရာခိုင်နှုန်းဝန်းကျင် ပြည်သူများသည် စိုက်ပျိုးရေးနှင့်ဆက်စပ်သော စီးပွားရေးလုပ်ငန်းများဖြင့် အသက်မွေးဝမ်းကျောင်းပြုနေကြသော်လည်း ယခုဖြစ်ပေါ်နေသော နိုင်ငံရေးအခြေအနေအပြောင်းအလဲများနှင့် COVID-19 ကပ်ရောဂါ ကူးစက်ပြန့်ပွားသည့် အခြေအနေအရပ်ရပ်တို့ကြောင့် စိုက်ပျိုးသီးနှံအများစု ဈေးကွက်ပျက်ယွင်းခြင်းကို ကြုံတွေ့ခံစားနေကြရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...