ဈေးကွက်အခက်အခဲဖြစ်နေတဲ့ ပဲမျိုးနေရာမှာ အစားထိုးစိုက်ပျိုးနိုင်မယ့် ပဲပုပ်မျိုးသစ်

04/09/2018 15:27 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ပဲပုပ်သီးနှံ သုတေသနရလဒ်အဖြစ် အသက်ရက် (၁၀၀ မှ ၁၁၀) အတွင်း ရိတ်သိမ်းနိုင်သော ရေဆင်း- ၆၊ ရေဆင်း- ၁၁ နှင့် ရေဆင်း - ၁၅ ပဲပုပ်မျိုးများကို တောင်သူများ စိုက်ပျိုးထုတ်လုပ်နိုင်ရန် မျိုးများပွားများလျက်ရှိပါသည်။ ၎င်းမျိုး များသည် အထွက်နှုန်း (Yield Potential) တစ်ဧက (၄၀) တင်းအထိ ထွက်နိုင်ပြီး၊ အသားဓာတ် (Protein) ပါဝင်မှု (၃၄ မှ ၄၃ %) နှင့် ဆီပါဝင်မှုနှုန်း (၂၀ မှ ၂၂%) အသီးသီးပါဝင်သော မျိုးများ ဖြစ်ပါသည်။ ၎င်းမျိုးများသည် မိုးရာသီနှင့် စပါးသီးထပ်အဖြစ် စိုက်ပျိုးနိုင်ပြီး၊ တောင်ပေါ်မြေပြန့် စိုက်ပျိုးနိုင်သောမျိုးများအဖြစ် စမ်းသပ်တွေ့ရှိထားပြီး ဖြစ်ပါ သည်။

ပဲပုပ်သီးနှံသည် လယ်သီးထပ်၌ ဈေးကွက်အခက်အခဲဖြစ်နေသော ပဲသီးနှံများနေရာတွင် အစားထိုး စိုက်ပျိုးနိုင်ခြင်း၊ အာဟာရ နှင့် ကျန်းမာရေးအတွက် အထောက်အကူဖြစ်သော ပဲပုပ်ဆီဖြစ်ခြင်းကြောင့် ဆီထွက်သီးနှံ ဖူလုံရေးအတွက် အထောက်အကူ ဖြစ်စေပါသည်။

ဆက်လက်၍လည်း ပဲပုပ်မျိုးစပ် ပညာရှင်များ (Soybean Breeders) ၏ ကြိုးပမ်းမှုကြောင့် အထွက်စွမ်းအား (Yield Potential) နှင့် ဆီထွက်နှုန်း ပိုမိုသာလွန်သော မျိုးသစ်များလည်း ထပ်မံ၍ သုတေသနရလဒ်အဖြစ် အောင်မြင်စွာ ရရှိနေ ပြီဖြစ်ပါကြောင်း စိုက်ပျိုးရေးသုတေသနဦးစီးဌာန၏ သုတေသနတစ်ခုအဖြစ် ဖော်ပြအပ်ပါသည်။

Source - စိုက်ပျိုးရေးသုတေသနဦးစီးဌာန


မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more Facebook Page သို့သွားရန်

ဆွေးနွေးချက်များ

ဆွေးနွေးရန်