နို့စားနွားများအတွက် မြက်မျိုးနွယ်ဝင် စားကျက်ပင် (၁)

   Desmodiumintortum cv Greenleaf “Greenleaf Desmodium”

• Greenleaf Desmodium (ဒက်စမိုဒီယန်း) သည် နှစ်ရှည်ပဲမျိုးနွယ် စားကျက်ပင်ဖြစ်သည်။

• မြေပြင်ပြန့်ကျဲ ပေါက်ရောက် သောအပင်ဖြစ်သည်။ တောင်ပေါ် အအေးပိုင်းဒေသများတွင် စိုက်ပျိုး နိုင်သည်။ ရေရရှိ နိုင်သော ဒေသများတွင် ပိုမိုဖြစ်ထွန်းနိုင်သည်။

• ခြောက်သွေ့မှုကိုလည်းခံနိုင်သည်။ အရိပ်ရအပင်များအောက်တွင် စိုက် ပျိုးနိုင်သည်။ စားကျက်မြက်ပင်များနှင့် ရောနှောစိုက်ပျိုးနိုင်သည်။

• လွှတ်ကျောင်း စားကျက်များတွင် လွှတ်ကျောင်း အသင့်တင့် ခံနိုင်သည်။ အရသာရှိမှုနှင့် အာဟာရဓာတ် ပါဝင်မှုအသင့်တင့်ဖြစ်သည်။ တောင်ပေါ် ဒေသများတွင် မျိုးစေ့ထုတ်လုပ်ရန် အထူးကောင်းမွန်သည်။

• စိုက်ပျိုးရာသီတွင် အဆစ်ဖြတ်မျိုးပွားနိုင်သည်။

• တစ်ဧကမျိုးစေ့ ထွက်နှုန်း (၃၂-၄၀) ကီလို ရှိသည်။

• တစ်ဧက၏ အစာခြောက်ပမာဏ ထွက်ရှိမှုသည် (၆-၇) တန်ဖြစ်သည်။

Brachiariahybrid (Brachiariadecumbens X B.ruziziensis X B.brizantha)

Cv Mulato II

• Mulato II (မိုလတို) မြက်ကို အမြဲတမ်းစားကျက်များတွင် စိုက်ပျိုးနိုင်ပါသည်။ ထွက်နှုန်းကောင်း/အရသာ ကောင်းသောစပ်မျိုးဖြစ်သည်။ လွှတ်ကျောင်းခံနိုင်သော မြက်မျိုးဖြစ်သည်။

• ပဲပန်းနှင့် ရောနှောစိုက်ပျိုးရန် သင့်တော်သည်။ အဆစ်မျိုးပွားခြင်းဖြင့် ပြန့်ပွားနိုင်သည်။

• ရေဝပ်သောနေရာတွင် စိုက်ပျိုးရန် မသင့်တော်ပေ။

• နို့စားနွား၊ အသားစားနွား အတွက်အထူးကောင်းမွန်သော မြက်မျိုးဖြစ်သည်။

• ထုတ်လုပ်မှုနှင့်အာဟာရတန်ဖိုး မြင့်များစွာပါဝင်သည်။

• ခြောက်သွေ့မှုကို ခံနိုင်သည်။ အရိပ်ရအပင်များအောက်တွင် ဖြစ်ထွန်းမှုနည်းပါး သည်။

• ရိတ်သိမ်းသယ်ယူ ကျွေးမွေးခြင်း၊ လွတ်ကျောင်း ကျွေးမွေးခြင်းစသည့် စား ကျက်များတွင် ပဲမျိုးနွယ်ဝင်စားကျက်ပင်များနှင့် (၁၆) လက်မခြား ၍စိုက်ပျိုး နိုင်သည်။

• (၂၀-၃၀) ရက်ခြား ရိတ်သိမ်းသယ်ယူကျွေးမွေးနိုင်သည်။ မျိုးစေ့ ထုတ်ရန် ခက်ခဲသည်။

Panicum maximum cv Gatton "Gatton panic"

• ဂက်တွန်မြက်မျိုးသည် အရွက်ဖားပြီး အစိုဓါတ်ကို ထိန်းသိမ်းနိုင်သည်။ မြေလျှောက် အဆစ်ကျအပင်ပွားနှုန်း ကောင်းသည်။

• မြေသြဇာအသင့်တင့်ရှိသော မြေများတွင်ဖြစ်ထွန်းပြီး နှစ်ရှည်ခံပင်ဖြစ် သည်။ တစ်ဧကလျှင် မျိုးစေ့ (၂) ကီလိုဂရမ် စိုက်ပျိုးရန် လိုသည်။

• အရိပ်အောက်တွင် စိုက်ပျိုးနိုင်သည်။ သရက်စိုက်ခင်းများ အောက်တွင် စိုက်ပျိုးနိုင်သည်။ ရေဝပ်သောနေရာများတွင် စိုက်ပျိုးရန် မသင့်ပေ။

• ရိတ်သိမ်းသယ်ယူကျွေးမွေးခြင်း၊ လွတ်ကျောင်းကျွေးမွေးခြင်း အသုံးပြု နိုင်သည်။ အခြားစားကျက်ပဲမျိုး၊ စားကျက်မြက်မျိုးများနှင့် ရောနှော စိုက်ပျိုးနိုင်သည်။ စားကျက်ပင်များကို (၁၆) လက်မခြား၍ ရောနှောစိုက် ပျိုးနိုင်သည်။ စိုက်ပျိုးပြီး မြက်ပင်များကို (၃-၄) ပတ်ခြား ကျွေးမွေး နိုင်သည်။

Source - မြန်မာ - နယူးဇီလန် ကောင်းမွန်သောနို့စားနွား မွေးမြူမှု စီမံကိန်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်