ပဲတောင်ရှည်တွင်ကျရောက်တတ်သော ပိုးမွှားများ (၂)

ပဲပျပိုး

ဖျက်ဆီးပုံလက္ခဏာများ 

• အရွက်များ၊ ပန်းခိုင်များနှင့် ပဲသီးငယ်များအား အနက်ရောင်ပျပိုးများကို တွေ့ရသည်။ 
• ပုရွက်ဆိတ်အနက်များ ရွေ့လျားမှုနှင့်အတူ ပျားရည်ချိုးစစ်ထုတ်မှုကို တွေ့ရသည်။ 

ဖျက်ပိုး၏ဝိသေသလက္ခဏာ

ပိုးမမည်နှင့် အရွယ်ရောက်ကောင် – ဝမ်းဗိုက်ပိုင်းတွင် ဆူးချွန်နှင့်အတူ အနက်ရောင်ရှိသည်။ 

ကာကွယ်နှိမ်နင်းခြင်း

အောက်ပါပိုးသတ်ဆေးတစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း ပက်ဖျန်းပါ။

• ဒိုင်မီသိုအိတ် (Dimethoate)
• ထရိုင်ယာဇိုဖော့စ် (Triazophos)
• အင်ဒိုဇာကာ့ဘ် (Indoxacarb)
• အီမာမက်တသ်ဘန်ဇိုအိတ် (Emamectin benzoate)
• တမာစေ့ခွံစစ်ကျရည် (Neem Seed Kernel Extract)
• တမာဆီ (Neem oil) 

ပဲတောင့်ရှည်သီးတောင့်ထိုးပိုး

ဖျက်ဆီးပုံလက္ခဏာများ

• အစောပိုင်းအဆင့်များတွင် အရွက်များကို ကြွေစေသည်။
• လောက်ကောင်၏ဦးခေါင်းသာ အသီးများ၏အတွင်းပိုင်းကို ထိုးဖောက်ပြီး ကျန်ရှိသည့် ကိုယ်ခန္ဓာအပိုင်းသည် အပြင်ဖက်သို့ထွက်နေသည်။
• ဖျက်ဆီးခံရသောပဲတောင့်ရှည်မှ ဒဏ်ရာများသည် လုံးဝန်းသောအပေါက်များဖြစ်ကြသည်။ 

ဖျက်ပိုး၏ဝိသေသလက္ခဏာ

လောက်ကောင် - ကိုယ်ခန္ဓာမှာ မီးခိုးဖြူရောင်ရှိပြီး အညိုရောင်ဦးခေါင်းပါရှိသည်။ အဆစ် အသီးသီး၏ ကျောဖက်တွင် အနက်ရောင်အစက်ပါရှိသော အစုံနှစ်စုံရှိသည်။ 

အရွယ်ရောက်ကောင် -  ရှေ့တောင်ပံသည် အဖြူရောင်အမှတ်အသားများနှင့်အတူ ညိုနုရောင်ရှိသည်။ နောက်တောင်ပံသည် အရှည်လိုက်အစွန်းပိုင်းတွင် အညိုရောင်အမှတ်အသားများပါရှိပြီး အဖြူရောင်ရှိသည်။ 

ကာကွယ်နှိမ်နင်းခြင်း

အပင်တစ်ပင်လျှင် လောက်ကောင်သုံးကောင်တွေ့ရှိရပါက အောက်ပါပိုးသတ်ဆေး တစ်မျိုးမျိုးကို ဆေးဘူး/အိတ်ပါအညွှန်းစာအတိုင်း အသုံးပြုပါ။ 

• လန်ဘ်ဒါဆိုင်ဟာလိုသရင် (Lambda cyhalothrin)
• အင်မီဒါကလိုပရစ်ဒ် (Imidacloprid)
• တမာဆီ (Neem oii)

ရွက်စားဖြုတ်ပိုး

ဖျက်ဆီးပုံလက္ခဏာများ

• အရွက်များ ပြောက်ကြားဖြစ်သွားကြပြီး အဝါရောင်သန်းသွားကြသည်။
• အရွက်များ၏အောက်ဖက်မျက်နှာပြင်တွင် အစိမ်းရောင်အင်းဆက်များကို တွေ့ရသည်။ 

ဖျက်ပိုး၏ဝိသေသလက္ခဏာများ

အကောင်ကြီးများသည် ရှည်မျောမျောဖြစ်ကာ တက်ကြွပြီး သပ်ပုံရှိကြကာ အစိမ်းရောင် ရှိသည်။ 

ကာကွယ်နှိမ်နင်းခြင်း

အောက်ပါပိုးသတ်ဆေးကို ဆေးဘူး/အိတ်ပါအညွှန်းစာအတိုင်း ပက်ဖျန်းပါ။

• ဒိုင်မီသိုအိတ် (Dimethoate)

ဒေါက်တာကိုကို (စိုက်ပျိုးရေး)

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။