စားတော်ပဲ၊ ကုလားပဲများကို ပြည်ပနိုင်ငံများမှ ယာယီတင်သွင်းရန် စီစဉ်လျက်ရှိ

01/07/2019 17:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ပြည်တွင်းလိုအပ်ချက်ပြည့်မီအောင် မစိုက်ပျိုးနိုင်သည့် စားတော်ပဲ၊ ကုလားပဲများကို ပြည်ပနိုင်ငံများမှ ယာယီတင်သွင်းရန် စီစဉ်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပြောသည်။ 

ရန်ကုန်မြို့ရှိ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တွင် ဇွန်လ ၂၉ ရက်က ကျင်းပပြုလုပ်သည့် နိုင်ငံတော် ဒုတိယသမ္မတ ဦးဆောင်သည့် ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီနှင့် မြန်မာ့စီးပွားရေးလုပ်ငန်းရှင်များ၏ ၂၈ ကြိမ်မြောက် ပုံမှန်တွေ့ဆုံ ဆွေးနွေးပွဲ၌ ယင်းကဲ့သို့ ပြောကြားခဲ့ခြင်းဖြစ်သည်။ 

"ကျွန်တော်တို့ဆီမှာ အိန္ဒိယကြိုက်တဲ့ပဲကို တိုးချုဲ့ထုတ်လုပ်မယ်။ ဈေးကွက် ရှိတယ်။ ဂျပန်၊ ကိုရီးယား၊ တရုတ်ကြိုက်တဲ့ပဲကို တိုးချဲ့စိုက်ထုတ်မယ်။ ဈေးကွက်ရှိတယ်။ အဲ့ဒါဆိုတော့ ပြည်တွင်းမှာ လိုအပ်တဲ့ စားတော်ပဲတို့ ကုလားပဲတို့မှာ ဈေးလျော့တဲ့အတွက်ကြောင့် လယ်သမားတွေကလည်း အကျိုးရှိရာ တိုးချဲ့စိုက်တဲ့အတွက် ပြည်တွင်းရဲ့လိုအပ်ချက်ကို မှီအောင်မစိုက်နိုင်ပါဘူး။ မစိုက်နိုင်တဲ့အတွက်ကြောင့် ကုလားပဲ၊ စားတော်ပဲတို့ကို နိုင်ငံခြားကနေ စိုက်ပျိုးတဲ့တောင်သူတွေ မထိခိုက်အောင် ယာယီတင်သွင်းဖို့ ဆောင်ရွက်နေပါတယ်။ ကျွန်တော်တို့ တောင်သူတွေနဲ့ရော ကုန်သည်တွေနဲ့ရော အစိုးရရော ဆွေးနွေးတာရှိတယ်။" ဟု ပြည်ထောင်စုဝန်ကြီး ဒေါက်တာသန်းမြင့်က ပြောသည်။ 

အိန္ဒိယနိုင်ငံအပါအဝင် ပြည်ပနိုင်ငံများမှ ဝယ်လိုအားရှိသည့် မတ်ပဲ၊ ပဲစင်းငုံ၊ ပဲတီစိမ်း အစရှိသော ပဲအမျိုးအစားများကိုသာ တောင်သူများအနေဖြင့် ဦးစားပေး ရွေးချယ်စိုက်ပျိုးလာခြင်းကြောင့် ပြည်တွင်းလိုအပ်ချက် ပြည့်မီအောင် စိုက်ပျိုးထုတ်လုပ်နိုင်ခြင်းမရှိသော စားတော်ပဲ၊ ကုလားပဲများကို ပြည်တွင်းကုမ္ပဏီများသည် ပြည်ပမှ တင်သွင်းခွင့်ပြုရန် လိုင်စင်လျှောက်ထားမှုအပေါ် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနအနေဖြင့် ယင်းကဲ့သို့ တင်သွင်းခွင့်ပေးရန် စီစဉ်ဆောင်ရွက်နေခြင်းဖြစ်ကြောင်း သိရသည်။ 

"ဒီပဲတွေက ဈေးသိပ်မရလို့ စိုက်တဲ့တောင်သူတွေက နည်းတယ်။ စိုက်ပျိုးတောင်သူနည်းတော့ ပစ္စည်းကရှားပါးလာလို့ တောင်သူတွေဘက်က တင်သွင်းခွင့်လျှောက်ထားလာကြတာပါ။ Data အားနည်းတဲ့အတွက် ဒီကိစ္စတွေဖြစ်လာရတာပါ။ အားကောင်းမယ်ဆိုရင် တောင်သူတွေဘက်ကလည်း ချင့်ချင့်ချိန်ချိန် စိုက်ပျိုးလာမှာပါ။" ဟု ဘုရင့်နောင်ကုန်စည်ဒိုင်ရှိ ကုန်သည်တစ်ဦးက ပြောသည်။ 

လက်ရှိ မြန်မာနိုင်ငံတွင် မတ်ပဲ၊ ပဲစင်းငုံ၊ ပဲတီစိမ်း အစရှိသည့် ပဲအမျိုးအစားများကို အဓိကစိုက်ပျိုးလျက်ရှိပြီး မတ်ပဲနှင့် ပဲစင်းငုံကို အိန္ဒိယနိုင်ငံမှ အများဆုံးဝယ်ယူကာ ပဲတီစိမ်းကို တရုတ်နိုင်ငံနှင့် ဥရောပနိုင်ငံအချို့မှ ဝယ်ယူလျက်ရှိကြောင်း သိရသည်။

အေးအေးမြင့်(ABM)

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်