အာလူးပင်ညိုးရောဂါ

Photo - harvesting-of-potato-in-myanmar

ကျရောက်ရာဒေသ
ရောဂါကျရောက်ခဲ့ဖူးသော မြေတွင်ပြန်စိုက်လျှင် ပြန်ဖြစ်လေ့ရှိပါသည်။ ရောဂါကျအပင်မှ မျိုးစေ့ယူထားပြီး ပြန်စိုက်ပါကလည်း ဖြစ်ပေါ်တတ်ပါသည်။
 
ရောဂါပင်ပြလက္ခဏာ
- အပင်ထိပ်ဖျားအရွက်များ ညှိုးငိုက်လာပြီး ၂ - ၃ ရက်အတွင်း တစ်ပင်လုံးညှိုးကျသွားသည်။ 
- ရောဂါစကျသည့် အာလူးများကို ကန့်လန့်ဖြတ်ကြည့်ပါက အညိုရစ်တွေ့ရပြီး ရောဂါဆိုးပါက ပျော့ပုပ် သွား ပါသည်။
- ရောဂါကျ ပင်စည်ကို ကန့်လန့်ဖြတ်ပြီး ရေဖန်ခွက်ထဲ ပြောင်းပြန်ထည့်ကြည့်ပါက အဖြူရောင် ဘက်တီးရီးယား များ စိမ့်ထွက်လာသည်။ ပင်စည်ဖြတ်ရာနေရာမှ အဖြူရောင်ထွက်လာသည်ကို မြင်နိုင်သည်။
 
ကာကွယ်နှိမ်နှင်းနည်းများ
_ ခံနိုင်ရည်ရှိသော မျိုးကို သုံးပါ။
_ ရောဂါရအပင်ကို ချက်ချင်းနှုတ်ယူ ဖျက်ဆီးမီးရှို့ပါ။
_ မြေတွင်းအောင်း အင်းဆက်ပိုးမွှားများနှင့် နီမတုတ်များကို ကြိုတင်ကာကွယ်ပါ။
_ ပြောင်းရွှေ့စိုက်ပျိုးစဉ် အမြစ်များ ဒဏ်ရာမရအောင်ဆောင်ရွက်ပါ။
_ စိုက်ဘောင်၊ စိုက်ခင်းရေမဝပ်စေရန်ဆောင်ရွက်ပါ။
_ အာလူးမျိုးရင်းမဟုတ်သည့် (ဥပမာ - ခရမ်းချဉ်၊ ငရုတ်၊ ခရမ်း) တို့နှင့် သီးထပ်စိုက်ပျိုးမှုမှ ရှောင်ကျဉ်ပါ။
_ မြေချဉ်ငန်ဓာတ်( ရ.၅_ ရ.၆) ရရှိစေရန်ဆောင်ရွက်ပါ။ ထုံးထည့်ပေးပါ။
_ ထယ်နက်နက်ထိုးပြီးမြေလှန်ပေးပါက မြေကြီးအပေါ်သို့ရောက်ရှိလာသော နီမတုတ်များသည် မြင့်မားသော အပူချိန်ကြောင့် သေစေသည်။
 
 
ကိုးကား - စိုက်ပျိုးရေးဦးစီးဌာန


ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"တမန်းအိုအို ပျိုးပျိုပျို"