တရုတ်နိုင်ငံက တင်သွင်းခွင့်မပြု၍ ဆန်တန်ချိန် ခြောက်သောင်းကျော် မူဆယ်၌ ပိတ်မိနေ

တရုတ်-မြန်မာနယ်စပ် မူဆယ် (၁၀၅) မိုင်ကုန်သွယ်ရေးဇုန်မှတစ်ဆင့် တစ်ဖက်တရုတ်နိုင်ငံသို့ တင်ပို့လျက်ရှိသော မြန်မာဆန်များကို တရုတ်နိုင်ငံဘက်မှ ယခုနှစ် ဖေဖော်ဝါရီ ၂၅ ရက် နောက်ပိုင်းမှစ၍ တင်သွင်းခွင့်ပြုသည့်အတွက် လက်ရှိအချိန်တွင် မူဆယ်မြို့နယ်အတွင်းရှိ ဆန်ဂိုဒေါင်များ၌ ဆန်တန်ချိန်ခြောက်သောင်းကျော် ပိတ်မိနေသည်ဟု ဆန်ကုန်သည်အချို့ထံမှ သိရသည်။

“အခု မူဆယ်နယ်စပ်ဂိုဒေါင်တွေမှာ ရှိနေတဲ့ဆန်တွေက အရင်လက်ကျန်ဆန်တွေ ဖြစ်ပါတယ်။ တရုတ်နိုင်ငံက တင်ပို့ခွင့်မပေးတဲ့နောက်ပိုင်း မူဆယ်ဘက်ကို ဆန်ကားတွေတက်လာတာ မတွေ့ရတော့ပါဘူး။ ကျွန်တော်တို့အနေနဲ့ ဒီမူဆယ်နယ်စပ်မှာ ပိတ်မိနေတဲ့ဆန်တွေကို ဘယ်လိုလုပ်ရမလဲဆိုတာပဲ နေ့စဉ်နဲ့အမျှ စဉ်းစားနေရတယ်။ တရုတ်ဘက်က တရားမဝင် မှောင်ခိုတားဆီးမှုဆိုပြီးတော့ စီမံချက်တွေနဲ့ဝင်တဲ့လမ်းကြောင်းတွေမှာ စောင့်ဖမ်းတာတွေရှိသလို ဖမ်းမိတဲ့လူတွေကို အရေးယူမှုတွေ ပြုလုပ်ကြတာရှိနေပြီး မြန်မာနဲ့ ထိစပ်မှုရှိနေတဲ့ နယ်စပ်မျဉ်းတစ်လျှောက်မှာ မှောင်ခိုမလုပ်ကြဖို့ ဆော်သြနေတာတွေလည်း ရှိနေတဲ့အတွက် တရားမဝင် လမ်းကြောင်းက သွားဖို့ဆိုတာ မဖြစ်နိုင်တော့ပါဘူး" ဆန်ကုန်သည်တစ်ဦးက ပြောသည်။

မူဆဘ်ဆန်ကုန်စည်ဒိုင် အတွင်းရေးမှူး ဦးသန်းဘိုဦးက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တရုတ်နိုင်ငံခရီးစဉ်တွင် မြန်မာနိုင်ငံမှ ဆန်တန်ချိန်တစ်သိန်းကို တင်သွင်းခွင့် ရရှိခဲ့သည်ဟု သိရကြောင်း၊ ကြားသိရသလောက်အနေဖြင့် အိုဗာဆီးလိုင်းမှ တင်သွင်းရမည်ဟု ကြားထားကြောင်း၊ တင်ပို့ချိန်တွင် မူဆယ်၌ ပိတ်မိနေသည့် ဆန်များကိုလည်း တာဝန်ရှိသူများအနေဖြင့် စဉ်းစားပေးလိုကြောင်း ပြောသည်။

လက်ရှိအချိန်တွင် တရုတ်နိုင်ငံအနေဖြင့် မြန်မာနိုင်ငံမှဆန်ကို တရားဝင်လမ်းကြောင်းမှတစ်ဆင့် လိုင်စင်ဖြင့် တင်ပို့ခြင်းကို ခွင့်ပြုထားသော်လည်း ဆန်အလုံးအရှည်အပေါ်မူတည်ပြီး ကန်သတ်ထားသဖြင့် ဆန်အမျိုးအစားအချို့မှာ လိုင်စင်ဖြင့် တရားဝင်သွင်းရန်လည်း သတ်မှတ်ချက်နှင့် မကိုက်ညီသည့် အခက်အခဲရှိနေပြီး ပိတ်မိနေခြင်းဖြစ်ကြောင်း သိရသည်။

မူဆယ်၌ ဆန်များပိတ်မိနေချိန်တွင် ကုန်သည်အချို့အနေဖြင့် ပျက်စီးမည်စိုး၍ ဆန်အိတ်များကို မြန်မာနိုင်ငံအတွင်းသို့ ပြန်သယ်ကြသည်လည်းရှိကြောင်း၊ လက်ရှိအခြေအနေများအရ ဆန်တင်ပို့မှုမှာ ပြီးခဲ့သည့် ၂၀၁၇-၂၀၁၈ ဘဏ္ဍာနှစ်ကထက် များစွာလျော့နည်းကျဆင်းသွားကြောင်၊ ယခုအတိုင်းဆက်ဖြစ်နေပါက အရောင်းအဝယ်ဒိုင်များအဖို့ ပိုဆိုးမည်ဖြစ်သလို အလုပ်သမားများ၊ ကားသမားများနှင့် အခြားအလွှာပေါင်းစုံကိုပါ ထိခိုက်စေကြောင်း ထို့အပြင် မြန်မာနိုင်ငံ အနယ်နယ်အရပ်ရပ်မှ ဆန်စပါးစိုက်ပျိုးကြသည့် တောင်သူလယ်သမားများ စက်ပိုင်းများအတွက်လည်း အခက်အခဲဖြစ်စေကြောင်း ဆန်ကုန်သည်များကို သုံးသပ်ပြေားကြားကြသည်။

ဦးသန်းဘိုဦးက "မြန်မာနိုင်ငံ ဆန်စပါးအသင်းချုပ်က ဦးဆောင်ပြီး ပစ္စည်းဖလှယ်တဲ့စနစ်ပေါ့။ နိုင်ငံတော်၏ အတိုင်ပင်ခံပုဂ္ဂိုလ်ရဲ့ တရုတ်ပြည်ခရီးစဉ်မှာ ကြိုးစားခဲ့တာကို ဆန်စပါးကုန်စည်ဒိုင်က ကြိုဆိုပါတယ်။ အခု ပစ္စည်းချင်းဖလှယ်တဲ့စနစ် အောင်မြင်ခဲ့မယ်ဆိုရင် နယ်စပ်က ပိတ်မိနေတဲ့ ဆန်တွေကို အရင်ဆုံးဦးစားပေးထွက်ပေးဆိုတာကြားရတဲ့အတွက် ဝမ်းသားမိပါတယ်။ အိမ်နီးချင်းချစ်ကြည်ရေးကို အခြေခံပြီး မျှတတဲ့ ကုန်သွယ်မှုတစ်ခုဖြစ်ခဲ့ရင် ကောင်းပါတယ်။ ကျွန်တော်တို့ ဆန်စပါးကုန်စည်ဒိုင်က ကြိုဆိုပါတယ်" ဟု ဆက်ပြောသည်။

တရုတ်နိုင်ငံအနေဖြင့် မြန်မာနိုင်ငံမှ ဆန်များတင်ပို့မှုကို လက်မခံသော်လည်း တရုတ်နိုင်ငံသားအချို့ကိုမှု တင်သွင်းခွင့် လိုင်စင်ချထားပေးရာ ထိုတရုတ်နိုင်ငံသားများက မြန်မာနိုင်ငံအတွင်းမှ ဆန်စျေးကို သိရှိထားသလို အချို့ဆိုလျှင် မြန်မာနိုင်ငံအောက်ပိုင်း ဆန်စပါးစိုက်ပျိုးရာ ဒေသများအထိ ကိုယ်တိုင်ဆင်းဝယ်နေကြကြောင်း။ ထိုပုံစံအတိုင်း တရုတ်ကုန်သည်များက ပြည်တွင်း ဆန်စိုက်ပျိုးရာဒေသများအထိ ဆင်းဝယ်ကြပါက မြန်မာကုန်သည်များအဖို့ ထိခိုက်နစ်နာမှုများ ဖြစ်စေမည်ဖြစ်ကြောင်း၊ လက်ရှိအချိန်မှာတွင် တရုတ်နယ်စပ်တစ်လျှောက်၌ တရားမဝင်ကုန်ပစ္စည်း တားဆီးရေးစီမံချက်ဖြင့် မြန်မာနိုင်ငံမှ ဆန်၊ ပြောင်း၊ နှင့် သကြားများကို ပိတ်ဆို့ထား၍ မြန်မာကုန်သည်များ၊ ကားသမားများ၊ အလုပ်သမားများ၊ အဆင်မပြေကြကြောင်း၊ ကုန်သည်များအနေဖြင့် နယ်စပ်ဒေသတွင် ယခင်ကလို တရုတ်နိုင်ငံအထိ နယ်စပ်မှသွားရောက် ရောင်းချခွင့်ရရန် လိုလားနေကြကြောင်း ကုန်သည်များ၏ပြောကြားချက်များအရ သိရသည်။

တရုတ်နိုင်ငံနှင့် မြန်မာနိုင်ငံကြား လက်ရှိကုန်သွယ်ရေးတွင် မြန်မာနိုင်ငံ၏ သွင်းကုန်အနေဖြင့် ဆိုင်ကယ်၊ ယာဉ်ယန္တရားများ၊ ဓာတ်မြေသြဇာများ၊ ပန်းသီး၊ လိမ္မော်သီး စသည့် သစ်သီးများနှင့် ပလတ်စတစ် ထုတ်ကုန်ပစ္စည်းအချို့ကို အများဆုံးတင်သွင်းနေပြီး မြန်မာနိုင်ငံမှ ပို့ကုန်များအနေဖြင့် ပဲတီစိမ်း၊ နှမ်း၊ ဖရဲသီး၊ ဆန်၊ သတ္တုတွင်းထွက်ပစ္စည်းအချို့နှင့်ငါး၊ ဂဏန်းစသည့် ရေထွက်ကုန်ပစ္စည်းများနှင့် နွားများတင်ပို့မှုများ ရှိနေကြောင်းသိရသည်။

သန့်စင် (မူဆယ်)

မြန်မာ့အလင်းသတင်းစာ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တရုတ်နိုင်ငံက တင်သွင်းခွင့်မပြု၍ ဆန်တန်ချိန် ခြောက်သောင်းကျော် မူဆယ်၌ ပိတ်မိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တရုတ်နိုင်ငံက တင်သွင်းခွင့်မပြု၍ ဆန်တန်ချိန် ခြောက်သောင်းကျော် မူဆယ်၌ ပိတ်မိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}