တစ်လအတွင်း ဆန်၊ ဆီ၊ ကြက်သွန် ဈေးနှုန်းအပြောင်းအလဲများ

ပြီးခဲ့တဲ့ ဇန်နဝါရီလ ၂ ရက်နေ့ကနေ ယခု ဖေဖော်ဝါရီလ ၁ ရက်နေ့အထိ တစ်လအတွင်း ဆန်၊ ဆီ၊ ကြက်သွန်ဈေးနှုန်းတွေ ဘယ်လောက်ထိ ပြောင်းလဲသွားလဲဆိုတာကို ဖော်ပြပေးလိုက်ပါတယ်။

ဒီတစ်လအတွင်းမှာ ဆန်ဈေးနှုန်းတွေကတော့ သိသိသာသာသာ တက်သွားခဲ့ပါတယ်။ အဲ့ထဲကမှ ရွှေဘိုပေါ်ဆန်း၊ ပေါ်ဆန်းရှယ်နဲ့ တောင်ပျံ (မော်ကျွန်း) စတဲ့ ဆန်ဈေးအမျိုးအစားတွေက ၁ တင်းခွဲ ၁ အိတ်ကို ၁၅၀၀၀ ဝန်းကျင်လောက်ထိ တက်သွားပါတယ်။ ဆိုတော့ ဒီလထဲမှာ ဆန်ဈေးတွေက အတက်ကြမ်းခဲ့တယ်လို့ ပြောနိုင်ပါတယ်။ 

ဒီလထဲမှာ ဆန်သစ်တွေဈေးကွက်ထဲဝင်လာလို့ အများစုကတော့ ဆန်သစ်ဈေးနှုန်းတွေဖြစ်သွားတာပါ။ ဒီလိုဆန်သစ်ဈေးနှုန်းတွေဖြစ်တာတောင် ယခင်တစ်လက အဟောင်းဈေးတွေထက်ကို ဈေးတွေ ပိုမြင့်နေတာဖြစ်ပါတယ်။ ဇယားကွက်ပါနှိုင်းယှဉ်မှုမှာလည်း အသစ်၊ အဟောင်း ပြောင်းသွားတာတွေကို (သ)(ဟ) တွေနဲ့ ဖော်ပြပေးထားပါတယ်။

ပြီးခဲ့တဲ့နှစ်ကုန်ပိုင်းတုန်းက ဈေးတွေအတက်ကြမ်းသွားခဲ့တဲ့ ကြက်သွန်နီတွေဟာတော့  ယခုနှစ်ဆန်းပိုင်းမှာတော့ အသစ်တွေဈေးကွက်ထဲအများအပြားဝင်လာမှုနဲ့အတူ အကျဘက်ကို ရောက်လာပြီး ပြီးခဲ့တဲ့ ဇန်နဝါရီ ၂ ရက်တုန်းကဆို ဈေးတွေတောင်ဖွင့်ခဲ့ခြင်းမရှိပါဘူး။ ဒီနေ့ ဖေဖော်ဝါရီ ၁ ရက် ရန်ကုန်ဘုရင့်နောင်ဈေးကွက်မှာတော့ အမြင့်ဆုံး တစ်ပိဿာ ကျပ် ၁၆၀၀ ထိသာရှိတော့တာ တွေ့ရပါတယ်။

ကြက်သွန်ဖြူဈေးနှုန်းတွေကတော့ ပြီးခဲ့တဲ့တစ်လနဲ့ယှဉ်ရင် သိသိသာသာ တက်လာတယ်လို့ ဆိုနိုင်ပါတယ်။ ကြူကုတ်(ရှယ်)ကလွဲလို့ အောင်ပန်းကြက်သွန်ဖြူအမျိုးအစားတွေဟာ အနည်းဆုံး ကျပ် ၁၀၀၀ ကျော်လောက်စီ ဈေးတွေတက်လာခဲ့ပါတယ်။

ပြည်တွင်းစားသုံးဆီဈေးတွေမှာတော့ မန္တလေးဈေးကွက်မှာ ပဲဆီဟာ ၁၅၀၀ ကျပ် ဈေးတက်လာပြီး ပြည်ဈေးကွက်မှာတော့ အရင်ဈေးအတိုင်းပဲ ဖြစ်ပါတယ်။ နှမ်းဆီဈေးကတော့ မန္တလေးရော ပြည်မှာရော ဈေးတွေအပြောင်းအလဲမရှိဘဲ ငြိမ်နေခဲ့ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။