Food Safety ဖြစ်သော ဟင်းသီးဟင်းရွက်နှင့် သစ်သီးဝလံများကို ဆိုင်ခန်းဖွင့်လှစ် ရောင်းချမည်

ကောင်းမွန်သော စိုက်ပျိုးရေးအလေ့အကျင့် (GAP)နှင့် အော်ဂဲနစ်လက်မှတ်ရ Food Safety ဖြစ်သော ဟင်းသီးဟင်း ရွက်နှင့် သစ်သီးဝလံများကို ဆိုင်ခန်းဖွင့်လှစ် ရောင်းချသွားမည်ဖြစ်ကြောင်း မြန်မာနိုင်ငံ သစ်သီးဝလံ၊ ပန်းမန် ဟင်း သီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဋ္ဌ ဦးစိုးသန်းမင်းဒင်က ပြောသည်။ 

ယင်းကဲ့သို့လက်မှတ်ရရှိထားသော ဟင်းသီးဟင်းရွက်နှင့် သစ်သီးဝလံများကို ရန်ကုန်မြို့ရှိ စိုက်ပျိုးရေးသုံး ပံ့ပိုးပစ္စည်းအရောင်းဆိုင်နှင့် နည်းပညာအကူအညီပေးရေးဌာန မြေပဒေသာကျွန်းတွင် ယခုလ ၂၃ ရက်မှစ၍ အပတ်စဉ် စနေနေ့နှင့် တနင်္ဂနွေနေ့များ၌ နံနက် (၇) နာရီမှ နေ့ လည် ၁၂ နာရီအထိ ဖွင့်လှစ်ရောင်းချ သွားမည်ဖြစ်ကြောင်း သိရသည်။

"အဲ့နေ့မှာ Safe Food From Safe Farm ဆိုတဲ့ စိတ်ချရ တဲ့သီးနှံထွက်ကုန်တွေကို ရောင်းချတဲ့ ပွဲ လုပ်မှာဖြစ်ပါတယ်။ ဒါကလဲ ၂၀၁၅ ထဲက စလုပ်ခဲ့တာ အဲ့တုန်းက တစ် ပတ်ကို ၁ရက် စနေနေ့ပဲလုပ်ခဲ့တာ ၂နှစ် ၃နှစ် လောက် ဆက်တိုက်လုပ်ခဲ့ပြီး မနှစ်ကတော့ အင်အားနည်းသွားတယ်။ အခုကပြန်မွမ်း မံပြီး ပြန်လုပ်တာပါ။"ဟု   မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက်၊ စိုက်ပျိုးထုတ် လုပ် တင်ပို့ရောင်းချသူများအသင်း ဥက္ကဋ္ဌ ဦးစိုးသန်းမင်းဒင်က ပြော သည်။

ယင်းကဲ့သို့ ဖွင့်လှစ်ရောင်းချခြင်းကို စိုက်ပျိုးရေးဦးစီးဌာန ၏ ခွင့်ပြုချက်ဖြင့် ဆိုင်ခန်းပေါင်း ၃၄ ခန်းဖြင့် စတင်ဖွင့်လှစ်ရောင်းချမည်ဖြစ်ကြောင်း သိရသည်။

GAP လက်မှတ်ရ၊ အော်ဂဲနစ်လက်မှတ်ရနှင့် သဘာဝအတိုင်း သီးပွင့်သော သီးနှံများကိုသာ ရောင်းချမည်ဖြစ်ပြီး ၎င်းတို့က ရောင်းသင့်သည်ဟု ထောက်ခံချက်ပေးထားသော ခြံပေါင်း ၁၇ ခြံမှ ထွက်ရှိသော ဟင်းသီးဟင်းရွက်နှင့် သစ်သီးဝ လံများကို ရောင်းချမည်ဖြစ်ကြောင်း သိရသည်။

"ဒါက GAP လက်မှတ်တို့ အော်ဂဲနစ်လက်မှတ်တို့ စနစ်တကျလုပ်ထားပြီးတဲ့ သူတွေအတွက်ကိုရော စိုက်ပျိုးတဲ့ တောင် သူတွေအတွက်ကိုရော ဈေးကွက်ဖော်ဆောင်ပေးတာဖြစ်သလို စားသုံးသူတွေက ပိုးသတ်ဆေးတွေရှိမလားဆိုတဲ့ အ တွေးတွေကိုလဲ ဖြေဖျောက်ပေးဖို့ Food Safety ဖြစ်တဲ့ အစားအစာ ဘေးကင်းလုံခြုံတယ်ဆိုတာကို တာဝန်ခံပြီး ကျွန် တော်တို့ ဖွင့်လှစ်တာဖြစ်ပါတယ်"ဟု ဦးစိုးသန်းမင်းဒင်က ပြောသည်။

ထိုသို့ လာရောက်ရောင်းချသူများအနေဖြင့် အသိအမှတ်ပြု လက်မှတ်တခုခုရှိရမည်ဖြစ်ပြီး အစစ်ဆေးခံနိုင်ရမည်ဖြစ်ပြီး ယင်းဆိုင်ခန်းများတွင် မရိုးမသား ရောင်းချမှုများကို စစ်ဆေးတွေ့ရှိပါက ရာသက် ပန်ရောင်းချခွင့် ပိတ်ပင်သွားမည်ဖြစ်ကြောင်း သိရသည်။

ဟင်းသီးဟင်းရွက်နှင့် သစ်သီးဝလံများ ရောင်းချခြင်းကို ၂၀၁၅ ခုနှစ်က စတင်လုပ်ဆောင်ခဲ့ခြင်းဖြစ်ပြီး ပြီးခဲ့သည့်နှစ်တွင် လုပ်ငန်းကြီးကြပ်မှုအားနည်းခြင်းနှင့် ရောင်းချသူများဘက်က မရိုးသားမှုများကြောင့် ၂ ဆိုင် ၃ ဆိုင်ခန့်သာ ကျန်ရှိတော့သည့်အတွက် ယခုအခါ ပြန်လည်မွမ်းမံ၍ ရောင်းသူ ဝယ်သူ နှစ်ဦးနှစ်ဖက် အဆင်ပြေနိုင်သည့် ဈေးနှုန်းဖြင့် ဖွင့်လှစ်ရောင်းချ ခြင်းဖြစ်ကြောင်း သိရသည်။

မြန်မာ့စိုက်ပျိုးရေးမှ GAP လက်မှတ်အား သီးနှံ ၁၅ မျိုးကို ပေးထားပြီး  မြန်မာနိုင်ငံ သစ်သီးဝလံ ပန်းမန် ဟင်းသီး ဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းကပေးသည့် အော်ဂဲနစ်လက်မှတ်မှာ ၇ ခုရှိကြောင်း သိရသည်။

အေးအေးမြင့်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်