ကြက်ဥထုတ်လုပ်မှု တိုးတက်လာတဲ့ စင်ကာပူ

စင်ကာပူနိုင်ငံရဲ့ ကြက်ဥထုတ်လုပ်မှုဟာ ၂၀၂၃ ခုနှစ်မှာ ၂၀၂၂ ခုနှစ်ထက် ၁၂ ရာခိုင်နှုန်း တိုးလာတယ် ဆိုတဲ့သတင်းဟာ စိတ်ဝင်စားစရာ သတင်းတစ်ပုဒ်ဖြစ်ခဲ့ပါတယ်။

စင်ကာပူနိုင်ငံဟာ အရှေ့တောင်အာရှမှာ စားနပ်ရိက္ခာ ထုတ်လုပ်နိုင်မှု အနည်းဆုံး နိုင်ငံဖြစ်ပြီး စားနပ်ရိက္ခာ လိုအပ်ချက်ရဲ့ ၉၀ ရာခိုင်နှုန်းကို ပြည်ပကနေ တင်သွင်းရပါတယ်။ အဲဒီလို စားနပ်ရိက္ခာအတွက် ပြည်ပကို မှီခိုနေရတဲ့အပေါ် စင်ကာပူအစိုးရနဲ့ ပြည်သူတွေက စိတ်မသက်မသာ ဖြစ်နေခဲ့တာကြာပါပြီ။ အထူးသဖြင့် ကိုဗစ် - ၁၉ ကပ်ရောဂါကာလမှာ တစ်ကမ္ဘာလုံး ကူးသန်းရောင်းဝယ်ရေးဆက်ကြောင်းတွေ ပြတ်တောက်သွားပြီး၊ စားသောက်ကုန်တွေ အချိန်မီ တင်သွင်းဖို့ အခက်တွေ့ခဲ့ရရတာက စင်ကာပူရဲ့ စားနပ်ရိက္ခာဖူလုံရေးအပေါ် စိုးရိမ်စိတ်ကို ပိုမို ကြီးထွားစေခဲ့ပါတယ်။

ဒါကြောင့် စင်ကာပူဟာ စားနပ်ရိက္ခာနဲ့ပတ်သက်ပြီး ပြည်ပကို အားကိုးရမှုကို လျှော့ချပြီး၊ ပြည်တွင်းမှာ တိုးချဲ့ထုတ်လုပ်ဖို့ ကြိုးစားလာပါတယ်။ သူတို့ရဲ့ ရည်မှန်းချက်က "၂၀၃၀ ခုနှစ်မှာ စင်ကာပူရဲ့ စားနပ်ရိက္ခာ လိုအပ်ချက်ရဲ့ ၃၀ ရာခိုင်နှုန်းကို စင်ကာပူနိုင်ငံထဲမှာပဲ ထုတ်လုပ်နိုင်ရေး" ဖြစ်ပါတယ်။ အဲဒီရည်မှန်းချက်ကို "30 by 30" လို့ ခေါ်ပါတယ်။

စင်ကာပူရဲ့ ကြက်ဥလိုအပ်ချက် ၂၈ ရာခိုင်နှုန်းကို ပြည်တွင်းမှာထုတ်လုပ်ပြီး၊ ကျန်တဲ့ ကြက်ဥ ၇၂ ရာခိုင်နှုန်းကို ပြည်ပကနေ တင်သွင်းရတာ ဖြစ်ပါတယ်။ အထူးဂဖြင့်တော့ မလေးရှားကနေ တင်သွင်းတာပါ။ ဩစတေးလျ၊ ဂျပန် နဲ့ နယူးဇီလန် တို့ကနေလည်း ပမာဏ အနည်းငယ် တင်သွင်းပါတယ်။

အခုကြားသိရတဲ့ ကြက်ဥထုတ်လုပ်မှု ၁၂ ရာခိုင်နှုန်းတိုးတက်လာတယ် ဆိုတဲ့သတင်းဟာ စင်ကာပူအနေနဲ့ သူ့ရဲ့ရည်မှန်းချက်ကို ပြည့်မီအောင် အာရုံစိုက်ကြိုးပမ်းနေကြောင်း ဖော်ပြနေတာပဲ ဖြစ်ပါတယ်။ စင်ကာပူ စားနပ်ရိက္ခာ အေဂျင်စီ (Singapore Food Agency) ရဲ့ ကိန်းဂဏန်းတွေအရ၊ ကြက်ဥအလုံးပေါင်း ၆၈၅ သန်း ထုတ်လုပ်ခဲ့တယ်လို့ ဆိုပါတယ်။ ဒါဟာ ပြည်တွင်းစားသုံးမှုရဲ့ ၂၉ ရာခိုင်နှုန်းခန့် ရှိတယ်လို့ သိရပါတယ်။

၂၀၂၀ ခုနှစ်မှာ စင်ကာပူနိုင်ငံသား တစ်ဦးရဲ့ ကြက်ဥစားနှုန်းဟာ ၃၈၈ လုံး ရှိခဲ့တယ်လို့ မှတ်တမ်းတွေအရ သိရပါတယ်။ တစ်နိုင်ငံလုံးအနေနဲ့ ကြက်ဥ အလုံးပေါင်း ၂.၂၁ ဘီလီယံ စားသုံးခဲ့တာ ဖြစ်ပါတယ်။

စင်ကာပူရဲ့ ပြည်တွင်းကြက်ဥထုတ်လုပ်မှုကို ဥစားကြက်ခြံ ၃ ခြံက တာဝန်ယူထားတာ ဖြစ်ပါတယ်။ စတုတ္ထမြောက် ဥစားကြက်ခြံကို Lim Chu Kang မှာ တည်ဆောက်နေပြီး ၂၀၂၄ ခုနှစ်အတွင်းမှာ စတင်လည်ပတ်နိုင်ဖို့ ရည်မှန်းထားပါတယ်။ အဲဒီ ဥစားကြက်ခြံအတွက် ရင်းနှီးမြှုပ်နှံမှုက အမေရိကန်ဒေါ်လာ သန်း ၁၀၀ ရှိပြီး၊ လုပ်ငန်းတွေလည်ပတ်နိုင်ပြီဆိုရင် တစ်နှစ်ကို ကြက်ဥအလုံးရေ သန်း ၃၆၀ လောက် ထုတ်လုပ်နိုင်မှာ ဖြစ်ပါတယ်။

ဒါကြောင့် ခြံ ၄ ခြံစလုံး အပြည့်လည်ပတ် ထုတ်လုပ်နိုင်ပြီဆိုရင် ပြည်တွင်းစားသုံးမှုရဲ့ ၅၀ ရာခိုင်နှုန်း နီးပါးကို ပြည်တွင်းမှာပဲ ထုတ်လုပ်နိုင်တော့မယ့် အနေအထား ဖြစ်ပါတယ်။

ဒါပေမယ့် စိန်ခေါ်မှုတွေက ကြီးကြီးမားမား ရှိနေဆဲပါ။ တိုးတက်လာမယ့် ကြက်ကောင်ရေအတွက် ကြက်စာ လိုအပ်ချက်ကို ဘယ်လိုဖြည့်တင်းမလဲ ဆိုတဲ့ စိန်ခေါ်မှုပါ။ စင်ကာပူဟာ ဒီအခက်အခဲကို ဘယ်လိုကျော်လွှားမလဲ ဆိုတာ စောင့်ကြည့်ရဦးမှာ ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...