ရော်ဘာအစေးလှီးခြင်း

08/12/2017 22:29 PM တွင် အစိမ်းရောင်လမ်း အစိမ်းရောင်လမ်း မှ ရေးသား
   စတင်စိုက်ပျိုးပြီး ( ၇ - ၈ ) နှစ် အကြာတွင် စတင် အစေးလှီးနိုင်သည်။ အစေးလှီးယူနိုင်သော အရွယ်မှာ မျိုးသန့်စေ့မှ စိုက်သော အပင်များအတွက် မြေကြီးမှ အမြင့် လက်မ ၂၀ တွင် လုံးပတ် လက်မ (၁၈-၂၀) တွင်ရှိသော အချိန် ၊ မျိုးသန့်ဖူးဆက်အပင်များတွင် အဖူးဆက်သည့် နေရာမှ အမြင့် လက်မ ၅၀ တွင် လုံးပတ်လက်မ (၁၈-၂၀) ရှိတဲ့အခါ အစေးလှီးယူနိုင်ပါသည်။
 
   အစေးလှီးသူတစ်ဦးလျှင် အပင်အရွယ်အစား၊ သက်တမ်း၊ အပင်အစိပ် အကျဲ အလိုက် တစ်နေ့တွင် အပင် (၃၅၀) မှ (၅၀၀) အထိ သတ်မှတ် ပေးရသည်။ မိုးရာသီတွင် အစေးမလှီးပဲ ပွင့်လင်းရာသီ ( စက်တင်ဘာ မှ မေလ) တွင် လှီးကြသည်။ အများအားဖြင့် အစေးလှီးကြောင်းကို ပင်စည်တစ်ဝက်ထားပြီး တစ်ရက်ခြားဆီ အစေးလှီးကြသည်။ ပုံမှန်အားဖြင့် ရော်ဘာပင် သဘာဝအရ အောက်ဘက် အစေးခြစ်နည်းကို သုံးသဖြင့် ဘယ်မြင့် ညာနိမ့် လှီးခြစ် ရပါသည်။ အစေး မခြစ်မီ အစေးခြစ်သုံး ပစ္စည်းများဖြစ်သည့် အစေးခြစ်ဓါး၊ ဇွန်း၊ အစေးခံခွက်၊ ချိတ်၊ ကြိုး၊ ပုလိုင်း၊ ခေါင်းမီး၊ ထမ်းတံဘိုး၊ ရုပ်ဖက် နှင့် ရေပုံးများကို ပြည့်စုံအောင် ကြိုတင် စီစဉ်ထားရှိရမည်။ အစေးလှီးလမ်းကြောင်းမှ အစေးရည်များ ဘေးသို့ လျှံမကျသွားစေရန် အစောင်းဒီဂရီအား အဖူးဖြင့်စိုက်သော အပင် တွင် ၃၀°နှင့် အစေ့စိုက်ပင် တွင် ၂၅°သတ်မှတ် ပြုလုပ်ပေးရပါသည်။
   
   အစေးခြစ်မည့် ဓါးသည် ထက်မြက်ရမည် ဖြစ်ပြီး၊ ခေါင်းမီးသည် လင်းထိန်နေရမည်။ ဓါးဦးအား မဖြစ်မနေ ထိုးရမည်ဖြစ်ပြီး အစောင်းဒီဂရီ မှန်ကန်စွာနှင့် မဖိတ်မစင်ပဲ ဓါးစာ ကုန်ကျမှုနှုန်း နှင့် အပင်အခေါက် မပေါက်ပျက်စေရန် ပေါက်ခြစ်နည်း စနစ်ဖြင့် အသုံးပြုရပါသည်။ အစေးခံခွက်အား ခိုင်မာစွာ ထားရှိရန် နှင့် အပင်ရေ ပြည့်မီအောင် ခြစ်ရပါမည်။ သတ်မှတ်ထားသော အချိန်တွင် အစေး သိမ်းရမည် ဖြစ်ပြီး ရုပ်ဖက်ဖြင့် အစေးရည်အား အခြောက်သိမ်းရမည်။ မျိုးကောင်းမျိုးသန့် ရော်ဘာမျိုးများ ရွေးချယ် စိုက်ပျိုးထားသော ခြံသည် တစ်ဧကလျှင် ရာဘာပေါင် (၁၀၀၀) မှ (၁၂၀၀) ထိ ထွက်ရှိနိုင်သည်။
 
 

မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်