“ငါးတံခွန်ငါး (small head ribbon fish)”

ငါးတံခွန်ငါးမှာ ခန္ဓာကိုယ်သေးသွယ်ပြီး ကြိုးပြားပုံသဏ္ဍာန်မျိုး ရှိကြသည်။ အရောင်မှာ ငွေမှင်ရောင် တောက်ပသည်။ ဆူးတောင်မွှားမွှားလေးများသည် တဆက်တည်းဖြစ်နေပြီး မေးရိုးမှာ ရှည်၍ ချွန်ထွက်လျှက်ရှိသည်။ အမြီးဆူးတောင်မရှိဘဲ အမြီးသည် ဆံခြည်မျှင်ကဲ့သို့ သေးသေးမျှင်မျှင်ဖြစ်သည်။ ပါးဟက်ဝကျယ်ပြီး ဦးခေါင်းဘေးတွင် မျက်စိရှိသည်။ ကိုယ်၌ အကြေးခွံလေးများရှိကြသည်။

ငါးတံခွန်ငါးကို အချို့ဒေသတွင် “ငါးသရွှဲ” ဟုလည်း ခေါ်ဝေါ်ကြသည်။ အင်္ဂလိပ်အခေါ်မှာ small head ribbon fish (or) small head-hairtail ဟုသိရပါသည်။ ထိုမျိုးစိတ်ကို အိန္ဒိယသမုဒ္ဒရာ၊ အနောက်ပစိဖိတ် သမုဒ္ဒရာ စသည်တို့တွင် တွေ့ရှိရပြီး ရေအနက် မီတာ (၁၀၀) တွင် နေထိုင်ကျက်စားတတ်ကြသည်။ ခန္ဒာကိုယ် `အမြင့်ဆုံးအလျား (၁၀၀) စင်တီမီတာ အထိရှိကြပြီး အလေးချိန်အားဖြင့် (၁၁) ကီလိုဂရမ် ရှိကြကြောင်း မှတ်တမ်းများအရ သိရပါသည်။ ညဘက်တွင် ငါးတံခွန်ငါးများမှာ ရေမျက်နှာပြင်ပေါ်သို့ တက်လာကြပြီး ငါးငယ်များ၊ အခွံမာပုစွန်များကို စားလေ့ရှိကြသည်။

ငါးတံခွန်ငါးများမှာ ပင်လယ်ငါးတစ်မျိုးဖြစ်ပြီး အဆီပါဝင်မှု နည်းသည့် ငါးများတွင် ငါးတံခွန်ငါးများလည်း ပါဝင်ပါသည်။ ငါးပိရည်ကျိုပြုလုပ်ရာ၌ ငါးတံခွန်ငါးများကို အသုံးပြုကြသလို “ငါးတံခွန်ခြောက်” မှာလည်း လူကြိုက်များလှပါသည်။ ငါးတံခွန်ခြောက်ကို ကြော်စား၊ ဖုတ်စား၊ မီးကင်ပြီး ငါးပိနှင့် တို့စားကြသလို မီးကင်၊ ဆီဆမ်းပြီး ကောက်ညှင်းပေါင်း ပူပူလေးနှင့်လည်း တွဲဖက်စားကြသည်သာမက ငါးမုန့်ကဲ့သို့ ကြော်ကာ ရေနွေးနှင့် သရေစာအဖြစ်လည်း စားလေ့ရှိကြပါသည်။

ငါးတံခွန်ခြောက်မှာ အငန်ပေါ့ပြီး အချိုဓာတ်များသဖြင့် ငါးခြောက်ထောင်းကြော် ပြုလုပ်ရာ၌ ကောင်းမွန်ပေသည်။ ငါးခြောက်ထောင်းကြော် ပြုလုပ်ရာတွင် ငါးတံခွန်ခြောက်၊ ကြက်သွန်ဖြူ/နီ၊ ဆီ၊ နနွင်းတို့ လိုအပ်ပါသည်။

(၁) ငါးတံခွန်ခြောက်ကို ညဦးကတည်းက ရေစိမ်ထားပြီး နံနက်လင်းပါက ရေမှဆယ်ကာ မီးဖိုပေါ် ဒယ်အိုးတင်ပြီး ရေနွေးဆူဆူဖြင့် ပြုတ်ရပါသည်။

(၂) ရေခမ်းလုနီးအောင် ပြုတ်ပြီးသောအခါ ဆန်ကာဖြင့်ဆယ်၊ ရေစစ်ပြီး အသားချည်းဖဲ့ကာ ဆုံဖြင့် ညက်အောင်ထောင်းရပါသည်။

(၃) ထို့နောက် ဇလုံတစ်လုံးတွင် ထောင်းထားသော ငါးခြောက်ကိုထည့်ကာ နနွင်းထည့်၍ နှံ့အောင် နယ်ရပါသည်။

(၄) အားလုံးပြီးစီးပါက ဒယ်အိုးတွင် ဆီထည့်ပြီး ဆီသေပါက ပါးပါးလှီးထားသော ကြက်သွန်ဖြူ/နီကို ထည့်၍ကြော်ပါ။ ကြက်သွန်များ ရွှေရောင်သန်းလာပါက ဆယ်ယူပြီး ဆီကျန်၌ အသင့်ထောင်းထားသော ငါးခြောက်များကိုထည့်ကာ မွှေ၍ ကြော်ရပါသည်။

(၅) ငါးခြောက်ထောင်းကြော် ကျက်ပါက ဆီစစ်ပြီး ကြက်သွန်ဖြူ/နီကြော်ကို ဖြူး၍ နှံ့အောင်မွှေကာ စားသုံးနိုင်ပါပြီ။ ကြက်သွန်နီကြော်များလေ ငါးခြောက်ထောင်းကြော် ပို၍ ချိုလေ ဖြစ်ပါသည်။

ငါးတံခွန်ငါး၏ အသေးစိတ်ဖော်ပြချက် (specification) မှာ အောက်ပါအတိုင်းဖြစ်ပါသည်။

Phylum (မျိုးပေါင်းစု) – Chordata

Class (အမျိုးအစား) – Actinopterygii

Order (မျိုးစဉ်) – Perciformes

Family (မျိုးရင်း) – Trichiuridae

Genus (မျိုးစု) – Lepturacanthus

Species (မျိုးစိတ်) – L. savala

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...