ဓာတ်ခွဲစမ်းသပ်ဖို့ မြေနမူနာယူမယ်

ဓါတ်ခွဲစမ်းသပ်မည့် မြေနမူနာသည် မိမိစမ်းသပ်လိုသော မြေနေရာအား ကိုယ်စားပြုရန် ကျဘမ်းနေရာ (Points) များစွာမှ ရယူရမည်ဖြစ်ပါသည်။ ကျဘမ်းနေရာ မည်မျှယူရမည်ဆိုသည်မှာ မိမိမြေ၏အကျယ် ဝန်းနှင့် တိကျမှန်ကန်မှု (Precision) ပေါ်မူတည်ပါသည်။ ယေဘုယျအားဖြင့် သီးနှံစိုက်ပျိုးမြေ တစ် ဧကအတွက် အနည်းဆုံး ကျဘမ်းနေရာ ( ၂၀ ) မှ အပေါ်ယံ မြေလွှာ ( ၆ လက်မ) ၏ မြေနမူနာတို့ကို ယူပေးရမည် ဖြစ်ပါသည်။

နှစ်ချင်းသီးနှံများနှင့် ဟင်းသီးဟင်းရွက် စိုက်ခင်းများအတွက် ( ၆ လက်မ မှ ၈ လက်မ ) အနက် ( သို့) ထယ်အတွက်အနက်ထိ တူးယူရပါမည်။ နှစ်ရှည်သီးနှံပင်များအတွက် ( ၀-၁ ) ပေ တစ်လွှာ၊ ( ၁-၂ ) ပေ တစ်လွှာနှင့် ( ၂-၃ ) ပေ တစ်လွှာ စသည်ဖြင့် အလွှာလိုက်ခွဲပြီး ယူနိုင်ပါသည်။

မြေနမူနာကို အော်ဂါ (Augar ) ခေါ် မြေနမူနာယူသည့် လွန်ဖြင့်လည်းကောင်း၊ တူရွင်းပြားဖြင့်လည်းကောင်း ၊ ပေါက်ပြားဖြင့်လည်း ကောင်း ရယူနိုင်ပါသည်။ သံချေးတက်သော ပစ္စည်းကိရိယာများအား အသုံးမပြုသင့်ပါ။

စိုက်ပျိုးသီးနှံများအတွက် ထယ်ရေး ထွန်ရေးမပြုလုပ်မီ (သို့ ) သီးနှံ ရိတ်သိမ်းပြီးချိန် ရယူရမည်။

(၁) ထောင့်ဖြတ် (x) ပုံယူနည်း၊ (W) ပုံယူနည်းနှင့် (Zigzag - Z) ပုံယူနည်း စသည့်ဖြင့် ရှိရာကွင်းထဲ၌ လမ်းလျှောက်ပြီး အကွာအဝေးကို ခန့်မှန်းကာ မြေနမူနာရယူရပါမည်။

(၂) မိမိယူလိုသည့် မြေအပေါ်ယံမှ အမှိုက်သရိုက်နှင့် ပေါင်းမြက်များအား ရှင်းလင်းပေးပြီး ( ၆ ) လက်မ အနက်ထိ ပေါက်ပြားဖြင့် ( V Shape) ပုံသဏ္ဍာန် ပေါက်ချပါ။ အကျယ်မှာ ပေါက်ပြား တစ်ပြားစာ ( ၆) လက်မ ဖြစ်လျှင် လုံလောက်ပါသည်။

(၃) (V) ပုံသဏ္ဍာန်ကျင်း၏ မျက်နှာတစ်ဘက်မှ (၁) လက်မအထူ မြေချပ်ရအောင် ပေါက်ပြားဖြင့် ပေါက်၍ယူပါ။

(၄) (၆) လက်မ ပတ်လည်ခန့်ရှိသော မြေချပ်အား ဘေးအစွန်း( ၂ ) လက်မစီဖယ်ပြီး အတွင်းမှ ( ၂ x ၆ ) လက်မအရွယ် မြေချပ်ကိုသာ ယူပါ။

(၅) ဤနည်းအားဖြင့် တစ်ဧကလျှင် အနည်းဆုံး နေရာ ( ၂၀ ) မှ ကောက်ယူပါ။

(၆) ကောက်ယူရရှိသော မြေအချပ်များကို သမအောင်ရောနှောပြီး စုစုပေါင်း မြေပမာဏသည် (၂) ပေါင် ထက် များနေလျှင် (၄) ပုံခွဲပုံ၍ ၎င်း(၄) ပုံမှ ကျပန်း( ၂) ပုံကို ယူပါ။

(၇) ၎င်း(၂) ပုံမှ မြေသည်လည်း များလွန်းနေသေးလျှင် အထက်ပါအတိုင်း ပြန်လုပ်၍ နောက်ဆုံး ( ၅၀) ကျပ်သားခန့် ရသောအခါ အညိုရောင် စက္ကူအထူအိတ်ထဲသို့ အညွှန်းကဒ်ပြား(Identification Label) နှင့် အတူထည့်၍ အိတ်ကို သေချာစွာ ပိတ်ပါ။

(၈)အထုပ်၏ အပြင်မှလည်း အညွှန်းစာထပ်ရေးပါ ။

(၉) မြေနမူနာသည် စိုလွန်းပါက ( သို့မဟုတ်) မိမိ၏ ရည်ရွယ်ချက်အတိုင်း ချက်ချင်း အစိုအခြေအ နေမှာပင် ဓါတ်ခွဲစမ်းသပ်လိုပါက လေလုံသောပုလင်း (သို့) သန့်ရှင်းသော ပလပ်စတစ်အိတ်တွင် ထည့်၍ အိတ်ကို သေချာစွာပိတ်ကာ အပြင်မှ အညွှန်းကဒ်ပြား ထပ်မံချည်နှောင်ပေးရပါမည်။

(၁၀)အကယ်၍ မိမိမြေနမူနာသည် စိုလွန်းနေပြီး ချက်ချင်းဓါတ်ခွဲစမ်းသပ်ရန် ရည်ရွယ်ချက်မရှိပါက အရိပ်အောက်တွင် လေသလပ်ခံအခြောက်လှန်းပြီး သန့်ရှင်းသော စက္ကူဘူး၊ သစ်သားသေတ္တာ စ သည်တို့တွင်ထည့်ကာ ဓါတ်ခွဲခန်းသို့ ပို့နိုင်ပါသည်။

(၁၁) မြေနမူနာအတွင်းသို့ မီးဖိုပြာ၊ ဓါတ်မြေဩဇာ စသည့်များ ရောနှောပါဝင်ခြင်း မရှိစေရန် သတိ ပြုရပါမည်။

(၁၂) အညွှန်း ( Label) တွင် မြေနမူနာယူသည့် ရက်စွဲ၊ နေရာ(ကွင်း၊ ဦးပိုင် အမှတ်၊ ကျေးရွာ၊ အုပ်စု၊ မြို့နယ်၊ ပြည်နယ်၊ တိုင်းဒေသကြီး၊) ကွင်းအရွယ်အစား၊ စိုက်ပျိုးသည့်သီးနှံ၊ ရိတ်သိမ်းသည့် ရက်စွဲ၊ မြေနမူနာယူသည့် အနက်၊ ယခင် စိုက်ပျိုးခဲ့သော သီးနှံနှင့် အသုံးပြုခဲ့သော မြေဆွေးနှင့် ဓါတ်မြေဩ ဇာနှုန်းထား စသည့်အချက်များ ပြည့်စုံစွာ ဖော်ပြပေးရပါမည်။

မြေနမူနာ မယူသင့်သော နေရာများ

( ၁) စိုက်ခင်းအတွင်းရှိ လူသွားလမ်းနှင့် ကန်သင်းပေါ်ရှိမြေ။

(၂) စိုက်တန်း၊ အပင်များအတွင်း ဓါတ်မြေဩဇာ ချခဲ့သောအတန်း၊ နေရာမှမြေ။

(၃) ကတ္တရာလမ်း (သို့မဟုတ်) ကားလမ်းမှပေ (၁၀၀) အတွင်းရှိမြေ။

(၄) ရွာနှင့် အလွန်နီးသောနေရာ၊ နွားချေးပုံဘေး၊ မြေဆွေးပုံဘေးမှ မြေများ။

စိုက်ပျိုးရေးဦးစီးဌာန၊ မြေအသုံးချရေးဌာနခွဲ

(သီးနှံစိုက်ပျိုးမြေများမှ စနစ်တကျမြေနမူနာကောက်ယူနည်း )

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...