လက်ဖက်ခဲပြုလုပ်နည်း

၁။ လက်ဖက်ခူးခြင်း

လက်ဖက်ခူးရာတွင် အချိန်သည် အဓိက ကျပါသည်။ နံနက် (၁၀)နာရီအတွင်း အချိန်မီ လက် ဖက်ခူးခြင်းသည် လက်ဖက်အရည်အသွေးကို ပိုမိုကောင်းမွန်စေသည်။ ညင်သာစွာ နှစ်ရွက် တစ်ညွန့် ခူးယူပါ။ (၄-၅) ညွန့်ခူးပြီးတိုင်း အိတ်ထဲထည့်ပါ။ သို့မှသာ လက်ဖက်ညွန့်များအား ဖိမိခြင်းမှ ကာကွယ်နိုင်မည်။ အိမ်ရောက်လျှင် ခူးလာသော လက်ဖက်ညွန့် များကို သတိပြု လျင်မြန်စွာ လေသလပ်ခံ ဖြန့်ထားပါ။

၂။ လက်ဖက်လှော်ခြင်း

လက်ဖက်အရောင် ကွဲပြားခြင်းသည် လက်ဖက် လှော်ချိန်နှင့် လက်ဖက်နယ်ချိန်ပေါ် များစွာ မူတည်ပါသည်။ ခူးလာသော လက်ဖက်ညွန့်များကို ပထမဦးစွာ အရိပ်တွင် ဖြန့်လှန်းပါ။ ထို့နောက် လက်ဖက်ကို ဒယ်အိုး၏ အပူချိန် (၇၀ ဒီဂရီစင်တီဂရိတ်) ရှိချိန်က̈ (၂-၃ မိနစ်) ခန့်လှော်ပါ။

Tea Processing

၃။ လက်ဖက်လှိမ့်ခြင်း

လှော်ပြီးသော လက်ဖက်များကို စက်(သို့မဟုတ်) လက်ဖြင့် လှိမ့်နယ်ပါ။ စက်ဖြင့်နယ်ပါက အညွန့်များ သည် တစ်ဖက်တည်းသို့သာ ညီညာစွာ လိပ်နေသည့်အတွက် အရည်အသွေးကို ပိုမို ကောင်းမွန် စေသည်။ အမြင်ကိုလည်း ဖမ်းစားနိုင်သည်။ စက်(သို့) လက်ဖြင့်နယ်ထားသော လက်ဖက်များကို နေရောင်တွင် လှန်းပါ။ နေရောင်တွင်လှန်းခြင်းဖြင့် လက်ဖက် အရောင်ကို ပိုမို တောက်ပ လာစေသည်။ လက်ဖက်အရွက်အကြီးများ၊ ဝါနေသော လက်ဖက်အညွန့်များကို ရွေးပေးခြင်းဖြင့် လက်ဖက်အညွန့် လေးများ အရွယ်အစား ညီနေသည့် အတွက် လက်ဖက်ကိတ်ကို ပိုမိုကြည့်ကောင်းခြင်း၊ လက်ဖက် အရည်အသွေးကို ပိုမိုကောင်းမွန်စေသည်။

Tea Processing

၄။ အလေးချိန် ချင်တွယ်ခြင်း

မိမိလိုချင်သော အလေးချိန်အတိုင်း အောက်ခြေတွင် ရေနွေးငွေ့ပျံနိုင်ရန် အပေါက် ကလေးများ ဖောက်ထား သော သတ္တုခွက်ထဲသို့ ထည့်ချင်ပါ။ အလေးချိန် ချင်တွယ်ရာတွင် အလွန်ခြောက်သွေ့ နေသော လက်ဖက် ဖြစ်နေပါက ကြေမွနိုင်သည်။ ထို့ကြောင့် သတိဖြင့် ချင်တွယ် ရမည်။

၅။ ရေနွေးငွေ့ဖြင့် ပေါင်းခံခြင်း

ဖိနှိပ်ရာတွင် ကြေမွမသွားစေရန်အတွက် ရေနွေးငွေ့ဖြင့် အပူပေးပေါင်းခံရမည်။ လက်ဖက်ခြောက် ချင်ထည့်ထားသည့် အောက်ခြေဖောက်ထားသော သတ္တုပုံး လေးများကို ရေနွေးငွေ့ထွက်လာရာ အပေါက်ဝတွင် အချိန် အနည်းငယ်ခန့် (ဖိနှိပ်နိုင်လောက်သည် အထိ) ပေါင်းခံပါ။လက်ဖက်ခြောက်သည် အနံ့ စုပ်ယူသည့် ဂုဏ်သတ္တိ ရှိခြင်း ကြောင့် သတ္တုပုံးထဲ ထည့်၍ ရေနွေးငွေ့ဖြင့် အပူပေး ပေါင်းခံသည့်အခါ ရေတွင် ပါဝင်သော ရေ၏ သန့်ရှင်းမှုနှင့် ရေအနံ့များကို အထူး သတိပြု ရမည်။

၆။ အဝတ်အိတ်ထဲ ထည့်ခြင်း

ရေနွေးငွေ့ဖြင့် အပူပေး ပေါင်းခံ ထားသော လက်ဖက်ခြောက် အပျော့များကို အဝတ်စဖြင့် ပြုလုပ် ထားသော အိတ်ထဲ ထည့်ပါ။ အိတ်၏ အောက်ခြေကို အဝိုင်းပုံစံ ပြုလုပ်ပါ။

၇။ ဖိနှိပ်ခြင်း

ကျောက်ပုံစံခွက်ထဲတွင် ထည့်ပြီး အချိန်အနည်းငယ်ခန့် ကြာအောင် ဖိထားရမည်။ အကောင်းဆုံး ကျောက်ပုံစံခွက် ၏ အလေးချိန်မှာ (၂၅-၃၅) ကီလိုဂရမ်နှင့် အချင်းမှာ (၂၀-၂၁) စင်တီမီတာ ရှိရမည်။ အဆင့်မြင့် ခေတ်မီ ဖိစက်ကြီးများဖြင့်လည်း ပြုလုပ်နေကြပြီ ဖြစ်သည်။

၈။ အအေးခံခြင်း

ဖိသိပ်ထားသော လက်ဖက်ကိတ်များကို လေဝင်လေထွက်ကောင်းမွန်သော နေရာတွင် သစ်သားဖြင့် ပြုလုပ်ထားသော စင်ပေါ်တွင် သန့်ရှင်းစွာ အအေးခံထားရမည်။ အခြားအနံ့များဖြင့် တွဲမထားရ။

Tea Processing

၉။ သိုလှောင် အသုံးပြုခြင်း

အနံ့များ စုပ်ယူမှုမရှိစေရန်အတွက် ဝါးရွက်အခွံများ၊ ငှက်ပျောရွက်အခြောက်များဖြင့် ထုပ်ပိုးထားရမည်။ သိုလှောင်သည့်အခါတွင်လည်း သစ်သားစင်များဖြင့် အဆင့်လိုက် သိုလှောင်ရမည်။ လက်ဖက်ခဲများ သည် နှစ်ကာလကြာလာသည်နှင့်အမျှ ပိုမို အာနိသင်ကောင်းသည်။ သောက်သုံးသည့်အခါရေနွေးဖြင့် ပထမတစ်ကြိမ် စိမ်ထားပြီး သွန်ပစ်ပါ။

နောက်အကြိမ်များမှ စတင် သောက်သုံးနိုင်ပါသည်။ သက်တမ်း (၁၀) နှစ် အထက်ရှိသော လက်ဖက် အပင်ကြီးများမှ လက်ဖက်ခဲ ပြုလုပ်လျှင် အရည်အသွေး ပိုမိုကောင်းမွန်ပါသည်။

ကဲရ် အင်တာနေရှင်နယ် (မြန်မာ)

လက်ဖက်စိုက်ပျိုးထုတ်လုပ်မှု၊ အရည်အသွေးနှင့်ဈေးကွက်မြှင့်တင်ရေး စီမံကိန်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...