တီလားပီးယားငါးလိင်ပြောင်းလဲရန်အတွက် ဟိုမုန်းထည့်ထားသည့်အစာ၏အရေးပါပုံ

ငါးအထီးသည် ငါးအမသို့ ပိုးပန်းသည့် ကာလတွင် အရွယ်ရောက်ပြီး တီလားပီးယားအထီးများသည် သားပေါက်ရန်အတွက် အသိုက်ပြုလုပ်ခြင်း၊ ၎င်းတို့၏ပိုင်နက်အား ကာကွယ်ရခြင်းတို့အတွက် ခွန်အား အလွန်ကုန်ကြပါသည်။

ငါးအမများသည်လည်း ၎င်းတို့၏ကြီးထွားမှုအတွက် အင်အားကို အသုံးမပြုနိုင်ပဲ ဥဥရန်အတွက်၊ ဥများအကောင်ပေါက်ရန်အတွက် နှင့် ပေါက်လာသော သားပေါက်ငယ်များကို ကာကွယ်ရန်အတွက် ခွန်အားကို အသုံးပြုကြရပါသည်။

သားဖောက်ခြင်းပြီးမြောက်ပါက ၎င်းခွန်အားများအား ခန္ဓာကိုယ်ကြီးထွားရန်အတွက် အသုံးပြုကြပါသည်။ တီလားပီးယား အထီးများသည် အမများထက် ၂၀မှ ၃၀ရာခိုင်နှုန်းအထိ အကြီးမြန်ပါသည်။

ထို့ကြောင့် တီလားပီးယား အထီးသားပေါက်များအား တီလားပီးယား အသားတိုးမွေးမြူသည့် လုပ်ငန်းတွင်ထည့်သွင်းမွေးမြူရန်ပိုမို နှစ်သက်ကြသည်။

တီလားပီးယား လိင်ပြောင်းလဲခြင်းအတွက် အများဆုံးအသုံးပြုကြသည့် စနစ်မှာ တီလားပီးယားဥနှင့် တွဲလျက်ရှိသော သားလောင်း ဥအတွင်းစာအား စုပ်ယူပြီးချိန်မှစ ၂၁ရက်အထိ 17-a methyl testosterone အထီးဖြစ်စေသော ဟိုမုန်းရောစပ်ထားသည့် အစာအား တစ်ရက်လျှင် ၆၀ ppm နှုန်း ကျွေးမွေးရန်ဖြစ်ပါသည်။ ၎င်းသည် အစာ၁ကီလိုဂရမ်တွင် ဟိုမုန်း ၆၀မီလီဂရမ်ထည့်သွင်းခြင်းနှင့် ညီပါသည်။

ဟိုမုန်းအား ပထမဦးစွာ ၉၅% မီသိုင်းအယ်လ်ကိုဟောတွင် ဖျော်ရပါမည်။ ၎င်းသည် ဟိုမုန်းပျော်ဝင်စေရန် ဖျော်ရည် အဖြစ်လုပ်ဆောင်ပြီး ရေတွင်မပျော်ဝင်ပါ။

ဖျော်စပ်ပြီး ဟိုမုန်းပျော်ရည်အား ရေခဲသေတ္တာထဲတွင်ထည့်သွင်းပြီး ၄ဒီဂရီစင်တီဂရိတ်တွင် ထားပါက ၆လထားနိုင်ပါသည်။ စံချိန်မှီ ဖျော်စပ်ထားသည့် ဟိုမုန်းပျော်ရည်အား အဆင့်မြင့် ငါးစာမှုန့် သို့မဟုတ် စီးပွားဖြစ် ထုတ်လုပ်ထားသည့် ငါးငယ်များပြုစုရန် အစာနှင့်ရောရမည်ဖြစ်ပြီး ၎င်းတွင် ဗီတာမင်စီ ထပ်မံထည့်ပေးရန်လိုအပ်ပါသည်။

နေရောင်ခြည်မရရှိပဲ အရိပ်ရနေသည့်ကန် သို့မဟုတ် ကန်ရေကြည်နေသည့် ကန်တွင် လိင်ပြောင်းလဲခြင်း ဆောင်ရွက်ပါက ဗီတာမင်စီသည် အလွန်အရေးပါပါသည်။

ကန်ရေစိမ်းသည့် ငါးကန်များအတွင်းရှိ ဟာပါများတွင် လိင်ပြောင်းလဲခြင်း ဆောင်ရွက်ပါက ဗီတာမင်စီအား ထည့်သွင်းစဉ်းစားရန်မလိုပါ။

လိင်ပြောင်းလဲခြင်းအား ၂၁ရက်တိုင်တိုင် မှန်ကန်စွာ ဆောင်ရွက်ပါက ရရှိလာမည့် ရလာဒ်သည် ၉၉%သားပေါက် အထီးများဖြစ်နိုင်ပါသည်။

Ref: တီလားပီးယားငါးသားဖောက်ခြင်းနှင့် သားပေါက်အဖိုများ ထုတ်လုပ်ခြင်းစာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...