သင်္ဘာသီးအသုံးဝင်ပုံ

မြန်မာ့ဆေးမြီးတို- သင်္ဘောသီး၌လူကိုကျန်းမာစေကာ အသက် ရှည်၍ ရောဂါကင်းဝေးစေနိုင်သော သတ္တိထူးရှိ၏။ သင်္ဘောသီး အစိမ်းအရည်တွင် သကြားရော၍ တစ်နေ့သုံးကြိမ်မျှသောက်က သရက်ရွက်ကြီးခြင်း၊ အသည်းကြီးခြင်းနှင့် မြင်းသရိုက်ရောဂါပျောက်၏။

သင်္ဘောသီးနုနုကို အခြောက်လှမ်း အမှုန့်ပြုပြီး အနည်းငယ်မျှစားသော် အဆက်မပြတ်သော ဝမ်းပျက်ရောဂါပျောက်၏။

သင်္ဘောသီးဝမ်းပျဉ်းကို ဟင်းချက်စားခြင်း၊ သနပ်လုပ်စားခြင်းဖြင့် ဆီးဝမ်းကို ရွှင်စေသည်။

သင်္ဘောသီးစိမ်းကို လှီးဖြတ်၍ ထွက်လာသောအရည်ကို ကင်းကိုက်ခံရသော ဒဏ်ရာသို့ လိမ်းပေးသော် အဆိပ်ပြေ၏။

သင်္ဘောသီးနုနုကို ဆားနှင့် တို့စားက ဆုံဆို့နာ ပျောက်၏။

အိန္ဒိယဆေးမြီးတို- သင်္ဘောသီးမှည့်ကို မနက်စာမှာ စားပေးထားမယ်ဆိုရင် ဝမ်းမချုပ်စေဘူး။ အစာစားချင်စိတ် တိုး တက်ကောင်းမွန်စေတယ်ဝမ်းဗိုက်လေထိုးခြင်းမရှိစေဘူး။

သင်္ဘောသီးမှည့်ကိုအနည်းဆုံး(၂၀၀)ဂရမ် (၁၂)ကျပ်သားခန့် နေ့စဉ်စားပေးရင် အစာအိမ်တွင် အက်ဆစ်အချဉ်ကြောင့်လေချဉ်မတက်ခြင်း မဖြစ်ပွားပါ။

သင်္ဘောသီး မှည့်ခါနီးကို ငါးနဲ့ ဟင်းချိုချက်သောက်ရင် နို့တိုက်မိခင်များ နို့ရည်စီးကျသောအား ပိုကောင်းစေပါတယ်။

မမှည့်သော အသီးကို ပဋိသန္ဓေတားရန်အတွက်လည်း စားသုံးလေ့ ရှိကြတယ်။ (ကိုယ်ဝန်ဆောင်များ သင်္ဘောသီးအစိမ်းကို မချက်မပြုတ်ဘဲ မစားသင့်ပါ။ တစ်ချို့ သင်္ဘောသီးအစိမ်းနှင့် အစေ့ကို စားသုံးပြီး ကိုယ်ဝန်ဖျက်ချကြသူရှိတယ်လို့ဆိုပါတယ်)

မမှည့်သော အသီးကို ပါးစပ်အနာ၊ အရည်ကြည်ဖုပေါက်သောအနာ၊ အရည်ပြားပေါ် ပြည်တည်နေသော ရောင်ရမ်းနာတွေမှာ သုတ်လိမ်းပေးခြင်းဖြင့် သက်သာပျောက်ကင်းနိုင်တယ်။

အစေ့အသုံးပြုပုံ

မြန်မာ့ဆေးမြီတို- သင်္ဘောသီး အစေ့အရေအတွက်ကို အရွယ်နှင့်ချင့်၍စားသော် ဝမ်းတွင်းရှိ သန်များကျ၏။

အိန္ဒိယဆေးမြီးတို- သင်္ဘေသီး အစေ့ခြောက်ကို အမှုန့်ကြိတ်ပြီး ဗီနီကာရေနှင့် ရောလိမ်းပေးရင် အသားအရေ ယားယံတာကို သက်သာစေတယ်။

အစေ့လတ်လတ်ဆတ်ဆတ် သို့မဟုတ် အစေ့ခြောက်ကို ကြိတ်ပြီး ငရုတ်ကောင်းမှုန့်ကဲ့သို့ အသုံးပြုရင် ဘက်တီးရီးယားကြီးထွားမှုပွားများမှု့ကို တားဆီးဟန့်တားနိုင်တယ်။

က်တီးရီးယားများ သတ်နိုင်သော စွမ်းရည်ရှိတယ်။ မှိုရောဂါများကို သတ်နိုင်သော စွမ်းရည်ရှိတယ်။

သင်္ဘောသီး အစေ့ အမှုန့်ကြိတ်ချေပြီး လက်ဘက်ရည်ဇွန်းတစ်ဝက်ကို ရေနွေးနွေးနှင့် မနက်စောစော အစာမရှိခင်မှာ သောက်ပါ။ နောက်(၂)နာရီ ကြာသောအခါမှာ ကြက်ဆူဆီ (၅၀) မီလီလီတာနှင့် နွားနို့(၃၅၀) မီလီလီတာ ဘာမှ မစားရသေးခင် သောက်ပါ။ (၂-၄) ရက် ကြာအောင်နေ့စဉ်သောက်သုံးပေးခြင်းဖြင့် သံကောင်များ ကျစေပါလိမ့်မယ်။

သင်္ဘောသီး အစေ့မှုန့်ကို ငရုတ်ကောင်းကဲ့သို့ အစားအစာမှာ ဖြူးစားခြင်းဖြင့် အသည်းကိုအဆိပ် ပြေစေနိုင်တယ်။

အစေ့မှုန့်စားခြင်းဖြင့် ရာသီစီးဆင်းမှု ပိုကောင်းစေတယ်။ သို့သော်လည်း ကိုယ်ဝန်သည်အဖို့ ပျက်ကျခြင်း ဖြစ်တတ်တယ်။

(သင်္ဘောသီးအစေ့က အခါးဓာတ်များတဲ့အတွက် ဒီအတိုင်းဝါးစားရင် အဆင်မပြေပါ။ အနည်းငယ်မျှ အရင်စားပြီးမှ တဖြေးဖြေး တိုးစားသွားပါ သို့မဟုတ် ပျားရည်နှင့်စားပါ။)

အစေး(Latex) အသုံးပြုပုံ

မြန်မာ့ဆေးမြီးတို-သင်္ဘောသီးအစိမ်းမှ ထွက်သော အစေးဖြင့် ယားနာ၊ပွေးနာနှင့် အရေပြားရောဂါများကို လိမ်းပေးက ပျောက်၏။

အနာအဖုများနှင့်လူပျိုနာကြောင့်ဖြစ်သော အနာများကို သင်္ဘောသီးအစေးလိမ်းပေးကပျောက်၏။

လူလတ်အရွယ်များ အစေးအနည်းငယ်မျှကို နွားနို့ သကြားခဲရရာနှင့် စားသော် အစာမကြေရောဂါပျောက်၏။

အစေးကို ထန်းလျက်နှင့်နယ်စားသော် သန်ကျ၏။

အစေးကို ခန္ဓာကိုယ် အရပ်ရပ်ရှိ အရိုးအခြင် ကြွက်သားစသည့် အစိတ်အပိုင်းများကို ပြုပြင်ရန်နှင့် အစာအိမ်အူသိမ်တို့၏ အတွင်းဆုံးအသားအမျှင်များ ပျက်ဆီးချွတ်ယွင်းသည့် အနာအဆာကြောင့် ဖြစ်သော ဗိုက်နာ၊ အူနာစသော ရောဂါများ ပျောက်ကင်းစေရန် အကောင်းဆုံးဆေးအဖြစ် သုံးနိုင်သည်။

အိန္ဒိယဆေးမြီးတို- အိမ်တွင်းသုံးအဖြစ် သင်္ဘောအစေးကို ရေနွေးပူလောင်သော နေရာမှာ ကြွက်နို့အသားမာမှာ၊မှည့်ခြောက်မှာ သုတ်လိမ်းကြတယ်။ကိုယ်ဝန်ပျက်ကျသောကြောင့် သားအိမ်လမ်းကြောင်းယားယံတာကိုလည်းသုတ်လိမ်းကြတယ်။သံချဆေးအဖြစ်လည်း သုံးကြတယ်။

(မှတ်ချက်။ ။ သင်္ဘောသီးရဲ့အစေးကလည်း တစ်ချို့သော အစေးပါသော အသီးများကဲ့သို့ပင် ဓာတ်မတည့်တာမျိုး ရှိတတ်ကြတယ်။ ထိုသူများအဖို့ အစေးလောင်တာဖြစ်တတ်လို့ သင်္ဘောသီးအစိမ်းကို သတိထားရပါမယ်။ သင်္ဘောသီးအစေးထက် သရက်သီးအစေးက ပိုဆိုးစေပါတယ်။)

အရွက်(Leaves)အသုံးပြုပုံ

မြန်မာ့ဆေးမြီးတို- သင်္ဘောရွက်ကြိတ်ညှစ်ရည်တွင် ဘိန်းအနည်းငယ်ရောလိမ်းသော် အကြောတက်ခြင်းပျောက်၏။

အရွက်ကိုမီးအုံ၍ တို့စားခြင်း၊ လက်ဖက်ထဲထည့်စားခြင်းဖြင့် နားအူလေထွက်ရောဂါပျောက်၏။

အိန္ဒိယဆေးမြီးတို- အရွက်ကိုရေဆေးနုတ်နုတ်စင်း ထုထောင်းပြီး အရည်ညှစ်ကာ ပိတ်ပါးစနှင့် စစ်ပါမယ်။ တစ်နေ့လျှင် လက်ဖက်ရည်ဇွန်း(၂) ဇွန်းဖြင့်သောက်ပေးလျှင်သွေးလွန်တုတ်ကွေးရောဂါ၊ ငှက်ဖျားရောဂါပျောက်ကင်းနိုင်တယ်လို့ ယုံကြည်ကြတယ်။

အရွက်ခြောက်ကို ဝမ်းနှုတ်ဆေးအဖြစ်သုံးနိုင်တယ်။ ကိုယ်ဝန်ဆောင်သူအဖို့ ကိုယ်ဝန်ပျက်ကျ နိုင်သဖြင့် သတိထားပါ။

အရွက်အရည်ကို ဒဏ်ရာများနှင့် ထိခိုက်နာကျင်မှုများတွင် ဖန်ရည်ကဲ့သို့ဆေးကြောပေးကြတယ်။

ဆေးလိပ်ဖြတ်ချင်သူတွေအဖို့သင်္ဘောရွက်ခြောက်အပိုင်းအစကို လိပ်ကာဆေးလိပ်ကဲ့သို့ သောက်သုံးကြတယ်။အသက်ရှုကြပ်တာသက်သာတယ်လို့ဆိုတယ်။

အော်ဂလီဆန်နေသောအခါ သင်္ဘောရွက်ကိုစားသုံးကြတယ်။

ကိုးကား-စီးပွားဖြစ် သဘောင်္စိုက်ပျိုးနည်း ( မင်းဝင်းထိန် B.Ag)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...