ထိုင်းနိုင်ငံရောက် မြန်မာနဲ့ ကရင်၊ မွန်၊ ပဲခူး၊ ရန်ကုန်၊ ဧရာဝတီတိုင်းသားတွေအတွက်..

ထိုင်းနိုင်ငံရောက် မြန်မာတွေအတွက် -

ဗီယက်နမ်ကမ်းခြေကို ဖြတ်ကျော်ဝင်ရောက်ပြီးတဲ့နောက် လေဖိအားနည်းရပ်ဝန်းအဖြစ် အားလျော့လာပြီဖြစ်တဲ့ အပူပိုင်းမုန်တိုင်း TS-SOULIK ဟာ ထိုင်းနိုင်ငံမြောက်ပိုင်း က WS ထိုင်ထားတဲ့ UDONTHANI ရောက်ဖို့ မိုင် ၁၀၀ လောက်လိုသေးတယ်။ ည ၇ နာရီလောက်တော့ သူ့အောက်တည့်တည့်က ဖြတ်လောက်ပါမယ်။

စက်တင်ဘာ ၂၁ ရက် - မနက်ဖန် ညနေ ၃ နာရီလောက်မှ မြန်မာ-ထိုင်းနယ်စပ်ကိုရောက်ပါမယ်။ ၂၁ ရက် ညပိုင်းက စ ပြီး ၂၂ - ၂၃ - ၂၄ ရက်တွေတော့ မိုးရွာပါမယ်။ များတဲ့နေရာများ နည်းတဲ့နေရာနည်းဖြစ်မှာပါပဲ။

ကရင်ပြည်နယ်၊ မွန်ပြည်နယ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်းသားတွေအတွက် -

ရန်ကုန်၊ မှော်ဘီ၊ လှည်းကူး၊ တိုက်ကြီး၊ ထန်းတပင် နေသူများနဲ့ ဧရာဝတီတိုင်းသားတွေအတွက်တော့ မမေ့သင့်တာတခု ပြန်နွှေးပေးပါဦးမယ်။

ပထမ တစ်လုံး ယာဂိ  လေပွေလှိုင်းအကြွင်းအကျန်တွေတုန်းက အဲ့ဒီမြို့နယ်တွေ ခရိုင်တွေရဲ့ အပေါ်ဘက် အတော်ဝေးဝေး အလယ်ပိုင်းကို ဖြတ်တာ၊ အားကောင်းတဲ့ လေပွေလှိုင်းပေမဲ့ ဝေးတော့ အောက်ဘက်မှာသက်သာသွားတယ်။

အခု လေပွေလှိုင်းက အားတော့မကောင်းဘူး၊ ဒါပေမဲ့ - အောက်ဘက်နဲ့ ပိုနီးတယ်။ အကြွင်းအကျန်ပါလာသမျှတိမ်တွေမှာပါလာတဲ့ ရေခိုးရေငွေ့တွေ မိုးတွေကတော့ နီးတဲ့နေရာ များများရွာတတ်တာပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။