"ရေနှင့်ပတ်သက်သောသဘာဝဘေးများ"ကို ဆက်လက်လေ့လာခြင်း

ကချင်ပြည်နယ်အထက်ပိုင်း မေခနဲ့ မလိခ မြစ်၂ သွယ်ထဲက ချီဖွေနဲ့ မချမ်းဘော၊ မြစ်ဆုံအောက်ဘက်က မြစ်ကြီးနားမြို့တို့ရဲ့ ၂၀၀၄ ခုနှစ်နဲ့ ၂၀၂၄ ခုနှစ် ဇွန်-ဇူလိုင်လအတွင်း ရွာသွန်းခဲ့တဲ့ မိုးရေချိန်အခြေအနေတွေကို လေ့လာကြည့်တဲ့အခါ -

🔸 ချီဖွေမှာ ၂၀၀၄ ခုနှစ်ဇွန်-ဇူလိုင် လများအတွင်း ၂၄ နာရီမိုးရေချိန် ၃၄၀ မီလီမီတာခန့်အထိ အများဆုံးရွာသွန်းခဲ့တာတွေ့ရပြီး၊ ၂၀၂၄ ဇွန် ဇူလိုင် လအတွင်းမှာ မိုးရေချိန် မီလီမီတာ ၁၂၀ ကျော်ခန့် ရွာသွန်းခဲ့ပြီး ဖြစ်ကြောင်းတွေ့ရပါတယ်။

🔸 မချမ်းဘောမှာ ၂၀၀၄ ခုနှစ် ဇွန်-ဇူလိုင် လများအတွင်း ၂၄ နာရီ မိုးရေချိန် မီလီမီတာ ၂၄၀ ကျော်ရွာသွန်းခဲ့ပြီး ၂၀၂၄ ဇွန်-ဇူလိုင်လများအတွင်း မီလီမီတာ ၁၀၀ မပြည့်သေးကြောင်းတွေ့ရပါတယ်။

🔸 မြစ်ကြီးနားမြို့မှာတော့ ၂၀၀၄ ခုနှစ် ဇွန်ဇူလိုင်လများအတွင်း မိုးရေချိန် မီလီမီတာ ၁၅၀ ကျော်ရွာသွန်းခဲ့ပြီး၊ ၂၀၂၄ ဇွန်ဇူလိုင်လအတွင်းမှာ ၄၀ မီလီမီတာခန့်သာ အများဆုံးရွာသွန်းခဲ့တာတွေ့ရပါသေးတယ်။

🔸 ဇူလိုင်လက အခုမှ ၁၀ ရက်သာရှိသေးတာကြောင့် ကျန်နေသေးတဲ့ ရက် ၂၀ အတွင်းမှာ ဘင်္ဂလားပင်လယ်အော်နဲ့ တောင်တရုတ်ပင်လယ်ဘက်က ဖြစ်လာမဲ့ လေထုမငြိမ်မသက်မှုများကြောင့် အခုမြို့တွေဆီ မိုးရေချိန်အများဆုံးရွာမဲ့ရက် ဘယ်ရက်ဖြစ်မလဲ ဘယ်လောက်များမလဲဆိုတာ စောင့်ကြည့်ကြရပါမယ်။

ဘာကြောင့်လဲဆိုတော့ ရေနဲ့ပတ်သက်တဲ့သဘာဝဘေးများသည့် ကြောက်စရာကောင်းပါတယ်။ ရေကြီးတာတွေက ရက်ရှည်တတ်ပြီး နောက်ဆက်တွဲ ကျန်းမာရေးပြဿနာတွေလိုက်လာနိုင်ပါဦးမယ်။

ဒါကြောင့် ရေနဲ့ပတ်သက်တဲ့ သဘာဝဘေးတွေ -

🔸 ဖြစ်ရတဲ့အကြောင်းရင်း သိရပါမယ်၊ သိအောင်လုပ်ဖို့လိုပါတယ်။

🔸 ဖြစ်တတ်တဲ့ အချိန် သိရပါမယ်။ သိအောင်လည်း လုပ်ဖို့လိုပါတယ်။

ဒါ့အပြင် ယနေ့နံနက်၁၀ နာရီ ၂၅ မိနစ်အချိန်ရရှိသော Update ဒေတာများအရ ဇွန်လ ၁၅ ရက်မှာ ဘင်္ဂလားပင်လယ်အော်နဲ့ တောင်တရုတ်ပင်လယ်တွေမှာ လေဖိအားနည်းရပ်ဝန်းဖြစ်နိုင်ပြီး တောင်တရုတ်ပင်လယ်မှာတော့ မုန်တိုင်းအဆင့်အထိ ရောက်လာနိုင်ပါတယ်။

မြန်မာနိုင်ငံမှာ နောက်လာမဲ့ ၃ ရက် ၊ ၅ ရက် နဲ့ ၁၀ ရက်အတွင်း နေရာအနှံ့အပြားမိုးရွာနိုင်ကာ နေရာကွက်ပြီး မိုးကြီးနိုင်ပါတယ်။

မြစ်ရေမြင့်တက်ပြီး အနိမ့်ပိုင်းရေဝင်လျက်ရှိတဲ့ မြစ်/ချောင်းကမ်းဘေးဒေသများ သတိပြုကြိုတင်ပြင်ဆင်နိုင်ရန်ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။