မေလ ၁၁ - ၁၅ ရက်အတွင်း မိုးများနိုင်သည့်ဒေသများ

မုန်တိုင်းဖြစ်ပေါ်နိုင်ချေကို ကြိုတင်ခန့်မှန်းရာမှာ အခြေခံတဲ့ သင်္ချာပုံစံပြု model တွေကများပါတယ်၊ မုန်တိုင်း ၁ လုံး အစပျိုးပြီဆိုရင် -

အစပျိုးတဲ့နေရာ ကွဲလွဲချက်တွေက အသုံးပြုတဲ့ model မတူညီတာကြောင့် များနေပြီးအရေးမကြီးဘူးဆိုနိုင်ပေမဲ့ ... မြန်မာ့ကမ်းရိုးတန်းအနီးပင်လယ်ပြင်မှာအစပျိုးတယ်ဆိုရင်တော့ မိုးများနိုင်/လေပြင်းတိုက်ခတ်မှု ပြင်းထန်နိုင်တဲ့ အခြေအနေတွေဖြစ်ပေါ်စေနိုင်တာကြောင့် သတိပြုစောင့်ကြည့်ရပါမယ်။

====

အစပျိုးနိုင်တဲ့နေရာကြိုတင်ခန့်မှန်းချက်တွေမှာ 

🔸 ECMWF-AIFS model က ဘင်္ဂလားပင်လယ်အော်တောင်ပိုင်း

🔸 ICON model က မုတ္တမကွေ့

🔸 METEOBLUE NEMS model က ဘင်္ဂလားပင်လယ်အော်တောင်ပိုင်း

🔸 NOAA GFS model က ကပ္ပလီပင်လယ်မြောက်ပိုင်း ... စသည်ဖြင့်တည်နေရာအမျိုးမျိုးပြနေသော်ငြားလည်း -

🔸 ဆက်လက်ရွေ့လျားနိုင်မဲ့ ဦးတည်ရာနဲ့ ကုန်းတွင်းကိုဝင်နိုင်မဲ့ နေရာခန့်မှန်းချက်ကတော့ NOAA GFS ရော၊ ဥရော model ECMWF-AIFS မှာရော ဘင်္ဂလားဒေ့ရှ်နိုင်ငံကမ်းခြေကို မေလ ၁၉-၂၀ ရက်နေ့တွေမှာ ချဉ်းကပ်ကျော်ဖြတ်နိုင်ကြောင်း တူညီတဲ့ရက်ဝေးခန့်မှန်းချက် ရှိနေကြပါတယ်။

🔸 ဆိုင်ကလုန်းမုန်တိုင်းဖြစ်လာနိုင်ချေကတော့ ဘင်္ဂလားပင်လယ်အော်မြောက်ပိုင်းမှာ ဒီနေ့ ရရှိတဲ့ update အရ ၆၀% ရှိနေပါတယ်။

ဒီနေ့ မေလ ၉ ရက်နေ့အတွက် နောက်ဆုံးရရှိပြီးအချက်အလက်တွေအရ -

🔸 မေလ ၁၅ ရက်မှာ အစပျိုးလာနိုင်မဲ့ လေဖိအားနည်းရပ်ဝန်းရဲ့ တည်နေရာအလိုက် ဖြစ်ပေါ်နိုင်မဲ့ လေ/မိုး ပြင်းထန်ခြင်းတွေ ကွဲပြားနိုင်ပါတယ်။

မေလ ၁၁ ရက်နေ့မှ စတင်ပြီး မေလ ၁၅ ရက်အတွင်း လေဖိအားနည်းရပ်ဝန်းအစပျိုးဖြစ်ပေါ်ချိန်အတွင်း ...

🔸 တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ရှမ်းပြည်နယ်တောင်ပိုင်းနှင့် အရှေ့ပိုင်း၊ နေပြည်တော်၊ မကွေးတိုင်းတောင်ပိုင်းနဲ့ မန္တလေးတိုင်း၊ စစ်ကိုင်းတိုင်းအောက်ပိုင်း၊ နေပြည်တော် စတဲ့ဒေသအချို့ အထိ မိုးသက်လေပြင်းကျရောက်နိုင်၊ မိုးများနိုင်ပါမယ်။

မေလ ၁၅ ရက်နောက်ပိုင်း လေဖိအားနည်းရပ်ဝန်းမှ အား‌ကောင်းပြီးသိသာထင်ရှားတဲ့ လေဖိအားနည်းရပ်ဝန်းဖြစ်ပေါ်ကာ ကုန်းတွင်းဝင်ရောက်သည်အထိ -

🔸 ရခိုင်ပြည်နယ်မြောက်ပိုင်း၊ ချင်းပြည်နယ်၊ စစ်ကိုင်းတိုင်းအထက်ပိုင်း၊ ကချင်ပြည်နယ်နဲ့ ရှမ်းပြည်နယ်မြောက်ပိုင်းတွေမှာ မိုးများရာမှ မိုးအလွန်များနိုင်ပါတယ်။

လေနှင့်ရေကြောင့် ဖြစ်ပေါ်လာနိုင်သော သဘာဝဘေးများဖြစ်နိုင်ချေကို ဆက်လက်စောင့်ကြည့်တင်ပြပေးသွားပါမယ်။

https://www.mmweather.org/divisional-cities-weather

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more