ဘင်္ဂလားပင်လယ်အော်နှင့် ပြည်နယ်တိုင်းများအလိုက် မိုးရွာသွန်းနိုင်မည့်အခြေအနေများ

အောက်တိုဘာ ၁၀ ရက် - နေ့လည် ၁၂ နာရီရရှိသည့် ဒေတာများအရ

အောက်တိုဘာလ ၁၀ ရက် မှ ၁၆ ရက်အထိ - ၇ ရက်အတွင်းမှာ အိန္ဒိယမိုးလေဝသဌာန ထုတ်ပြန်ချက်အရ ဘင်္ဂလားပင်လယ်အော်မြောက်ပိုင်း၊ အထက်အမြင့် ၅.၈ ကီလိုမီတာမှာ လေပွေလှိုင်းတခုဖြစ်ပေါ်လျက် ရှိကြောင်းတွေ့ရပြီး အနောက်-အနောက်တောင်ဘက်ကို ဆက်လက်ရွေ့လျားနိုင်ကြောင်း သင်္ချာပုံစံပြု ကြိုတင်ခန့်မှန်းရေးမော်ဒယ်များမှာတွေ့ရကြောင်း ကြိုတင်ခန့်မှန်းချက် ပြောင်းလဲမှုမရှိပါ။

ဖြစ်ပေါ်နေတဲ့ လေပွေလှိုင်းသည် အောက်တိုဘာ ၁၅ ရက်အထိ ဘင်္ဂလားပင်လယ်အော်မြောက်ပိုင်းနဲ့ အနောက်အလယ်ပိုင်းတွေမှာ ဆက်လက်ရှိနေနိုင်ပြီး အားကောင်းလာနိုင်တဲ့အခြေအနေမရှိပါ။

နောက်လာမည့် ၄၈ နာရီ(၂ ရက်အတွင်း) မကွေးတိုင်းမှာ ၄၈ နာရီအတွင်း မိုးရေချိန် ၀.၅ လက်မအောက် ရွာသွန်းရရှိနိုင်ပြီး ကျန်ပြည်နယ်တိုင်းများအားလုံးမှာ ၄၈ နာရီအတွင်း မိုးရေချိန် ၀.၅ လက်မအထက် ရွာသွန်းရရှိနိုင်ပါတယ်။

တနင်္သာရီတိုင်းနှင့် မွန်ပြည်နယ်တွေမှာ ၄၈ နာရီအတွင်း မိုးရေချိန် ၁ လက်မအထက်ရွာသွန်းရရှိနိုင်ပြီး မိုးအနည်းငယ်ပိုနိုင်ပါတယ်။

နောက်လာမည့် ရက်သတ္တပတ် ၁ ပတ်အတွင်း စစ်ကိုင်းတိုင်းအထက်ပိုင်း၊ ကချင်ပြည်နယ်၊ ရှမ်းပြည်နယ်မြောက်ပိုင်းတွေမှာ မိုးအား သိသိသာသာလျော့နည်းလာနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။