တရုတ်နဲ့ ဗီယက်နမ်ကို ဝင်ရောက်တိုက်ခတ်မယ့် တိုင်ဖွန်းမုန်တိုင်း YAGI ရဲ့ မြန်မာနိုင်ငံအပေါ်သက်ရောက်မှုများ

စက်တင်ဘာလ ၃ ရက် ည ၁၀ နာရီ ၃၀ မိနစ်အချိန်တွင် ရရှိသောဒေတာများအရ

🔸 တောင်တရုတ်ပင်လယ်အတွင်းမှာ စတုတ္ထမြောက် တိုင်ဖွန်းမုန်တိုင်း(YAGI - 12W) က အားအကောင်းဆုံးတိုင်ဖွန်းမုန်တိုင်း (CAT-3 - တနာရီ ၁၁၅ မိုင်နှုန်းအထိရှိလာနိုင်ပြီး၊ တရုတ်ပြည်-ဟိုင်နန်ကျွန်းမြောက်ဘက်အစွန်ကို ပထမဖြတ်ကျော်တိုက်ခတ်ပြီးတဲ့နောက် ဗီယက်နမ်မြောက်ပိုင်းကမ်းခြေကို ဒုတိယအကြိမ်မြောက်ဖြတ်ကျော်ဝင်ရောက်နိုင်ကြောင်း ကြိုတင်ခန့်မှန်းချက်တွေမှာ တွေ့ရပါတယ်။

🔸 ဗီယက်နမ်နိုင်ငံ ဟနွိုင်းမြို့တော်မှာ လေတိုက်နှုန်း တနာရီ မိုင် ၉၀ အထက်အထိ တိုက်ခတ်နိုင်ပြီး မိုးအလွန်သည်းထန်နိုင်ကြောင်းကိုလည်း ကြိုတင်ခန့်မှန်းချက်ပုံမှာ တွေ့ရပါမယ်။

🔸 အားကောင်းတဲ့ တိုင်ဖွန်းမုန်တိုင်း YAGI က ဗီယက်နမ်နိုင်ငံကမ်းခြေကိုဖြတ်ကျော်တိုက်ခတ်ပြီးတဲ့နောက် လာအိုနိုင်ငံမြောက်ပိုင်း၊ ဗီယက်နမ်-လာအို-တရုတ်ပြည်မ နယ်စပ်အနီးရောက်သည်အထိ ကုန်းတွင်းလေဖိအားနည်းရပ်ဝန်းအနေနဲ့ ဆက်လက်ရွေ့လျားကာ စက်တင်ဘာလ ၉ ရက်နေ့မှာ ရွှေတြိဂံနယ်မြေ မြန်မာ-လာအို-ထိုင်းနယ်စပ်အနီးမှာ အားပျော့ပျက်ပျယ်သွားနိုင်မှာဖြစ်ကြောင်း ECMWF model ခန့်မှန်းချက်မှာ တွေ့ရပါတယ်။

မုန်တိုင်းအကြွင်းအကျန်တိမ်တိုက်တွေနဲ့ ဘင်္ဂလားပင်လယ်အော်အတွင်းမှာ စက်တင်ဘာလ ၅ ရက်ညနေပိုင်းက စ ပြီးဖြစ်လာမဲ့ လေဖိအားနည်းရပ်ဝန်းရဲ့ သက်ရောက်မှုတွေကြောင့် - 

🔸 မြန်မာနိုင်ငံအရှေ့ဖျားမှ ရှမ်းပြည်နယ်၊ မန္တလေးတိုင်း၊ မကွေးတိုင်း၊ စစ်ကိုင်းတိုင်းတွေအထိရောက်နိုင်ပြီး စက်တင်ဘာ ၇ ရက်နေ့မှ စတင်ကာ တနိုင်ငံလုံးမှာ နေရာအနှံ့အပြားမိုးရွာနိုင်ကြောင်းတွေ့ရပါတယ်။

🔸 ရှမ်းပြည်နယ်အရှေ့ပိုင်း ရွှေတြိဂံနယ်မြေက တာချီလိတ်ဒေသမှာတော့ စက်တင်ဘာလ ၉ ရက်မှ ၁၂ ရက်အထိ မိုးအလွန်များနိုင်ပြီး မယ်ဆိုင်ချောင်းရေကြီးတာ တကျော့ပြန်ထပ်ဖြစ်နိုင်ဦးမဲ့ အခြေအနေမျိုး တွေ့ရပါတယ်။

🔸 ကျန်ပြည်နယ်တိုင်းများက မြို့များအတွက် မိုးလေဝသအခြေအနေတွေကိုတော့ MMWeather Knowledge Website မှာ တင်ပေးထားတဲ့ မိုးလေဝသကြိုတင်ခန့်မှန်းချက် Widget Page မှာ ကြည့်နိုင်ပါတယ်။

https://www.mmweather.org/divisional-cities-weather

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်