ယနေ့ နံနက်ကစပြီး အားကောင်းလာတဲ့ အရှေ့မြောက်မုတ်သုန်လေကြောင့် ဖြစ်ပေါ်လာနိုင်တဲ့ မိုးလေဝသအခြေအနေများ

နိုဝင်ဘာလ ၁၂ ရက် မွန်းလွဲ ၁ နာရီခွဲအချိန် ရရှိသည့် မိုးလေဝသဒေတာများအရ

**ကပ္ပလီပင်လယ်နှင့်ဘင်္ဂလားပင်လယ်အော်အတွင်း ဖြစ်လာနိုင်သည့်အခြေအနေ**

ECMWF Model မှ ရရှိသည့် အချက်အလက်များမှာ ဘင်္ဂလားပင်လယ်အော်အတွင်းဖြစ်လာနိုင်မဲ့ လေဖိအားနည်းရပ်ဝန်းဟာ ထိုင်းပင်လယ်ကွေ့မှာ နိုဝင်ဘာ ၁၂ ရက် နံနက် ၂ နာရီခန့်က စတင်ဖြစ်ပေါ်ပြီး အနောက်ဘက်ကိုဆက်လက်ရွေ့လျားကာ ဖူးခက်မြို့ပေါ်မှဖြတ်၍ ကပ္ပလီပင်လယ်ပြင်တောင်ပိုင်းကို နိုဝင်ဘာလ ၁၃ ရက် နံနက်ပိုင်းမှာ စတင်ဝင်ရောက်လာမှာဖြစ်ကြောင်း၊ အနောက်-အနောက်မြောက်ဘက်ကို ဆက်လက်ရွေ့လျားပြီးတဲ့နောက် ဘင်္ဂလားပင်လယ်အော်အရှေ့တောင်ပိုင်းကို နိုဝင်ဘာလ ၁၄ ရက် နံနက်ပိုင်းမှာရောက်ရှိလာပြီးတဲ့နောက် အားပိုကောင်းလာပြီး အနောက်-အနောက်မြောက်ကိုဆက်လက်ရွေ့လျားနိုင်ကြောင်း ကနဦးလမ်းကြောင်းခန့်မှန်းချက်များမှာတွေ့ရပါတယ်။

ဘင်္ဂလားပင်လယ်အော်အတွင်းရောက်ရှိပြီးတဲ့နောက် လေဖိအားနည်းရပ်ဝန်းအနေနဲ့ဆက်ရှိမလား၊ အားပိုကောင်းလာပြီး မုန်တိုင်းငယ်အဆင့်အထိရောက်လာနိုင်မလားဆိုတာကိုတော့ဆက်ပြီး စောင့်ကြည့်ရပါမယ်။

**ဖြစ်ပေါ်ခဲ့သည့်မိုးလေဝသအခြေအနေနှင့် ဖြစ်လာနိုင်သည့် မိုးလေဝသအခြေအနေများ**

ထိုင်းပင်လယ်ကွေ့မှာလေဖိအားနည်းရပ်ဝန်းစတင်ဖြစ်ပေါ်တဲ့ နိုဝင်ဘာလ ၁၂ ရက် နံနက်အစောပိုင်းကစပြီး အရှေ့-အရှေ့မြောက်လေစီးကြောင်း(အရှေ့မြောက်မုတ်သုံလေ)အားကောင်းလာကာ တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ဧရာဝတီတိုင်းနဲ့ ပဲခူးတိုင်းတွေမှာ နိုဝင်ဘာလ ၁၂ ရက်နေ့ နံနက်အစောပိုင်းမှာ မိုးသက်လေပြင်းကျပြီး မိုးထစ်ချုန်းရွာခဲ့တာတွေ ဖြစ်ခဲ့ပါတယ်။

**အရှေ့မြောက်မုတ်သုံ(ဆောင်းမုတ်သုံ)အားကောင်းနေမည့်အခြေအနေ**

လေဖိအားနည်းရပ်ဝန်း ဘင်္ဂလားပင်လယ်အော်ဘက်ကိုဆက်လက်ရွေ့လျားစဉ်ကာလအတွင်း(ခန့်မှန်း နိုဝင်ဘာ ၁၈ ရက်အထိ) အရှေ့မြောက်လေအားကောင်းနေမှာဖြစ်တာကြောင့် မြန်မာနိုင်ငံတောင်ပိုင်း၊ အရှေ့ပိုင်းဒေသတွေမှာ မိုးသက်လေပြင်းများကျပြီး မိုးထစ်ချုန်းရွာတာ၊ မိုးကြိုးပစ်တာတွေဟာ မွန်းလွဲ/ညနေပိုင်းအချိန်တွေမှာ ဖြစ်လာနိုင်ပါတယ်။

မြစ်ဝကျွန်းပေါ်ကမ်းနီးလုပ်ကွက်တွေနဲ့ မွန်-တနင်္သာရီကမ်းရိုးတန်းတလျောက်မှာတော့ ၁၄ ရက် ၁၇ ရက် နဲ့ ၁၈ ရက်နေ့တွေမှာ အရှေ့ဘက်က လေပြင်းများတိုက်ပြီး မိုးသက်လေပြင်းကျနိုင်ပါတယ်။ မိုးသက်လေပြင်းကျချိန်မှာ လေတိုက်နှုန်း(GUST)က တနာရီ ၃၅ မိုင်ခန့်အထိရှိနိုင်ပါမယ်၊ လှိုင်းအမြင့်က ၅ ပေခန့်ရှိနိုင်ပါတယ်။

လေဖိအားနည်းရပ်ဝန်း ဘင်္ဂလားပင်လယ်အော်အနောက်မြောက်ပိုင်းကို ဆက်လက်ရွေ့လျားနိုင်မဲ့ နိုဝင်ဘာလ ၁၅ ရက်နောက်ပိုင်းမှာတော့ ရခိုင်ပြည်နယ်၊ ချင်းပြည်နယ်၊ စစ်ကိုင်းတိုင်းနဲ့ကချင်ပြည်နယ်တွေမှာ မိုးရွာနိုင်ပြီး နေရာအလိုက် မိုးများတာတွေဖြစ်နိုင်ပါတယ်။ လေဖိအားနည်းရပ်ဝန်းလမ်းကြောင်းနဲ့ အင်အားအခြေအနေကိုဆက်လက်စောင့်ကြည့်တင်ပြပေးနေပါမယ်။

Photo - ဦးဝင်းနိုင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...