ဇူလိုင် ၁၂ ရက်နောက်ပိုင်းတွင် အလယ်ပိုင်းဒေသများမိုးထပ်ရနိုင်မည့် မုန်တိုင်းတစ်လုံးဖြစ်လာနိုင်ခြေများလာ

09/07/2022 19:02 PM တွင် အစိမ်းရောင်လမ်း အစိမ်းရောင်လမ်း မှ ရေးသား

 ဘင်္ဂလားပင်လယ်အော် အနောက်မြောက်ပိုင်း၊ အိန္ဒိယအရှေ့ဘက်ကမ်းခြေနားမှာ ဇူလိုင်လ ၁၂ ရက်နောက်ပိုင်း လေဖိအားနည်းရပ်ဝန်း(သို့မဟုတ်)မုန်တိုင်းတစ်လုံးဖြစ်လာဖို့ အခြေအနေဟာအတော်လေး သေချာသလောက်ရှိနေပြီဖြစ်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသုံးသပ်သူတစ်ဦးဖြစ်သူ ဦးဝင်းနိုင်က ပြောပါတယ်။

မုန်တိုင်းဟာ မြန်မာနိုင်ငံကို တည့်ဝင်လာဖို့တော့မရှိပေမယ့် အဲ့ဒီအရှိန်တွေကြောင့် မိုးများတာ၊ လေပြင်းတာတွေတော့ ရှိလာနိုင်တယ်လို့ ဦးဝင်းနိုင်က Green Way ကို ပြောပါတယ်။

“ ကျွန်တော်တို့ဆီကို တည့်မဝင်ဘူး။ တခုရှိတာက ကျွန်တော်တို့က မုန်တိုင်းရဲ့ညာဘက်ခြမ်းမှာ ရှိတယ်။ အဲ့ဒီလို ညာဘက်ခြမ်းမှာရှိမယ်ဆိုရင် လေပိုပြင်းမယ်။ မိုးပိုရွာမယ်။ အဲ့ဒီဟာကိုပဲ မျှော်ရမှာ။ အလယ်ပိုင်းဒေသမိုးရအောင်ပေါ့ ” 

မုတ်သုံလေစီးကြောင်းတွေရဲ့ အနေအထားအရ မုန်တိုင်းက မြန်မာနိုင်ငံနဲ့ အနီးဆုံးဆိုရင် ဘင်္ဂလားဒေ့ရှ်ထဲဝင်နိုင်တာလောက်ပဲရှိပြီး လက်ရှိအနေအထားတွေအရဆိုရင်တော့ သေချာတာက သူ့ဟာသူ နောက်ကြောင်းပြန်ကွေ့ ပြီးတော့ အိန္ဒိယထဲကိုပဲ ပြန်ဝင်ကာ ပါကစ္စတန် ကရာချိတို့နား ရောက်တဲ့အထိ ကုန်းတွင်းကနေ ဖြတ်ပြီးတော့ ရွေ့သွားမယ့်အနေအထားဖြစ်တယ်လို့ ဦးဝင်းနိုင်က သုံးသပ်ပါတယ်။ 

ကမ္ဘာလုံးဆိုင်ရာ မိုးလေဝသဝက်ဘ်ဆိုဒ်တွေရဲ့ လက်ရှိအချိန်ထုတ်ပြန်ချက်တွေအရဆိုရင်တော့ ဒီမုန်တိုင်းဖြစ်လာရင် ပြည်အောက်ပိုင်းကနေကော့သောင်းအထိ တောင်ပိုင်းတခုလုံး မိုးများနိုင်တယ်လို့ သိရပါတယ်။

Photo Crd_Win Naing FB

(မိမိဒေသတစ်ခုချင်းစီအလိုက် မိုးလေဝသအခြေအနေများကို ဦးဝင်းနိုင်နဲ့ တိုက်ရိုက်မေးမြန်းလိုသူများအနေနဲ့ Green Way ဆော့ဝဲထဲမှာရှိတဲ့ ‘ မေးကြ၊ ဖြေကြ...ဒေသအလိုက်မိုးလေဝသ’ ဆိုတဲ့ အဖွဲ့လေးမှာ အခမဲ့ဝင်ရောက်ပြီး မေးမြန်းနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်