ဆန်နီစပါး ဆိုသည်မှာ

03/04/2019 12:00 PM တွင် စိုက်ပျိုးရေးဦးစီးဌာန စိုက်ပျိုးရေးဦးစီးဌာန မှ ရေးသား ပြီး စိုက်ပျိုးရေးဉီးစီးဌာန စိုက်ပျိုးရေးဉီးစီးဌာန မှ ပေးပို့ထားပါသည်။

ဆန်နီစပါးဆိုသည်မှာ အသန်မာဆုံးသော ပေါင်းပင်တစ်မျိုးဖြစ်သည်။

ဆန်နီစပါးဖြစ်ပေါ်လာပုံမှာ

စိုက်ပျိုးထားသော စပါးနှင့် စပါးရိုင်းတို့သဘာဝအလျှောက် မျိုးကူးစက်၍ ဖြစ်ပေါ်လာခြင်းဖြစ်သည်ဟု ယူဆကြသည်။ သဘာဝအလျှောက် မျိုးကူးစပ်ပြီးပါက ရိုးရိုးစပါးသာရရှိသည်။ နောက်ရာသီတွင် ထိုစပါးစေ့ကိုစိုက်ပါက ဆန်နီများတွေ့ရှိနိုင်သည်။

စံချိန်စံညွှန်း၏ ဆန်နီပါဝင်မှု သတ်မှတ်ခွင့်ပြုချက် - မျိုးစေ့အဆင့် ၅၀၀ ဂရမ် ၌ ဆန်နီပါဝင်မှု (အများဆုံး)

မိဘမျိုးစေ့ - ၀

ဆင့်ပွားမျိုးစေ့ - ၁ စေ့

မျိုးသန့်မျိုးပွားမျိုးစေ့ - ၃ စေ့

စီးပွားဖြစ်မျိုးသန့်မျိုးစေ့ - ၅ စေ့

ဆန်နီစပါးစေ့၏လက္ခဏာများ

- ရင့်မည့်မှုစောခြင်း၊

- ပန်းပွင့်ပြီး ၂ ပါတ်အတွင်းစတင်ကြွေခြင်း၊ (ထိကြွေ၊ လေတိုက်ကြွေ)

- မျိုးစေ့ငုတ်ချိန်အမျိုးမျိုးရှိခြင်း၊(အများအားဖြင့် ၃ လခန့်ကြာမြင့်ခြင်း)

- ယှဉ်ပြိုင်နိုင်စွမ်းရှိခြင်း၊(ပင်ပိုင်းကြီးထွားမှုအဆင့်တွင် လျှင်မြန်စွာ ကြီးထွားခြင်း)

- သန်စွမ်းခြင်း (စွတ်စို/ခြောက်သွေ့မည့်သည့်အခြေအနေတွင်မဆို ကြီးထွားမှု အားကောင်းခြင်း)

ဆန်နီစပါးစေ့၏ ပုံသဏ္ဍာန်များ

- အမြီးပါခြင်း၊

- စပါးစေ့ပုံသဏ္ဍာန် အမျိုးမျိုးရှိခြင်း၊ (ပု၊ ရှည်၊ လုံးဝန်း)

- အစေ့ခွံမှာ ပုံမှန်စပါးထက် အရောင်ဖျော့ခြင်း၊ မီးခိုးဖြူရောင် အခွံကြမ်းခြင်း၊

- ဆန်သားအနီရောင်ဖြစ်ခြင်း

ဆန်နီစပါးပင်မှ ဖြစ်ပေါ်လာသော ပြဿနာ

- စပါးမျိုးစေ့၏ အရည်အသွေးနှင့်အထွက်နူန်းလျော့ကျစေခြင်း၊

- ဆန်အရည်အသွေးညံ့ဖျင်းခြင်း၊

- စိုက်ခင်းတွင် ဆန်နီပင်ပါဝင်သွားပါက မျိုးကူးစပ်လွယ်၍ နှိမ်နင်းရန် ခက်ခဲခြင်း

ကာကွယ်နှိမ်နင်းနည်းစနစ်များ

မျိုးသုံးစွဲခြင်း

ကွင်းဆင်းစစ်ဆေးခြင်းနှင့် ဓာတ်ခွဲခန်းစစ်ဆေးခြင်းတို့၏ သတ်မှတ်စံချိန်စံညွှန်းပြည့်မီသော မျိုးစေ့အဆင့်များကိုသာ သုံးရန်။

မြေပြုပြင်ခြင်း

- ကြွေကျသော ဆန်နီစပါးစေ့များအတွက် ထယ်မထိုးဘဲ ငှက်များကောက်စားစေခြင်း၊

- ရိုးပြတ်မီးရှို့ခြင်း၊

- စိုက်ခင်းထဲကြွေသော အစေ့များကို အပင်ပေါက်ရန် အားပေးခြင်း (ရေသွင်းခြင်း)

- အပင်ပေါက်ကလေးများကို ထပ်မံထွန်မွှေ၍ ဖျက်ဆီးခြင်းဖြင့် ကောက်လေများပျက်ဆီးစေခြင်း၊

ဆန်နီပါဝင်သော အပင်ဖယ်ရှားနည်း

- စပါးရင့်မည့်ချိန် နံနက်စောစော စပါးခင်းတွင်ဝင်၍ အနှံများကို နေရောင်တွင် ကြည့်ပါ။ အနီရောင်ဖြစ်နေသော ဆန်နီစေ့ပါဝင်သည့် အနှံ/အပင်ကို နှုတ်ပါ။

- အနှံခက်လိုက် ပျိုးထောင်ပါက ရေစိမ်၍ အနီရောင်အစေ့ပါသော အနှံများကို ထင်ရှားစွာမြင်တွေ့ပါက ၎င်းအနှံများဖယ်ရှားပါ။

စိုက်ပျိုးခြင်း

- ရွေ့ပြောင်းစိုက်ပျိုးခြင်းသည် ကြဲပက်ခြင်းထက် ဆန်နီဖြစ်ပေါ်မှု လျော့နည်းစေခြင်း၊

- လမိုင်းရှိက တစ်ပင်ချင်း အမြစ်မှနှုတ်ရန်။

- မျိုးကွဲနှုတ်ချိန် လက်ပေါင်းနှုတ်ရန်၊ (စိုက်ချိန် ၂ ပါတ်၊ ၄ ပါတ်)

- သီးနှံအလှည့်ကျစိုက်ခြင်း (စပါးအပြီး ပဲစိုက်ခြင်းဖြင့် ကောက်လေဖြစ်မှု နည်းခြင်း)

- ရေသွင်းမြောင်း၊ ကန်သင်းသန့်ရှင်းခြင်း (ဝတ်မှုံကူးမှု ကာကွယ်ခြင်း)

- ရွေးချယ်ပေါင်းသတ်ဆေး သုံးခြင်းဖြင့် မြက်မျိုးရင်းဝင်အပင်များ ကာကွယ်နှိမ်နင်းနိုင်ခြင်း၊

- တလင်းနှင့် လယ်ယာသုံးစက်ကရိယာများ သန့်ရှင်းခြင်း၊ (ရိတ်ချွေသန့်စင်စက်)

- ပူးပေါင်းဆောင်ရွက်ခြင်းဖြင့် ကာကွယ်ခြင်း၊ (စပါးရိုင်းတစ်ပင်မှ ဝတ်မှုံများစွာထွက်နိုင်ပြီး စပါးပင်များစွာသို့ ဝတ်မှုံကူးနိုင်သောကြောင့် စိုက်ခင်းအားလုံး တစ်ပင်တွေ့ တစ်ပင်နှုတ်စနစ်ဖြင့် ပူးပေါင်းဆောင်ရွက်ရန်။

စိုက်ပျိုးရေးဦးစီးဌာန


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်