အဝါရောင် ကဒ်ပြားပေါ် ကော်သုတ်ထားသော ပိုးထောင်ချောက်

အဝါရောင် ကဒ်ပြားပေါ် ကော်သုတ်ထားသော ပိုးထောင်ချောက်

ပိုးကျရင် ပိုးသတ်ဆေးဖျန်းမယ်။ မှိုကျရင် မှိုသတ်ဆေးဖျနိးမယ်။ ဆိုတာ စိုက်ပျိုးသူတိုင်း လက်ကိုင်ထားတဲ့ အရာပါ။ ပိုးကျတာမဖြစ်အောင် ဆေးမဖျန်းပဲ ကာကွယ်မယ်ဗျာ။ လုပ်ကြည့်ပေါ့ တကယ် လက်တွေ့မှာ ဖြစ်နိုင် မဖြစ်နိုင် စမ်းကြည့်ပေါ့ဗျာ။ IPM ခေါ် Integrated Pest Management ဘက်စုံပိုးမွှားကာကွယ်ရေးက ပိုးကာကွယ်နည်းပေါ့ဗျာ။ ပိုးကို ၁၀၀%မကာကွယ်ပေမယ့် ဆေးဖျန်းပုံးအရေအတွက် လျော့ကျပြီး ပိုးကျတိုင်း ဆေးဖျန်းမယ့်အစား ပိုးမကျခင် အခုလို ပိုးထောင်ချောက်တွေ ဆင်ခဲ့ရင် ပိုအဆင်ပြေမယ်ထင်ပါတယ်။ ငွေကုန်လဲ သက်သာပါလိမ့်မယ်။

ပထမ နည်း

လိုအပ်သော ပစ္စည်းများ

(၁) အဝါရောင် ပလတ်စတစ် ကဒ်ပြား - ၁.၅ ပေ x ၁ ပေ
(၂) ကြာရှည်ခံသော ကော်
(၃) တိုင်
(၄) ကြိုး

ပြုလုပ်ပုံ ။ ။ အဝါရောင် ပလတ်စတစ် ကဒ်ပြားပေါ်တွင် ကော်သုတ် ကဒ်ပြားကို တိုင်မှာ ချည် တောင် မြောက် ဦးစားပေး ထောင်ထားလိုက်ပါ။
ယင်ဖြူ ပျ ရွက်ထွင်းပိုးများ လာရောက်ကပ်နေပါလိမ့်မယ်။ တဧကတွင် ကဒ်ပြား ၆-၁၅ခု ထောင်ပေးပါက ဆေးဖျန်းမှုလျော့ချနိုင်ပါလိမ့်မယ်။ ဝါ၊ မုန်ညင်း၊ မတ်ပဲ၊ ပဲတီစိမ်း၊ ဟင်းသီးဟင်းရွက်နှင့် ပန်းခင်းများတွင် အသုံးပြုနိုင်ပါတယ်။

ဒုတိယနည်း

လိုအပ်သော ပစ္စည်းများ

(၁) အဝါရောင် ပုံး သို့မဟုတ် ဗူးခွံ ၂လီတာဆန့်
(၂) ကြာရှည်ခံသော ကော်
(၃) တိုင်
(၄) ကြိုး

ပြုလုပ်ပုံ ။ ။ဗူးပေါ်တွင်ကော်သုတ် ကဒ်ပြားကို တိုင်မှာ ချည် တောင် မြောက် ဦးစားပေး ထောင်ထားလိုက်ပါ။
ယင်ဖြူ ပျ ရွက်ထွင်းပိုးများ လာရောက်ကပ်နေပါလိမ့်မယ်။တဧကတွင် အဝါရောင်ဗူး ၆-၁၅ခု ထောင်ပေးပါက ဆေးဖျန်းမှုလျော့ချနိုင်ပါလိမ့်မယ်။ဝါ မုန်ညင်း မတ်ပဲ ပဲတီစိမ်း ဟင်းသီးဟင်းရွက်နှင့် ပန်းခင်းများတွင် အသုံးပြုနိုင်ပါတယ်။

ကဒ်ပြား ဗူးခွံကို ရေနွေးတွင် စိမ်ပြီး သန့်ရှင်းကာ အကြိမ်ဖန်များစွာ အသုံးပြုနိုင်ပါတယ်။

Khant Zaw Htet

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်