ပြောင်းဖူးခင်းအတွက်လောင်ရောဂါဘာဖြန်းသင့်လဲဗျ
စပါးပင် တချို့နေရာတေမှာ အပင်ဖျားတေဝါ ပါတယ် ဘာလိုအပ်နေတာပါလဲ
ဆရာခင်ဗျ ခရမ်းချဥ်နဲ့ ခရမ်းခေါင်းအတွက် ဆေးဖျန်းချင်လို့ပါခင်ဗျ ဘာအရောအရင်ဖျန်းရမယ်မသိလို့ပါ မန်ကိုဇက် မိုနိုကေး ဒဘလယ် ပိုးဆေးနှစ်မျိုးလုံးထည့်ရမလား တစ်မျိုးဆီပဲအရင်သွားရမလား အဲ့မှိုဆေးနဲ့ပိုးဆေးတွေရောလို့ရလားဆရာ ဒဘလယ်လဲ ထည့်ချင်တယ် ခရမ်းသီး သီးလုံးဖောက်မှာစိုးလို့ အရင်ရှေ့တစ်ပတ်က ပီဖိုလန် ဆိုင်လာ ကောင်းသုခ ၁ အတာတွေ ဖျန်းထားပါတယ်ဆရာ
ပိုးအတွက် ပိုအရေးကြီးတာဆိုရင်၊ပိုးသတ်ဆေးကို အရင်ဖျန်းလိုက်ပါ။ ၅ရက်ခြားပြီးမှ မန်ကိုဇက်ဖျန်းလိုက်ပါ။
ဟုတ်ဆရာတို့ခင်ဗျ ကျေးဇူးအထူးပါခင်ဗျ
စပါခွံနှင့်ကောက်ရိုးမှိုစိုက်နည်း
စပါးခွံချည်းပဲတော့ ကောက်ရိုးမှိုစိုက်ဖို့ မလွယ်ပါဘူး။ အဓိကအကြောင်းအရင်းက စပါးခွံမှာ ရေကိုစုပ်ယူထားနိုင်စွမ်းနည်းတာရယ် ေကာက်ရိုးလိုမျိုး မှိုပေါက်ဖွားဖို့ အဟာရပိုင်းနည်းတာကြောင့်ပါ။ ဒါကြောင့် စပါးခွံထက် ကောက်ရိုးနဲ့စိုက်ဖို့ အကြံပြုလိုပါတယ်။ ကောက်ရိုးမှိုစိုက်ပျိုးနည်း
စပါးပင်တေွဝါတာ နောက်ချေး4တင်းရယ် မြေဆီရယ် ထုံးရယ်နှပ်ပီ ေကျွးရင်အဆင်ပြေလားရှင့် ဘနှရက်နှပ်ထားရလဲ နှပ်နီးလေးရောပြောပေးပါဦး စပါးပင်ကရောဘာဖစ်တာလဲပြောပေးပါဦး
စပါးခင်း တစ်ပြင်လုံး ဝါနေခြင်းမှာ ပိုးမွှားကြောင့်ထက် နိုက်ထရိုဂျင်နှင့် ဆာလဖာ (ကန့်) ဓာတ် ချို့တဲ့ခြင်း သို့မဟုတ် မြေကျပ်၍ အမြစ်များ အောက်ဆီဂျင် မရခြင်းကြောင့် ဖြစ်နိုင်ပါတယ်။ မေးခွန်းပါ နောက်ချေး၊ မြေဆီနှင့် ထုံးတို့ကို တပြိုင်နက် ရောစပ်ကျွေးပါက ဓာတုဓာတ်ပြုပြီး နိုက်ထရိုဂျင်ဓာတ်များ လေထဲလွင့်ပျံ ဆုံးရှုံးသွားမည်ဖြစ်၍ လုံးဝ အဆင်မပြေပါဘူး။ ထုံးကို အသုံးပြုလိုလျှင် မြေပြင်ချိန်ကတည်းက ၁ ပတ်မှ ၂ ပတ်ခန့် ကြိုတင်နှပ်ထားရပါမယ်။ လက်ရှိအခြေအနေတွင် စပါးခင်းကို ရေခေတ္တထုတ်ပေးပြီး ပုလဲနှင့် ဂျစ်ပဆမ် မြေဩဇာ ရောစပ်ပက်ကြဲပေးခြင်း၊ အမိုင်နိုအက်ဆစ် ရွက်ဖျန်းအားဆေး ဖျန်းပေးခြင်းဖြင့် အပင်ကို အမြန်ဆုံး ပြန်လည်စိမ်းလန်းလာစေနိုင်ပါတယ်။
ထုံးက မြေမပြင်ခင် ၁ လလောက် ကြိုနှပ်ထားမှသာ မြေကြီးရဲ့ ချဉ်ငန်ဓာတ်ကို ပြင်ပေးနိုင်ပါတယ်။ ပကန်ပေါက်နေတဲ့ စပါးခင်းမှာတော့ ထုံးပက်ပေးခြင်းဖြင့် သက်သာစေတာတွေ တွေ့ရပါတယ်။ မြေသြဇာအနေနဲ့ဆိုရင်တော့ နွားချေးနဲ့ မြေဆီ/ ပုလဲကို ရေအနည်းငယ်နဲ့ တစ်ည ကြိုနှပ်ထားပေးပါ။ အောက်မှာ တာလပတ်ခင်းပြီး နွားချေးပုံပေးပါ။ ပြီးရင် ပုလဲထည့် ရေပက်ပေးပြီး နှံ့စပ်အောင်မွှေပေးပါ။ ပြီးရင် အပေါ်ကနေ အိတ်နဲ့ အုပ်ထားပေးပြီး တစ်ည နှပ်ထားပေးပြီး နောက်ရက် စပါးခင်းထဲ ကြဲပက်ပေးနိုင်ပါတယ်။ ဒီနည်းက နိုက်ထရိုဂျင်ဓာတ်တွေ အငွေ့ပျံ့တာ၊ စီးဆင်းရေနဲ့ မျှောပါသွားတာ၊ မြေကြီးအောက်ကို စိမ့်ဝင်ပြီး ဆုံးရှုံးသွားတာတွေကို သက်သာစေပါတယ်။ တစ်ခုသတိထားရမှာက နွားချေးက ဆွေးမြေ့ပြီးသား နွားချေးသုံးပေးပါ။ မဆွေးမြေ့ပါက ပေါင်းတွေ ပေါက်လာနိုင်သလို နွားချေးဆွေးမြေ့တဲ့အချိန် ထွက်လာတဲ့အပူတွေက စပါးပင်ကို ထိခိုက်နိုင်ပါတယ်။
ခရမ်းချဥ်အတွက်မြေခံမှာတီစူပါနဲ့DAPဘယ်ဟာထည့်ရင်ကောင်းလဲDAPထည့်ရင်Nဓာတ်ကအပင်မစားသုံးနိုင်ခင်မှာဆုံးရှုံးသွားမှာလား
တီစူပါက ပိုကောင်းတယ်။ အပင်သက်တမ်းတစ်လျှောက်လုံးခံတယ်။ DAP က နိုက်ထရိုဂျင်ကို Urea အနေနဲ့ သဘာဝမြေသြဇာနဲ့ နှပ်ကျွေး အဲဒါ ပိုသက်သာတယ် ပိုထိရောက်တယ်
ခရမ်းချဉ်စိုက်ပျိုးရာတွင် မြေခံအဖြစ် တီစူပါထက် DAP ကို ရွေးချယ်ခြင်းက ပိုမိုထိရောက်မှုရှိပါတယ်။ DAP တွင် အမြစ်ဖွံ့ဖြိုးမှုကို အားပေးသော ဖော့စ်ဖရပ်အပြင် အပင်ငယ်စဉ် ကြီးထွားမှုကို အထောက်အကူပြုသည့် နိုက်ထရိုဂျင်ဓာတ် (၁၈%) တစ်ပါတည်း ပါဝင်နေသောကြောင့် ဖြစ်ပါတယ်။ စိုက်ပျိုးသူ စိုးရိမ်သကဲ့သို့ နိုက်ထရိုဂျင်ဓာတ် လေလွင့်ဆုံးရှုံးသွားမည် မဟုတ်ပါဘူး၊ အကြောင်းမှာ DAP တွင်ပါဝင်သော နိုက်ထရိုဂျင်သည် အမိုနီယမ်ပုံစံဖြင့် ရှိနေ၍ မြေဆီလွှာတွင် ကောင်းစွာ ကပ်ငြိနေနိုင်ပြီး ရွှေ့စိုက်ပြီး (၁) ပတ်မှ (၂) ပတ်အတွင်း အမြစ်သစ်များ ထွက်လာချိန်တွင် အပင်က အလွယ်တကူ စုပ်ယူစားသုံးနိုင်သောကြောင့် ဖြစ်ပါတယ်။ အကောင်းဆုံးရလဒ်ရရှိရန် DAP ကို သဘာဝမြေဩဇာနှင့် တွဲဖက်သုံးစွဲသင့်ပြီး၊ အမြစ်လောင်ခြင်းမှ ကာကွယ်ရန် မြေကြီးနှင့် သမအောင် မွှေပေးရန် လိုအပ်ပါတယ်ခင်ဗျာ။
ဆရာခင်ဗျ 909 ခရမ်းချဥ်မျိုးက ဘေးတက်တွေမဖဲ့ရဘူးဆိုတာ ဟုတ်ပါသလားခင်ဗျ ကျွန်တော် ကိုင်ပြင် အဖဲ့လုပ်မိလို့ပါ😌 909 ကဒီနှစ်မ စ စိုက်တာဆိုတော့ မသိလို့ပါဆရာ😌 ခရမ်းချဥ်နဲ့ ခရမ်းခေါင်းအတွက် ဝိစာရရဲ့ ကယ်စီပလပ် အောဘာ ရဲ့ ပီဖိုလန် အတာဆိုအဆင်ပြေလောက်လားဆရာ ပိုးဆေးကတော့ မိုနိုကေးနဲ့ ဒဘလယ် ဝယ်ထားတယ်ဆရာ အိမ်ကမီးထဲပါသွားတောအခင်းထဲလဲသွားချင်စိတ်မရှိပစ်ထားတာအရင်ဝယ်ထားတဲ့ဆေးတွေလဲမီးထဲပါသွားလို့ဆရာရေ
Lora 909 ခရမ်းချဉ်ပင်သည် ပင်ကိုကတည်းက အထက်သို့ အလွန်အမင်း မမြင့်ဘဲ ဘေးကိုင်းများဖြင့်သာ ချုံပုတ်သဖွယ် ကြီးထွားသည့် ကိုင်းသတ်ပင်အမျိုးအစား (Determinate Tomato Variety) ဖြစ်ပါတယ်။ ထို့ကြောင့် အပင်ခြေနှင့် ကိုင်းကြားမှထွက်သော သားတက်းများကို လိုက်ဖဲ့ရန် မလိုပါဘူး။ လိုက်ဖဲ့ပါက အသီးသီးမည့် ကိုင်းများကို ဖယ်ရှားလိုက်သလိုဖြစ်ပြီး အထွက်နှုန်း သိသိသာသာ လျော့နည်းသွားတတ်ပါတယ်။ သို့သော် မှိုရောဂါကင်းဝေးပြီး လေဝင်လေထွက် ကောင်းစေရန် မြေကြီးနှင့် ထိစပ်နေသော အောက်ခြေအရွက်ဟောင်းများနှင့် ဝါနေသော အရွက်များကိုမူ ညှပ်ထုတ်ပေးရန် လိုအပ်ပါတယ်။ဆေးဝါးများ မီးထဲပါသွား၍ စိတ်ဓာတ်ကျပြီး ပစ်မထားပါနှင့်ဦးဗျ။ မီးဖိုချောင်ပြာ၊ နွားချေးဆွေး ကျွေးပေးခြင်းဖြင့် ကုန်ကျစရိတ်မရှိဘဲ ရောဂါကာကွယ်၍ အပင်ပြန်လည် လန်းဆန်းလာအောင် မိမိတတ်နိုင်သလောက် ပြုစုပျိုးထောင်နိုင်ပါတယ်ခင်ဗျာ။ အိုးအိမ်ပျက်စီးခြင်းအတွက်တော့ ထပ်တူစိတ်မကောင်းဖြစ်မိပါတယ်ခင်ဗျာ။
ဟုတ်ဆရာ ကျေးဇူးအထူးပါဆရာ
နှံစုပ်ပိုး အနည်းငယ်ကျ နေပါတယ် ဒီရက်မိုးလဲများတော့ ပန်းပွင့်ကြွေတာလား နှံစုပ်ကြောင့်လား ဆေးနောက်တကြိမ်ဖြန်းသင့်မဖြန်းသင့် ဖြန်းရင်လဲဘာေဆးဖြန်းရမလဲ ပထမတစ်ကြိမ် ဆိုက်ပါမက်သရင်း ဖြန်းထားပါတယ်
စပါးသက်တမ်း ၁၂၀ ရက် (နို့ရည်တည်ချိန်) တွင် မိုးအသင့်အတင့် ရွာသွန်းခြင်းသည် နှံစုပ်ပိုးကျရောက်ရန် အကောင်းဆုံး ရာသီဥတု ဖြစ်ပါတယါ။ စပါးစေ့များ ပိန်ပြီး အစေ့ခွံပေါ်တွင် အညို/အမည်းကွက်များ ရှိနေပါက နှံစုပ်ပိုးကြောင့်ဖြစ်ပြီး၊ အစေ့ခွံများ ဖြူရော်ကာ ပိန်နေပါက မိုးရွာ၍ ဝတ်မှုန်မကူးနိုင်ဘဲ ပန်းပွင့်ကြွေခြင်း ဖြစ်ပါတယ်။ ပထမအကြိမ် မက်သရင်း ဖြန်းထားသော်လည်း စပါးတစ်ပင်လျှင် ပိုးကောင် ၁-၂ ကောင် တွေ့ပါက နောက်တစ်ကြိမ် ဆေးထပ်ဖြန်းရပါမယ်။ မိုးရွာသွန်းမှုကို ခံနိုင်ရည်ရှိရန်နှင့် စုပ်စားပိုးကို ထိရောက်ရန်အတွက် စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ဖစ်ပရိုနေးလ် (Fipronil) ကဲ့သို့သော ပင်လုံးပျံ့ဆေးကို ပိုးကောင်များ စပါးနှံပေါ်တက်သည့် နံနက်စောစော သို့မဟုတ် ညနေစောင်းတွင် သုံးစွဲလေ့ရှိတယ်။
ဆရာကြီးရေး ပိုတက်ကို စပါးဖုံးတဲ့အချိန် သုတစ်မျိုးထဲကျွေးကတာလာ Nတို pတို ကဘာကြောင့်မကျွေးကြတာလဲ ကျွန်တော့စပါးက အပင်အဖျားလေးတွေနည်နည်းဝါနေပြီး စပါးအမြင့်က အလောတော်ပါ ဘာကျွေးရမလဲ အကြံလေးပေးပါအုံး စပါးကဆင်းသုခ ရက်80ပြည့်တော့မယ်
ဤအဖြေဖြင့်ပြေလည်သည် အမှန်ခြစ် သတ်မှတ်ပေးနိုင်ပါတယ်ခင်ဗျာ
ကျေးဇူး ပါဆရာ
ငါးကန် စ ဆောက်တဲချိန် ကန်ကို တစ်ဆင့်ပြီးတစ်ဆင် ဘယ်လို လုပ်ဆောင်ပေးရမလဲ
အာလူးစိုက်နည်လေးသိချင်လို့ပါ
မတ်ပဲမှာကျတဲ့mosaic နဲ့wiltingအတွက်သုံးတဲ့fungicideပြောပြပေးပါ
mosaic က မှိုမဟုတ်ပါဘူး။ ဗိုင်းရပ်ပိုးကြောင့်ဖြစ်တာပါ။ သူ့ကို နှိမ်နင်းလို့မရပါဘူး။ Mosaic ကို သယ်လာတဲ့ ယင်ဖြူကိုပဲ နှိမ်နင်းလို့ရပါတယ်။ အဝါတွေစမြင်လာရရင် နှုတ်ပစ်ပြီး ယင်ဖြူကို ဆေးဖြန်းပါ။ ညှိုးတာအတွက် ဖြစ်နိုင်ခြေတွေရှိလို့ ဆရာဒို့ဦးလေးရဲ့ ဆောင်းပါးကို ဖတ်ပေးပါ။ မတ်ပဲပင်တွေ ဝါညှိုးသေ...ဘာတွေလုပ်သင့်လဲ
ခရမ်းချဉ်မှာကျတဲ့leaf curl virus ကိုသုံးတဲ့fungicideကိုပြောပြာပေးပါ့လား အားလူးမှာကျတဲ့late blight of potatoကိုသုံးတဲ့fungicideကိုလည်းပြောပြပေးပါဗျ
ခရမ်းချဉ် Leaf curl Virus ရွက်တွန့်က ဗိုင်းရပ်ဖြစ်တဲ့အတွက် ကာကွယ်ဆေးမရှိပါဘူး။ အာလူး နှောင်းပင်နာကျရောဂါအတွက် Meltalaxyl + mancozed (ဥပမာ- Fortazeb) ၊ chlorothalonil (ဥပမာ- ဘန်ကိုနေး၊ ဖော်နေးလ်)၊ mancozeb (ဥပမာ- ဒိုင်သိမ်း၊ အဂရိုဇက်၊ အင်ဒိုဖေးလ်)၊ iprovalicarp + propineb (ဥပမာ- အင်ဗင်တို)၊ ကော့ပါးအခြေခံမှိုသတ်ဆေးများ (ဥပမာ- ကိုဆိုက်၊ ဘော်ဒိုထုံး + ဒုတ္တာဖျော်ရည်) တို့ကို ဆေးထုပ်ပါ အညွှန်းအတိုင်းသုံးပါ။ အာလူးနှောင်းပင်ကျနာ (လောင်းမည်း) ရောဂါ (Late Blight of Potato)
မင်္ဂလာပါခင်ဗျ တာကျိုးလို့ မြစ်ရေမြှုပ်လယ်တွေကို မတ်ပဲ၊ ပဲတီစိမ်းတွေ စိုက်ပါက ဘာတွေ ဆောင်ရန်၊ရှောင်ရန် ကြံဆောင်ရမလဲ ရှင်းပြပေးပါ ဆရာတို့ရယ်
ရေကြည်မြို့နယ်တွင် မြစ်ရေလွှမ်းမိုးပြီးနောက် မတ်ပဲနှင့် ပဲတီစိမ်း ပြန်လည်စိုက်ပျိုးရာတွင် အဓိကအချက်မှာ မြေဆီလွှာအစိုဓာတ်ကို အမိအရဖမ်းဆုပ်ရန်နှင့် မှိုရောဂါကာကွယ်ရန် ဖြစ်ပါတယ်။ ရေကျကျချင်း လယ်ကွက်အတွင်း ရေဝပ်မှုမရှိစေရန် ရေနုတ်မြောင်းများ အမြန်ဆုံးဖော်ပေးရမယ်။ မြေကြီးသည် ခြေဖဝါးနင်းလျှင် ဗွက်မထဘဲ ပျော့ပျောင်းရုံ အစိုဓာတ်ရှိချိန်တွင် ကတိုက်ကရိုက် မျိုးစေ့ချရမည်ဖြစ်ပြီး၊ မြေခြောက်သွေ့သွားသည်အထိ လုံးဝမစောင့်ဆိုင်းသင့်ပါ။ ရေမြုပ်မြေတွင် မှိုပိုးများပြားနိုင်သဖြင့် မျိုးစေ့ကို ကာဘင်ဒါဇင်ကဲ့သို့ မှိုသတ်ဆေး၊ ပဲမြစ်ဖုဇီဝမြေဩဇာတို့နှင့် မဖြစ်မနေ လူးနယ်စိုက်ပျိုးရပါမယ်။ အပင်ပေါက်နှုန်းလျော့နည်းနိုင်၍ မျိုးစေ့နှုန်းကို ၁၅% ခန့် တိုးသုံးသင့်ပြီး၊ စိုက်ပျိုးချိန်တွင် ယူရီးယားဓာတ်မြေဩဇာနှင့် ပေါင်းသတ်ဆေးများကို နှုန်းထားအလွန်အကျွံသုံးစွဲခြင်းမှ ရှောင်ကြဉ်ရပါမယ်။
စတော်ဘယ်ရီပျိူးဖို့မြေစပ်နည်းနဲ့စတော်ဘယ်ရီစိုက်ဖို့မြေကိုဘယ်လိုပြုပြင်သင့်ပါသလဲဗျာ
စတော်ဘယ်ရီပျိုးထောင်ရန်အတွက် အပေါ်ယံမြေ ၂ ပုံ၊ နွားချေးဆွေး ၁ ပုံနှင့် ဖွဲပြာ ၁ ပုံတို့ကို မှိုသတ်ဆေး (ထရိုင်ဂိုဒါးမား) တစ်မျိုးမျိုးနှင့် သမအောင်ရောမွှေပြီး တစ်ပတ်ခန့် နှပ်ထားရပါမယ်။ စိုက်ပျိုးမည့် မြေကွက်ကို ပြင်ဆင်ရာတွင် မြေကို ၁ ပေခန့်အနက်အထိ ညက်နေအောင်ဆွပြီး နွားချေးဆွေး သို့မဟုတ် ကွန်ပေါင်းမြေသြဇာများ ထည့်ရပါမယ်။ ထို့နောက် ရေမဝပ်စေရန် အမြင့် ၃၀ မှ ၄၀ စင်တီမီတာရှိသော ဘောင်မြှင့်စနစ်ကို ပြင်ဆင်ပြီး၊ ပေါင်းမြက်ကာကွယ်ရန် ဘောင်ပေါ်တွင် စိုက်ပျိုးရေးသုံး ပလတ်စတစ်အမည်း (သို့မဟုတ်) ကောက်ရိုးခြောက်များကို စနစ်တကျ အုပ်ပေးရပါမယ်။ စိုက်ပျိုးချိန်တွင် အပင်၏ ပင်စည်ခြေမျက်စိကိုမြေကြီးထဲ နက်နက်ကြီး မြှုပ်မသွားစေရန် အထူးသတိပြု စိုက်ပျိုးရပါမယ်။
ဆရာခင်ဗျ ခရမ်းချဥ်နဲ့ ခရမ်းခေါင်းအတွက် ဆေးဖျန်းချင်လို့ပါခင်ဗျ ဘာအရောအရင်ဖျန်းရမယ်မသိလို့ပါ မန်ကိုဇက် မိုနိုကေး ဒဘလယ် ပိုးဆေးနှစ်မျိုးလုံးထည့်ရမလား တစ်မျိုးဆီပဲအရင်သွားရမလား အဲ့မှိုဆေးနဲ့ပိုးဆေးတွေရောလို့ရလားဆရာ ဒဘလယ်လဲ ထည့်ချင်တယ် ခရမ်းသီး သီးလုံးဖောက်မှာစိုးလို့ အရင်ရှေ့တစ်ပတ်က ပီဖိုလန် ဆိုင်လာ ကောင်းသုခ ၁ အတာတွေ ဖျန်းထားပါတယ်ဆရာ
ပိုးအတွက် ပိုအရေးကြီးတာဆိုရင်၊ပိုးသတ်ဆေးကို အရင်ဖျန်းလိုက်ပါ။ ၅ရက်ခြားပြီးမှ မန်ကိုဇက်ဖျန်းလိုက်ပါ။
ဟုတ်ဆရာတို့ခင်ဗျ ကျေးဇူးအထူးပါခင်ဗျ
ပိုးရောဂါမကျသေးဘဲကာကွယ်ရုံဆို ပိုးဆေးနှင့် အားဆေးအရင်တွဲဖျန်းပြီး နောက်၇ရက်ကြာမှ မှိုဆေးဖျန်းပါ
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
