ဆာလဖာဓာတ်ပါဝင်တဲ့မြေဩဇာတွေက ပိုအကျိုးရှိပါတယ်
အားလုံးပဲမင်္ဂလာပါ.......
နိုက်ထရိုဂျင်မြေဩဇာဟာ သီးနှံပင်များအတွက် မရှိမဖြစ် အရေးကြီးတဲ့ မြေဩဇာတစ်မျိုးဖြစ်ပြီးတော့ တောင်သူအခေါ် ပုလဲမြေဩဇာဖြစ်ပါတယ်။ သို့သော်ငြား နိုက်ထရိုဂျင်တွေပဲ လွန်ကဲစွာထည့်ရုံနဲ့ အပင်တွေကြီးထွားမှုနှုန်း များမလာတဲ့အကြောင်းအရင်း များစွာရှိပါတယ်။ အချို့ကတော့ ကြဲပက်တာမျိုး၊ အချို့ကတော့ ကျွေးပြီး မြေပြန်မဖုံးမိတာတွေကြောင့် လေလွင့်ဆုံးရှုံးမှုက ပိုဖြစ်နေရခြင်းကြောင့်ဖြစ်ပါတယ်။ နိုက်ထရိုဂျင်ကျွေးရုံမျှမက ဆာလဖာကိုလည်း ကျွေးဖို့ အရေးကြီးပါတယ်။ ကျွန်တော်တို့နိုင်ငံရဲ့ အဓိက စိုက်ပျိုးထုတ်လုပ်တဲ့ သီးနှံအများစုဟာ ဆာလဖာဓာတ်ကိုလည်း ကျွေးရန်လိုအပ်တဲ့ သီးနှံတွေဖြစ်နေလို့ပါပဲ။
ဆာလဖာက အမြစ်ဖွံ့ဖြိုးမှုကို အားကောင်းစေရုံမျှမက အပင်ရဲ့ အဓိကကြီးထွားဖွံ့ဖြိုးမှုဖြစ်တဲ့ ပရိုတင်းဓာတ်ထုတ်လုပ်ရာမှာ အဓိကလိုအပ်ပါတယ်။ နိုက်ထရိုဂျင်မြေဩဇာအများစုရဲ့ ဖော်မြူလာဟာ CAN လို့ အလွယ်ခေါ်နိုင်ပါတယ်။ သူ့မှာ
ကယ်လ်ဆီယမ်အောက်ဆိုဒ် Calcium oxide (CaO) ၊ အမိုးနီးယား Ammonia (NH 4)နဲ့ နိုက်ထရိတ် Nitrate ( NO ³)တို့ အချိုးအစားမျှတစွာ ပါဝင်ကြပါတယ်။ အဲ့ CAN နဲ့ ရောထားတဲ့ NS ဓာတ်မြေဩဇာတွေက သာမန်နိုက်ထရိုဂျင် မြေဩဇာများထက် ပိုပြီးအကျိုးပြုပါတယ်။ များသောအားဖြင့် ဆာလဖာနဲ့ ပူးတွဲပြီးထုတ်လုပ်တဲ့ မြေဩဇာရဲ့ အချိုးဟာ NS - ၄ : ၁ ပါ၀င်တတ်ပါတယ်။ သီးနှံတစ်မျိုးရဲ့ ကြီးထွားမှုဟာ NPK ဖြစ်ပေမယ့် နှံစားသီးနှံဖြစ်တဲ့ စပါး၊ အမြစ်နဲ့ ဥစားသီးနှံများဖြစ်တဲ့ ၀ဥ၊ အာလူး စတဲ့သီးနှံများနဲ့ Upland crop လို့ခေါ်တဲ့ ယာသီးနှံတော်တော်များများရဲ့မြေမှာ ဆာလဖာလိုအပ်ပါတယ်။ ဆာလဖာရောနှော မြေဩဇာကို သီးနှံမစိုက်ပျိုးမီမှာ မြေခံအဖြစ် အသုံးပြုနိုင်ပြီးတော့ ပန်းစပွင့်ချိန်မှာလည်း ဖြည့်စွက်အဟာရအဖြစ် ကျွေးနိုင်ပါတယ်။
ဆာလဖာဟာ အက်ဆစ်ဆန်တဲ့မြေမှာတောင် မြေဆီရဲ့ အဟာရစုပ်ယူနိုင်စွမ်းကို အားပေးနိုင်ပါတယ်။ အကျိုးပြုအဏုဇီ၀ပိုးများရဲ့ လုပ်ငန်းများကိုလည်း အားပေးတဲ့အတွက် မြေခံထည့်မယ့်မြေဩဇာဟာ ကွန်ပေါင်းပြီးရင် ဒုတိယအကောင်းဆုံး မြေဩဇာဖြစ်ပါတယ်။ သူ့ချည်းပဲ ကျွေးတာမဟုတ်ပဲ နိုက်ထရိုဂျင်နဲ့တွဲထားတဲ့ ဆာလဖာမြေဩဇာဟာ ပိုမိုထိရောက်တာကို တွေ့နိုင်ပါတယ်။ အမိုနီယမ်ဆာလဖိတ် ဖော်မြူလာပါတဲ့ မြေဩဇာမှာတော့ ဆာလဖာ ၂၄ % အထိ ပါ၀င်တတ်ပြီး ရွံ့စေးနုံးမြေမှာ ပိုမိုသင့်တော်ပါတယ်။ ဂျစ်ပဆန်မြေဩဇာမှာတော့ ဆာလဖာ ၁၅-၁၈ %ပါ၀င်တတ်ပြီး မွတဲ့မြေအမျိုးအစားမှာသုံးဖို့ ပိုမိုသင့်တော်ပါတယ်။ တီစူပါမဟုတ်တဲ့ သာမန် စူပါဖော့စဖိတ်မှာတော့ ဆာလဖာက ၁၁ % ပါဝင်လျှက်ရှိပါတယ်။ ဆာလဖာချို့တဲ့ရင် အရွက်တွေဝါပြီး သေးသေးနုပ်နုပ်နဲ့ ဖွံ့ဖြိုးမှုနှေးကွေးတဲ့ လက္ခဏာတွေ အဓိကဖြစ်ပေါ်စေပါတယ်။
အထက်ပါအကြောင်းအရာတွေကတော့ နိုက်ထရိုဂျင်သာမက ဆာလဖာရဲ့အရေးကြီးပုံကို အကျဉ်းချုံးဖေါ်ပြခဲ့ခြင်းဖြစ်ပါတယ်။ စိုက်ပျိုးသီးနှံများ ဖြစ်ထွန်းအောင်မြင်၍ အကျိုးအမြတ်များ ရကြပါစေ။
ပြည့်ဖြိုးသော်
B.Agr.Sc (soil & water Science)
(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)
phyomyat minnaing
လွန်ခဲ့သော ၂ နှစ် ကဆာလဖာကမြေချဥ်ကိုပိုမချဥ်နိုင်ဘူးလား
နည်းပညာမိတ်ဖက်အဖွဲ့
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
နည်းပညာမိတ်ဖက်အဖွဲ့ အားလုံးဆက်စပ်မေးခွန်းများ
ပဲ 15ရက်သား မှာQuizalofop-P-ethyl ပေါင်းဆေး ဖြန်းထားပါတယ် ခုက 1.Humic acid 2.ငါးအမိုင်နို 3.LAB 4.တမာ ပိုးသတ်ဆေး တို့ကို ဘယ်အမျိုးအစားကရောဖြန်းလို့ရပြီး ဘယ်အမျိုးအစားက ဘယ်လောက်ရက်ခြား ဖြန်းရမလဲ ဘယ်ဟာ အရင်ဖြန်းသင့်လဲ သိချင်ပါတယ် ခင်မျ
Thiha • ဖြေကြားချက် 1 ခု
အပင်သည်အရွက်သည်အဖျားချစ်ပြီးအားနည်းသည်
Kyaw Htoo • ဖြေကြားချက် 1 ခု
ကြက်သွန်နီအတွက် ဓာတ်မြေဩဇာကို U-AS TSP SOP တို့ကို သုံးဖို့ရည်ရွယ်ထားပါတယ် ၁ဧကအတွက် ဘယ်လောက် ကီလိုပမာဏနဲ့ ဘယ်အချိန်တွေမှာ သုံးရမလဲ အကယ်၍ ဂျစ်ပဆမ်ပါသုံးမယ်ဆို S များသွားနိုင်လား သိပါရစေဆရာ
Khing Hein • ဖြေကြားချက် 3 ခု
ပန်းဖြိုင်ဖြိုင်ပွင်ချိန်စိုရင်ရွက်ဖျန်းအာဆေးကဘာဆေးတွေပတ်ရင်အသိးတင်အားကောင်းမလဲဆရာတို့...မြို့နဲရွာကနေ့တိုင်းမကြုံလို့ကြိုဝယ်ထားခြင်လို့ပါ
သန်းထိုက်အောင် • ဖြေကြားချက် 7 ခု
Original effective microorganism (OEM)ကနေ Concentrate effective microorganism (CEM)ကိုဘယ်လိုဖေါ်စပ်ရသလဲဆိုတာကိုပြန်မေးလိုက်ပါတယ်။
မျိုးလှိုင် • ဖြေကြားချက် 2 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
iPhone သုံးတဲ့ မိတ်ဆွေများအတွက် သတင်းကောင်း
23/10/2026
အောက်တိုဘာ ၂၂ မှ ၂၄ ရက်တို့တွင် မိုးစပါးနှင့် ဆီထွက်သီးနှံများကို အမြန်ဆုံးအပြီး ရိတ်သိမ်းခြွေလှေ့ထားသင့်
22/10/2026
အစိုပုပ်ရောဂါ၏ လက္ခဏာများနှင့် သတိပြုဖွယ်ရာများ
22/10/2026
စစ်ကိုင်းတိုင်းအထက်ပိုင်းတွင် ယခုနှစ် ကြံစိုက်ဧကများ လျော့နည်း
22/10/2026
ဆေးလောင်လို့ နွမ်းလျတဲ့အပင်ကို “သကြားရည်” နဲ့ ပြန်အသက်သွင်းကြစို့်
21/10/2026
More from ပြည့်ဖြိုးသော်
အားလုံး
