နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 61 အာဟာရနှင့် ကျန်းမာရေး 547 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 580 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 588

ကျန်းမာရေးနှင့်ညီညွှတ်သော အစားအစာများထုတ်လုပ်ခြင်း၊ မြေဆီလွှာ၊ စားနပ်ရိက္ခာဘေးကင်းလုံခြုံမှုနှင့် အာဟာရ

Green Way • PC Myanmar • 17/12/2019

ကျန်းမာရေးနှင့်ညီညွှတ်သော အစားအစာများ ထုတ်လုပ်ခြင်း

ကျန်းမာရေးနှင့်ညီညွှတ်သော အစားအစာများ ထုတ်လုပ်ရာတွင် အခြေခံအကျဆုံအချက်မှာ ကျန်းမာသန်စွမ်းသော မြေဆီလွှာတွင်ထုတ်လုပ်ခြင်းဖြစ်သည်။

သီးနှံပင်များကြီးထွားဖွံဖြိုးရန် မရှိမဖြစိလိုအပ်သော အာဟာရများ၊ရေ၊အောက်စီဂျင်နှင့် အမြစ်ကောင်းစွာဖွံဖြိုးနိုင်ရန် မြေဆီလွှာမှ ထောက်ပံ့ပေးသည်။

ကျန်းမာသန်စွမ်းသော မြေဆီလွှာဖြစ်ရန် စီမံဆောင်ရွက်ခြင်းသည် အရေးကြီးသောအချက်ဖြစ်သည်။

မြေဆီလွှာ၏လုပ်ဆောင်ချက်များ

ပိုးမွှားရောဂါနှင့် ပေါင်းပင်များကာကွယ်နှိမ်နင်းခြင်း
အပင်အတွက်မရှိမဖြစ်လိုအပ်သော အာဟာရဓါတ်များလှည့်ပါတ်သုံးစွဲစေခြင်း
မြေဆီလွှာတည်ဆောက်မှုကို တိုးတက်စေခြင်း

မြေဆီလွှာသည် အပူချိန်ရုတ်တရက်ပြောင်းလဲခြင်းကြောင့် အပင်၏အမြစ်များ ထိခိုက်ပျက်စီးခြင်းမှကာကွယ်ရန် ကြားခံအဖြစ်ဆောင်ရွက်ပေးသည်။

ကျန်းမာသန်စွမ်းသော မြေဆီလွှာသည် ၎င်း၏ကာဗွန်ပါဝင်မှုကို ထိန်းသိမ်းထားခြင်း သို့မဟုတ် တိုးတက်စေခြင်းဖြင့် ရာသီဉတုပြောင်းလဲခြင်းကိုလျှော့ပါးစေသည်။

မြေဆီလွှာသည် အစားအစာများထုတ်လုပ်မှု၏အခြေခံအကျဆုံးဖြစ်ပြီး အားလုံးနီးပါးသောသီးနှံပင်၏ ကြီးထွားဖွံ့ဖြိုးမှုအတွက် အထောက်အပံ့ပေးရာ နေရာလည်းဖြစ်သည်။

မြေဆီလွှာ၊ စားနပ်ရိက္ခာဘေးကင်းလုံခြုံရေးနှင့် အာဟာ

ကျွန်ုပ်တို့စားသုံးနေသည့် အစားအစာများ၏ ၅၀% ကိုမြေဆီလွှာမှ ထုတ်လုပ်ပေးခြင်းဖြစ်သည်။ လွန်ခဲ့သောနှစ်ပေါင်း (၅၀) ခန့်မှစ၍ စိုက်ပျိုးနည်းပညာများ ထွန်းကားလာပြီး အစားအစာထုတ်လုပ်မှုပမာဏ တိုးတက်လာခဲ့ကာ အကျိုးဆက်အားဖြင့် မြေဆီလွှာနှင့် ပတ်ဝန်းကျင်အပေါ်တွင် ဆိုးကျိုးများသက်ရောက်ခဲ့ပါသည်။ နိုင်ငံပေါင်းများစွာတွင် သီးနှံထုတ်လုပ်မှုကို အင်တိုက်အားတိုက်ဆောင်ရွက်လာခြင်းအားဖြင့် မြေဆီလွှာများ ပျက်သုဉ်းလာခဲ့ပြီး အနာဂါတ်တွင်စိုက်ပျိုးထုတ်လုပ်မှုအတွက် အန္တရာယ်ရှိသည့်အခြေအနေတစ်ရပ်ကို ရောက်ရှိလာခဲ့ပါသည်။ တစ်စင်တီမီတာ မြေဆီလွှာထုဖြစ်ပေါ်ရန် နှစ်ပေါင်း (၁၀၀)ခန့် အချိန်ယူရပါသည်။ ကျန်းမာသန်စွမ်းသော မြေဆီလွှာနှင့် ၎င်း၏အာဟာရပါဝင်မှုက စိုက်ပျိုးသီးနှံများ၏ အာဟာရဆိုင်ရာ အရည်အသွေးပေါ် တိုက်ရိုက်သက်ရောက်မှု ရှိပါသည်။

ရေရှည်တည်တံ့သည့် မြေဆီလွှာစီမံခန့်ခွဲမှု

အမျိူးမျိူးသော စိုက်ပျိုးနည်းစနစ်များအား လိုက်နာကျင့်သုံးခြင်းဖြင့် ရေရှည်တည်တံ့သော မြေဆီလွှာစီမံခန့်ခွဲမှုကို အားပေးရာရောက်ပါသည်။

စိုက်ပျိုးဂေဟဗေဒ

အမျိူးမျိူးသော နည်းပညာအလေ့အကျင့်နှင့် တီထွင်ဆန်းသစ်မှုများကို အခြေခံ၍လုပ်ကိုင်ခြင်း။ (ဒေသဆိုင်ရာ ဗဟုသုတနှင့် ခေတ်မီနည်းပညာများပါဝင်)

သြဂဲနစ်လယ်ယာ

ဓာတုဗေဒပစ္စည်း၊ဗီဇပြုပြင်ဖန်တီးထားသောအရာ၊ အပင်ကြီးထွားစေသောအရာ၊ တိရစ္ဆာန်အစာများတွင် ဖြည့်စွက်ထည့်သွင်းထားသောအရာများအသုံးမပြုဘဲ စိုက်ပျိုးထုတ်လုပ်ခြင်း။

ရေရှည်တည်တံ့သော စိုက်ပျိုးနည်း

မြေဆီလွှာကို နည်းနိုင်သမျှအနည်းဆုံးထွန်ယက်ခြင်း၊ မြေဖုံးစိုက်နည်း(အမြဲ)၊ သီးလှည့်စိုက်ပျိုးခြင်းများ ကျင့်သုံးခြင်းဖြင့်မြေဆီလွှာပျက်သုဉ်းခြင်းကိုလျော့ချကာ မြေဆီလွှာကို တိုးတက်ကောင်းမွန်စေပြီး အထွက်နှုန်းတိုးတက်စေခြင်း။

စိုက်ပျိုးသစ်တောရောနှော စိုက်ပျိုးခြင်း

သမာရိုးကျ/ခေတ်မီလယ်ယာ အသုံးပြုနည်းဖြင့် နှစ်ရှည်ပင်များအား ရာသီသီးနှံများ/တိရစ္ဆာန်မွေးမြူခြင်းလုပ်ငန်းများဖြင့် ပေါင်းစပ်လုပ်ကိုင်ခြင်း။

မထွန်ယက်ခြင်း(လုံးဝ)

၎င်းကို ရေရှည်တည်တံ့သော စိုက်ပျိုးခြင်းတွင် အမြဲ (သို့) တစ်ဝက်တစ်ပျက် ရှိနေသော သြဂဲနစ်မြေဆီလွှာကို ထိန်းသိမ်းနိုင်ရန်အတွက် ကျင့်သုံးခြင်းဖြစ်သည်။ အကျိုးအားဖြင့် မြေဆီလွှာ၏အာဟာရကို မျှတစေသည်။

ရေရှည်တည်တံ့သော မြေဆီလွှာစီမံခန့်ခွဲမှုကို လုပ်ဆောင်ခြင်းအားဖြင့် အစားအစာထုတ်လုပ်မှုကို
၅၈% အထိတိုးတက်လာစေနိုင်ပါသည်။

Source - PC Myanmar

ဆက်စပ်ဆောင်းပါးများ

အထွေထွေ ဗဟုသုတ

အလှလည်းစိုက် ဆေးဖက်လည်းဝင် ရေဝါးပင်

ဇင်ထူးနိုင်

အထွေထွေ ဗဟုသုတ

ကြက်ဟင်းခါးသီး အရမ်းမခါးအောင်ကြော်နည်း

နှင်းဖြူဖြူ

အထွေထွေ ဗဟုသုတ

မိုင်းတွင်းမြေပေါ် သီးနှံပြန်စိုက်နိုင်ရေး ကြိုးပမ်းခဲ့ကြတဲ့ အိန္ဒိယလယ်သမားများ

ဝေယံဟိန်း (B.Ag)

နည်းပညာမိတ်ဖက်အဖွဲ့

PC Myanmar

PC Myanmar Progetto Continenti သည် အီတလီအခြေစိုက် အဖွဲ့အစည်းတခုဖြစ်ပြီး အီတလီတွင် ၁၉၈၉မှ စတင် တည်ထောင်သည်။ မြန်မာနိုင်ငံရုံးခွဲဖြစ်သည့် Progetto Continenti – Myanmar အနေဖြင့် လုပ်ငန်းဆောင်တာများကို ၂၀၀၃ခုနှစ် နိုဝင်ဘာလတွင် စတင်ခဲ့သည်။ PC Myanmar သည် ၂၀၁၈ ခုနှစ် ဇန်နဝါရီလတွင် မြန်မာနိုင်ငံ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် နားလည်မှုစာချွန်လွှာရေးထိုးခဲ့သည်။ PC Myanmar အနေဖြင့် လူထုပါဝင်မှုကို တိုးမြှင့်စေသည့် နည်းလမ်းနှင့် ဒေသတွင်း အဖွဲ့အစည်းများဖြင့် အတူတကွ လုပ်ဆောင်ခြင်းနည်းလမ်း စသည်အားဖြင့် ဒေသတွင်း လူ့စွမ်းအားအရင်းအမြစ် ဖွံ့ဖြိုး တိုးတက်စေခြင်းအားဖြင့် စွမ်းဆောင်ရည် မြှင့်တင်ခြင်းလုပ်ငန်းများကို ဆောင်ရွက်သည်။ ရေရှည်ဖွံ့ဖြိုးတိုးတက်ခြင်းသည် PC Myanmar ၏ အဓိကရည်ရွယ်ချက်လမ်းကြောင်းဖြစ်ကာ စီမံကိန်းများကို အကောင်အထည်ဖော်ဆောင်ရာတွင် စီးပွားရေး၊ လူမှုရေးနှင့် ပတ်ဝန်းကျင်ဆိုင်ရာ အလုံးစုံ ရေရှည်ဖွံ့ဖြိုးမှုကို ဦးတည်သည်။ ရေရှည်ဖွံ့ဖြိုးတိုးတက်ခြင်းအတွက် အရေးကြီးသောဒေသတွင်း လူထုအခြေပြုအဖွဲ့အစည်းများ နှင့် ကျေးရွာအခြေစိုက် အခြေခံအဖွဲ့အစည်းများကို အရည်အသွေး မြှင့်တင်ပေးခြင်း အားဖြင့် ရည်ရွယ်ချက်များကို အကောင်အထည်ဖော်ဆောင်လျှက် ရှိပါသည်။ စီမံကိန်းများ အကောင်အထည်ဖော်ရန် ဦးတည်သည့်ဒေသမှာ အပူပိုင်းဒေသဟု လူသိများသော မကွေးဒေသပင် ဖြစ်သည်။ ဦးတည်သည့် စီမံချက်များမှာ အသက်မွေးမှု (ရေရှည်ဖွံ့ဖြိုးသော စိုက်ပျိုးရေးနှင့် တောင်သူအသင်း အဖွဲ့များအား ကူညီထောက်ပံ့ခြင်း) နှင့် အစားအသောက် ဘေးကင်းလုံခြုံမှု၊ ရေရှိမှု (သောက်သုံးရေ ရရှိအောင် အကူအညီပေးခြင်းနှင့် အဆိုပါရေအရင်းအမြစ်စီမံခန့်ခွဲခြင်းကို ကျေးရွာလူထုကိုယ်တိုင်စီမံခန့်ခွဲနိုင်ရန် ကူညီ ပေးခြင်း)နှင့် တကိုယ်ရည် သန့်ရှင်းမှုဆိုင်ရာ အသိပညာပေးမှု၊ ဒေသတွင်း အရပ်ဖက်အဖွဲ့အစည်းများကို စွမ်းဆောင်ရည် မြှင့်တင်ပေးခြင်း ( ဒေသတွင်း NGOများ၊ CBOများကို စွမ်းဆောင်ရည် မြှင့်တင်ပေးခြင်း) တို့နှင့် ကျန်းမာရေးကဏ္ဍမြှင့်တင်ခြင်း (အာဟာရလိုအပ်ချက်များနှင့် ပတ်သက်ပြီး အသိပညာပေးမြှင့်တင်ခြင်း၊ ထောက်ပံ့ခြင်း၊ မိခင်နှင့် ကလေး ပြုစုစောင့်ရှောက်ခြင်းအတွက် ကူညီထောက်ပံ့ပေးခြင်း) ပင် ဖြစ်သည်။        

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏

bominthu • ဖြေကြားချက် 2 ခု

အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ

JohnSaw • ဖြေကြားချက် 1 ခု

နွားချေးအစို+ဖွဲ့နု+ကျောက်မှုန့်(ဂျစ်ပဆမ်) +ပဲမှုန့်+တင်လဲရည်+တဆေးတို့နဲ့ အချည်ဖောက်အရည် ပြုလုပ်လို့ရပါသလား ရခဲ့ရင် အသုံးပြုရမယ့်ပစ္စည်းပါဝင်မှုအချိုးအစားသိပါရစေ

Khing Hein • ဖြေကြားချက် 2 ခု

နှင်းပန်းပွင့်တွေက ခါးမှာ ပုတ်သလို ဖြစ်ပီး အပွင့်တွေက ပုံပါအတိုင်းဖြစ်နေလို့ပါဆရာ။ ဘာကြောင့်ဖြစ်တာလဲရှင့် ဘာဆေးဖြန်ရင်ရလဲဆရာ

Nwe Nwe aung • ဖြေကြားချက် 3 ခု

Trichoderma ကိုမတ်ပဲအတွက်သုံးချင်လို့အဆင့်အဆင့်သုံးရမယ့်နည်းလမ်းသိချင်လို့ပါဆရာသူ့ရဲ့အကျိုးပြုပုံလေးလည်းသိချင်လို့ပါဆရာ

Zaw Than Oo • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ