စိုက်ပျိုးရေးလောက အလွဲများ (၅)

တူလေး ဘယ်ကုမ္ပဏီကလဲ လက်ဆောင်ဘာပါလဲ....
ဗျာ....ဟုတ်ကဲ့ဒေါ်ဒေါ် ....ကျွန်တော်တို့က နည်းပညာပေးတဲ့အဖွဲ့ကပါ..... လက်ဆောင်တော့မပါလာခဲ့ဘူး
မနက်ဖြန်ကျရင်တော့ ပွဲလာတက်နော် ဒေါ်ဒေါ်... ကျွန်တော်တို့က နည်းပညာတွေပေးမှာဗျ
အော်...လက်ဆောင်မပါရင်တော့မလာတော့ပါဘူးကွယ်တဲ့ စိုက်ပျိုးရေးနည်းပညာပေးပွဲတစ်ပွဲမှာ ကြုံတွေ့လာရကတည်းက ဒီလက်ဆောင်ဆိုတာကြီးကို စိတ်ခုနေတာ ကြာပါပြီ.....
မြန်မာတောင်သူတွေရဲ့ ဓလေ့တစ်ခုလို ဖြစ်နေပြီလား....
ရိုင်းရိုင်းပြောရရင် အကျင့်တွေပျက်နေကြပြီလား....
ဘယ်သူတွေစခဲ့ကြတာလဲ....
ဘယ်သူ့ကိုအပြစ်တင်ကြမလဲ....
လက်ဆောင်ဆိုတဲ့ စီးပွားရေးလှည့်ကွက်တစ်ခုအောက်မှာ မျောနေကြပြီလား.....
ကျွန်တော်တို့ နည်းပညာပေးပွဲတွေ လက်ဆောင်မပါရင် မလာကြတော့.....
လက်ဆောင်ပါတဲ့ အချို့ဟောပြောပွဲတွေ လူစည်နေတက်သည်......
ပွဲတစ်ပွဲပြီးတိုင်းကြားနေရတာက ဒီပွဲက ဒီလက်ဆောင်တွေရလာတယ် ဟိုအဖွဲ့က အဲဒါတွေ ပေးနေတယ် ဆိုတာချည်းပဲ....
ကျွန်တော်တို့ပေးတဲ့ နည်းပညာတွေထက် ဒီလက်ဆောင်တွေက ပိုအရေးပါနေသည်က ကျွန်တော်သိပ်တော့ ဘဝင်မကျချင်ပါ....
ကျွန်တော်ကပဲ အတွေးတွေ လွန်နေတာလားတော့မသိ....
ပြောမပြတက်တဲ့ စောဒက တစ်ချက်ကို မြိုသိပ်ရင်း နောက်နည်းပညာပေးပွဲအတွက် လက်ဆောင်ပေးရန် စီစဉ်လိုက်ပါဦးမည်