အာဆင်းနစ် ပါဝင်မှု လျော့ကျရေး မဟာဗျူဟာနည်း
ဧရာဝတီတိုင်း တပေါင်းမြို့နယ်တွင် တွေ့ရှိရသော “အာဆင်းနစ်” ပြဿာနာကို ကိုင်တွယ် ဖြေရှင်းရန် အတွက် မဟာဗျူဟာနည်း (၅) ရပ်ကို လက်တွေ့ အကောင်အထည်ဖော် ဆောင်ရွက်ရန် ဖော်ပြလိုက်ပါတယ်။ ၎င်းမဟာဗျုဟာနည်း (၅) ရပ်မှာ-
(၁) ရေသုံးစွဲမှု စနစ်တကျ စီမံ ခန့်ခွဲခြင်း။
(၂) Aerobic rice ခေါ် လေလိုစပါးမျိုးများ စိုက်ပျိုးခြင်း
(၃) AWD ခေါ် အစိုတစ်လှည့် အခြောက်တစ်လှည့် နည်းကို အသုံးပြုခြင်း
(၄) ဘောင်တင် စိုက်ပျိုးခြင်း (Rise Bed Cultivation)
(5) ဓာတ်မြေသြဇာနှင့် မြေဆီလွှာ ပြုပြင်ပြောင်းလဲခြင်း
စသည့်နည်းများကို လိုက်နာကျင့်သုံးကြရပါမည်။
(က) ရေသုံးစွဲမှု စနစ်တကျ စီမံခန့်ခွဲခြင်း
အများအားဖြင့် စပါးစိုက်တောင်သူများသည် မိမိတို့၏ စပါးပင်များကို ပေါင်းပင်မထစေရန် ရေဖြင့် ဖိနှိပ်ပေးကြပေသည်။ ၎င်းအခြေအနေတွင် ရေနှင့်မြေထဲရှိ အာဆင်းနစ်များသည် အာဆင်းနစ်များသည် လေမဲ့ အခြေအနေဖြစ်ကာ စပါးပင်နှင့် ကောက်ရိုး အသီးအနှံတို့တွင် အာဆင်းနစ်များ ရောက်ရှိစေကာ စာသုံးသူများအတွက် အန္တရာယ်ဖြစ်စေပါသည်။ ထိုကြောင့် စပါးအနှံမထွက်မီနှင့် ထွက်ပြီး (၃) ပတ် (၂၁) ရက်အတွင်း စပါးပင်များကို ရေထက်၊ လေရရှိအောင် (Aerobic condition) ပြုလုပ်ပေးကြရမည်။ ထို့အပြင် ဖော့စဖောရပ် ဓာတ်ချို့တဲ့မှုများကို ဤကဲ့သို့ ရေလျှံနေမှုတွင် ပိုမိုတွေ့ရှိရပြီး စပါးပင်အတွက် လုံလောက်သော အာဟာရ မရရှိနိုင်မှု ဖြစ်စေပါသည်။
(ခ) လေလိုစပါး (Aerobic rice) မျိုးရွေးချယ်စိုက်ပျိုးခြင်း
မြေနိမ့်ဒေသများတွင် (lowland) လေလိုစပါး (Aerobic rice) စိုက်ပျိုးရန် မသင့်တော်ပါ။ ရေမရရှိဘဲ ရေငတ်ခြင်းဒဏ်ကို မခံနိုင်သော အခြေအနေရှိသည့် ကုန်းမြင့်၊ တောင်ပေါ်ဒေသ (Upland)နှင့် သာ သင့်တော်ပါသည်။ သို့ရာတွင် ခေတ်ပေါ်စပါး (Aerobic) များကို ရှာဖွေ (ဉပမာ-တရုတ်နိုင်ငံ)ပြီး စိုက်ပျိုးပါက ဤ အာဆင်းနစ်ဒဏ်ကို ခံနိုင်စေမည် ဖြစ်ပါသည်။
(ဂ) AWD ခေါ် အစိုတလှည့် အခြောက်တစ်လှည် ရေသုံးစွဲနည်း
စပါးပင်သည် ရေကြိုက်သော အပင်ဟု အများက သတ်မှတ်ထားသော်လည်း အမှန်တကယ် တွေ့ရှိမှုများမှာ ရေလိုအပ်ပြီး အလွန်အကျွံ ထည့်သွင်းပေးမှုကို မနှစ်သက်ပါ။ ထိုကြောင့် စပါးစိုက်ပျိုးရာတွင် ပြောင်းလဲလာသော ခောတ်စနစ်နှင့်အညီ ရာသီဉတု၊ မိုးရေရရှိမှုတို့အပေါ်လိုက်၍ ရေကို အစိုတလှည့် အခြောက်တစ်လှည့် ရေသုံးစွဲနည်းစနစ်ကို ပြုလုပ်ပေးခြင်းအားဖြင့် အာဆင်းနစ်ဖြစ်ပေါ်မှုကို ကာကွယ်တားဆီးပေးနိုင်ပါသည်။ ရေကိုအမြဲတမ်း ဖုံးလွမ်းထားခြင်းသည် စပါးပင်အတွက် ပို၍ အန္တရာယ် ရှိစေပြီး အာဆင်နစ် ဖြစ်ပေါ်မှု ဒဏ်ကိုလည်း ဆိုးရွာစွာ ခံစားရပါသည်။
(ဃ) ဘောင်တင်စိုက်ပျိုးခြင်း
အထူးသဖြင့် ရေကို လိုသလို ထိန်းချုပ်နိုင်သော ဒေသများတွင် စပါးစိုက်ပျိုးရာ၌ ဘောင်တင်ခြင်း နည်းဖြင့် စိုက်ပျိုးပါက ဤကဲ့သို့ အာဆင်းနစ်ဖြစ်ပေါ်မှုကို လျော့နည်း ကျဆင်းစေပြီး စပါးအစေ့အဆံများတည်ခြင်း၊ သီးပွင့်ခြင်းနှင့် အထွက်နှုန်းများကို တိုးပွား၍ အာဆင်းနစ် စုပ်ယူစားသုံးမှုကို လျော့ကျစေသည်။
(င) ဓာတ်မြေသြဇာနှင့် မြေဆီလွှာ ပြုပြင်ပြောင်းလဲခြင်း
ဤကဲ့သို့ အာဆင်းနစ်ပေါများသော ဒေသများတွင် ဆန်စပါး စိုက်ပျိုးထုတ်လုပ်ရာ၌ အသုံးပြုသင့်သော ဓာတ်မြေသြဇာမှာ Silicon (ဆီလီကွန်) ပါဝင်သော ဓာတ်မြေသြဇာကို အသုံးပြုရမည်။ အဘယ်ကြောင့်ဆိုသော် ဤဆီလီကွန်ပါဝင်သော ဓာတ်မြေသြဇာများသည် စပါးပင်ကို ထိခိုက်ပျက်စီးစေမည့် အာဆင်းနစ်စုစည်းမှုများကို လျော့ချပေးပြီးစပါးပင်အတွက် လိုအပ်သော ဖောစဖိတ်ဓာတ်ကို ရရှိစေသော သတ္တိများကို ရရှိစေပါသည်။
သို့ရာတွင် ဖော့စဖိတ်ဓာတ်မြေသြဇာများ အလွန်အကျွံ သုံးစွဲမှုကို အာဆင်းနစ်စပါးခင်းများ၌ သုံးစွဲမှု ရှောင်ကြဉ်ရမည်။ ဆီလီကွန်ကဲ့သို့ ဆာလဖာပါဝင်သော မြေသြဇာ များကိုလည်း သုံးစွဲပေးခြင်းအားဖြင့် ၊ အာဆင်းနစ် စုစည်း ဖြစ်ပေါ်မှုကို ထိန်းချုပ်ပေးပြီး စပါးအထွက်နှုန်း လျော့နည်းမှုကို ကာကွယ်ပေးသည့် သုတေသနများ စမ်းသပ်တွေ့ရှိရသည်။
ထို့ကြောင့် ဆန်စားသုံးသူများအတွက် ‘အစာလည်း ဆေး ဆေးလည်း အစာ’ဟူသော ဆောင်းပုဒ်နှင့်အညီ ဤကမ္ဘာပေါ်တွင် နေထိုင်ကြသူများ အားလုံးတို့သည် စိုက်ပျိုးထုတ်လုပ်ကြသူများမှ စားသုံးသူများအတွက် စားနပ်ရိက္ခာ လုံခြုံစိတ်ချရသော ကဏ္ဍ (၂) ရပ်လုံးအတွက် စိုက်ပျိုးပညာရှင်များ တာဝန်အရ မိမိတို့နှင့် တိုက်ရိုက်သက်ဆိုင်သော တာဝန် (တစ်နည်းအားဖြင့်) ဒီတာဝန်ကို မလုပ်ရင် ထိခိုက်မည့်သူဟာ မိမိဖြစ်နေပါလားဟု ဆင်ခြင်သုံးသပ်မိသောကြောင့် နည်းပညာရပ်များကို ဖြန့်ဝေပေးသော (Green Way) မှ တစ်ဆင့် ရေးသားဖော်ပြပေးလိုက်ရပါတယ်။
ဉီးထင်အောင်ရှိန် (မြေဆီလွှာ သိပ္ပံနှင့် မြေသြဇာ ပညာရှင်)
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 1 ခု
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
Nyi Nyi Aung • ဖြေကြားချက် 2 ခု
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
Saung • ဖြေကြားချက် 2 ခု
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
Hlaing Min Tun • ဖြေကြားချက် 1 ခု
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
မောင်ခိုင်လင်းထွန်း • ဖြေကြားချက် 1 ခု
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from ဦးထင်အောင်ရှိန်
အားလုံး
