ဆေးထိုးစရင်းနဲ့ စိုက်ပျိုးရေးအချင်အတွယ်များ

ကိုယ်တိုင်လုပ် အပင်အားဆေး ပိုးသတ်ဆေးတွေအသုံးပြုလာကြတဲ့ အခါမှာတော့ အချင်အတွယ်က ပြောစရာတစ်ခုဖြစ်လာပါတယ်။ ၁၀ စီစီ ၂၀ စီစီ ၁၀၀ စီစီ စသည်ဖြင့် စီစီ ဆိုတဲ့ စကားလုံးကို ကျွန်တော်တို့ပတ်ဝန်းကျင်မှာ ဘာနဲ့ချင်တွယ်ရမလဲဆိုတာ ရုတ်တရက်ဆို စဉ်းစားစရာတစ်ခုဖြစ်သွားပါတယ်။

ရေသန့်ဘူး အဖုံးတစ်ဖုံးလား

စားပွဲတင်ဇွန်းတစ်ဇွန်းလား

ဟင်းစားဇွန်းလား

လက်ဖက်စားဇွန်းလား

ဒီလို ခေါ်ဝေါ်သုံးစွဲနေကြတာတွေက တစ်ခါတစ်လေမှာ ဒွိဟဖြစ်စရာကောင်းပါတယ်။

ဆေးနှုန်းထားများသွားတာနဲ့ လောင်နိုင်တာတွေမို့ ပိုမိုတိကျတဲ့နည်းလမ်းလေးကို ရေးသားဖော်ပြလိုက်ရပါတယ်။

ကုန်ကျစရိတ်လည်းမများသလို ကိုယ်တီထွင်ကြံဆနိုင်သလောက်အသုံးဝင်စေမှာပါ။ ဒါကတော့ ဆေးထိုးစရင်း ပဲဖြစ်ပါတယ်။ 

ကျန်းမာရေးဆေးဆိုင်တွေမှာ ၂၅ စီစီ ဆေးထိုးစရင်းဆိုပြီး ပြောဝယ်ရင် ၂၅၀ ကျပ်လောက်ပဲရှိပါတယ်။ 

စရင်းမှာပါတဲ့ အရစ်လေးတွေအတိုင်း စုပ်ယူမယ်ဆို ၂၀ စီစီ အတိအကျကိုရရှိနိုင်မှာဖြစ်ပါတယ်။

ဆေးထိုးစရင်းတစ်ချောင်းနဲ့ ဆေးတိုင်းအတွက်တော့ ရောအသုံးမပြုသင့်ပါဘူး။ ဒါကြောင့် ကနဦးမှာ ရေကိုစုပ်ယူပြီး ရေသန့်ဘူးခွံ၊ အချိုရေဘူးခွံတွေထဲ ပမာဏမတူတဲ့ခွက်လေးတွေလုပ်လိုက်လို့ရပါတယ်။

ငါးအမိုင်နိုကိုတော့ ဒါနဲ့ချင်မယ်။ ဒါကတော့ လိုင်းဆလာအတွက် အစရှိသည်ဖြင့် ခွဲခြားမှတ်ထားလို့ရပါတယ်။

ကိုယ်လိုသလို အသုံးပြုလို့ရအောင် အရည်တွေကိုချင်တွယ်ရာမှာသုံးတဲ့ ဆက်သွယ်ချက်တွေကို ဖော်ပြပေးလိုက်ရပါတယ်။

စီစီ (cc) ဆိုတဲ့ စကားလုံးနဲ့ မယ်လ်(ml )ဆိုတဲ့ စကားလုံးက ပမာဏချင်းအတူတူပါပဲ။

1 cc = 1 ml

1 liter ( 1 လီတာ) ဓာတ်ဆားရေ သောက်တဲ့ ရေသန့်တစ်ဘူး= ၁၀၀၀ စီစီ 

1 gallon ( 1 ဂါလံ) = ၄ ပုလင်း (ရေတစ်လီတာ ၄ ဘူး)

1 tablespoon (ထမင်းစားဇွန်း)= 14 ml

1 teaspoon (လက်ဖက်စားဇွန်း)= 5 ml 

(ဇွန်းအရွယ်အစားတွေက နိုင်ငံအလိုက်တော့ ကွာခြားကြပါသေးတယ်။ ဒါကတော့ US အသုံးအနှုန်းတွေပဲဖြစ်ပါတယ်)

ဆေးထိုးစရင်းတစ်ချောင်းနဲ့ အလုပ်ဖြစ်ကြပါစေခင်ဗျာ။

တစ်ခုသတိထားရမှာကတော့ အသစ်ကိုသုံးဖို့ပါ။ ကျန်းမာရေးဆရာဝန်အသုံးပြုပြီးဖြစ်တဲ့ ဆေးထိုးစရင်းတွေကိုတော့ အသုံးမပြုရပါ။ မမြင်နိုင်တဲ့ရောဂါပိုးတွေကပ်ပါနိုင်ပါတယ်။ ဆိုင်ကနေ အသစ်တစ်ချောင်းကိုဝယ်သုံးပါနော်။ ဒီတစ်ချက်ကိုတော့ အထူးသတိထားပေးဖို့ မေတ္တာရပ်ခံလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြလိုပါသည်" ဟုထည့်ပေးပါရန် မေတ္တာရပ်ခံအပ်ပါသည်။