နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 165 အပင်အာဟာရ 297 စိုက်ပျိုးနည်း 396 ပိုးမွှားရောဂါ 445 စိုက်ပျိုးစီးပွား 54 ခေတ်သစ်စိုက်ပျိုးရေး 49 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 853

မှိုရောဂါအတွက် ဆေးခါးတစ်ခွက်

Green Way • 16/01/2018

ဘော်ဒိုဆေးရည်သည် မှိုရောဂါသတ်ဆေးတစ်မျိုးဖြစ်သည်။ အလွယ်တကူဖျော်စပ်နိုင်ပြီး အစွမ်းထက် အာနိသင် ရှိသည်။ဆေးရည်ဖျော်စပ်ရာတွင် အချိုးအမျိုးမျိုးထားပြီး လိုအပ်သည့်အတိုင်း အသုံးပြုနိုင်သည်။ ဥပမာ - ၂: ၂: ၅၀၊ ၄: ၄: ၅၀၊ ၅: ၅: ၅၀ စသဖြင့် ဖျော်စပ်လေ့ရှိသည်။ ၅: ၅: ၅၀ အချိုးသည် အသုံးအများဆုံးဖြစ်သည်။

လိုအပ်သော ပစ္စည်းများ

ထုံး - ၅ ပေါင်

ဒုတ္တာ - ၅ ပေါင်

ရေ - ၅၀ ဂါလံ

၅: ၅: ၅၀ အချိုးသည် စိုက်ကွင်းကြီးများအတွက်သင့်တော်သော ပမာဏဖြစ်ပြီး စိုက်ခင်းငယ်အတွက်ကို -

ထုံး - ပေါင်ဝက်

ဒုတ္တာ - ပေါင်ဝက်

ရေ - ၅ ဂါလံ နှုန်း အသုံးပြုနိုင်သည်။

မိမိလိုအပ်ချက်နှင့်အညီ အသုံးပြုရန် ၂: ၂: ၅၀၊ ၄: ၄: ၅၀ စသည်တို့မှာ ရေ ၅၀ ဂါလံကို ပုံသေထားပြီး ထုံးနှင့် ဒုတ္တာကို (၂) ပေါင်၊ (၄) ပေါင် စသည်ဖြင့် လျော့ထည့်ပေးခြင်းဖြစ်သည်။

ဆေးဖျော်စပ်ရာတွင် ပလတ်စတစ်ပုံးအသုံးပြုရမည်။ သံပုံး၊ သွပ်ပုံး၊ ဒန်ပုံး များမသုံးရပါ။

ပလတ်စတစ်ပုံး နှစ်ပုံးတွင် ရေ ၂ ဂါလံခွဲစီ ထည့်ပြီး ထုံးမှုန့် တစ်ပုံး၊ ဒုတ္တာ တစ်ပုံး ဖျော်ပါ။ အမှုန့်များ ကျေညက်စေရန် ဒုတ်ဖြင့် နာနာမွှေပါ။

အရည်ပျော်သွားပြီးပါက ပလတ်စတစ်ပုံး အလွတ်တစ်ခုထဲသို့ ပြိုင်တူလောင်းထည့်ပါ။ ပြိုင်တူလောင်းထည့်ခြင်း က အာနိသင် ပိုထက်မြက်သည်ဟု ဆိုပါသည်။

ဖျော်ရည်ပုံးထဲသို့ စတီးဓားကို နှစ်ကြည့်လိုက်ပါက ဓားပြားပေါ်တွင် ငှက်ခါးတောင်အရောင် ဖြစ်နေရပါမည်။

ဘော်ဒို ဆေးရည်ကို စိုက်ခင်း စိုက်ဘောင်များတွင် ပက်ဖျန်းမည်ဆိုပါက အခြားဆေးများကဲ့သို့ ရေရောရန်မလိုပဲ ဖျော်ပြီးသားဆေးရည်အတိုင်း ပက်ဖျန်း၍ ရသည်။

သတိပြုရန်မှာ ဘော်ဒိုဆေးရည်ကို ဖျော်ပြီးသည်နှင့် ၂၄ နာရီအတွင်း ကုန်အောင် အသုံးပြုရမည်။ နေ့ကျော်ဖျန်းပါက အာနိသင် လျော့နိုင်သည်။

အကြောင်းအမျိုးမျိုးကြောင့် နောက်နေ့တွင် ဆက်ဖျန်းချင်ပါက ဆေးပုံးထဲသို့ ဆီတစ်မျိုးမျိုး (တမာစေ့ဆီက ပိုသင့်တော်ပါသည်) ရောစပ်ပေးထားနိုင်သည်။ ဆီများက ဆေးရည် မျက်နှာပြင်ပေါ်တွင် ဖုံးအုပ်ထားပါလိမ့်မည်။ သို့သော် ချက်ချင်းဖျော် နေ့ချင်းပြီး သုံးနိုင်ရန် တိုင်းဆဖျော်စပ်သင့်ပါသည်။

ဘော်ဒိုဆေးရည်သည် ဆေးခါးကြီးဖြစ်ပါသည်။ ရွက်ပြောက်နှင့် မှိုရောဂါ တော်တော်များများကို ကာကွယ် နှိမ်နှင်းနိုင်သည်။ လိမ္မော်၊ ရှောက်၊ ရာဘာ ကိုင်းဖြတ်ပြီး သုတ်လိမ်းပါ။ ကိုင်းဖြတ်ဒဏ်ရာနာ မြန်မြန်ကျက်သည်။ နှင်းဆီ၊ ဂန္ဓမာ၊ မေမြို့ ပန်းများအတွက် ကျရောက်သော မှိုရောဂါများကို ကာကွယ်နိုင်သည်။ လုပ်ကိုင်ရ လွယ် ကူ ခြင်း၊ ကုန်ကြမ်းများ ပေါပေါရနိုင်ခြင်း၊ ထိရောက်မှုရှိခြင်းတို့ကြောင့် လက်ကိုင်ထား သုံးရမည့် ဆေးဖြစ်သည်။

ကိုးကား - ကွမ်းနှင့် တွဲဖက်သီးနှံ ကွမ်းသီး၊ ငှက်ပျော၊ အုန်း စနစ်တကျ စိုက်ပျိုးနည်း

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ဘော်ဒိုဆေးရည်

အမည်မသိ

လွန်ခဲ့သော ၄ နှစ် က

ရေချောပါ

thiha

လွန်ခဲ့သော ၅ နှစ် က

မတ်ပဲဖျန်းလို့ရလားခင်ဗျ

thiha

လွန်ခဲ့သော ၅ နှစ် က

ထုံးကမဖေါက်ထုံးလား ခင်ဗျ

ဦးသိန်းမျိုး

လွန်ခဲ့သော ၆ နှစ် က

ဒုတ္တာကိုဘယ်မှာရနိူင်ပါသလည်ဆရာတို့

ဆက်စပ်ဆောင်းပါးများ

စိုက်ပျိုး ဗဟုသုတ

ပေါင်းစပ်လယ်ယာစနစ်: လယ်ယာလုပ်ငန်းများ ပေါင်းစပ်ခြင်းမှ ရေရှည်တည်တံ့သော အကျိုးကျေးဇူးများဆီသို့

Green Way

စိုက်ပျိုး ဗဟုသုတ

စိုက်ပျိုးသုတ နိုဝင်ဘာလ

Soe Myint

စိုက်ပျိုး ဗဟုသုတ

ကမ္ဘာကြီး ပူလာချိန် အပင်တွေ ဘယ်လို ညှိယူနေကြလဲနဲ့ ဘယ်လိုတွေ ကြိုတင်ပြင်ဆင်ထားရမလဲ

သော်ဇင်

ဆက်စပ်မေးခွန်းများ

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 2 ခု

ပဲပင်ပေါက်ပြီး5ရက်သားမိုးမိသွားတာနိမ့်တဲနေရာရေမြုပ်သွားတယ်အများအားဖြင့်မြင့်တဲနေရာပဲကျန်တယ်အဲဒါဒီအတိုင်းထားသင့်သလားပြန်ထွန်စိုက်သင့်လားစရိတ်ကလဲများတော့အကြံပေးပါဉီး

UTheinAung • ဖြေကြားချက် 1 ခု

စပါးစိုက်ပျိုးရေးမှာ အောင်ရေကိုဘယ်အချိန်ဖြတ်သင့်လဲဗျ

Sai Kaung Myat Kyaw Kyaw • ဖြေကြားချက် 1 ခု

မိုး၄ရက်တနေကုန်မိနေပါတယ် လည်လိမ်စတွေ့နေရပီ ဥပုပ်ပင်စည်ပုပ်လေးတွေစတွေ့နေရပါပီ မိုးလင်းသွားလျှင်ဘယ်ကနေဘာစလုပ်ရမလဲ စီစဥ်တကျပြောပြပေးပါဗျ တနယ်လုံးအတွက်ပါဗျ ကျေးဇူးပါ

sithuaung • ဖြေကြားချက် 1 ခု

စပါးကို ပုလဲမြေသြဇာနဲ့ ထုံးရောပတ်လို့ရမရ သိချင်ပါတယ်

မောင်မြတ်မင်း • ဖြေကြားချက် 3 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ