မြန်မာ့ကြက်သွန်နီပြည်ပနိုင်ငံများမှ ဝယ်ယူမှုနည်း 

ပြည်တွင်းမှ မြန်မာ့ကြက်သွန်နီကို ဝယ်ယူနေတဲ့နိုင်ငံများမှာ နည်းပါးနေကြောင်း မြန်မာ နိုင်ငံကြက် သွန်ဖြူ ၊ ကြက်သွန်နီနှင့်စားဖိုဆောင်သီးနှံစိုက်ပျိုးထုတ်လုပ် တင်ပို့ရောင်းချသူများအသင်း မှသိရ ပါတယ်။

ပြည်တွင်းမှာ ဝင်ရောက်မှုများနေပေမယ့်လည်း အခြားပြည်ပနိုင်ငံများမှာ မြန်မာ့ကြက်သွန်နီကို ဝယ်ယူမှုမှာ အခုတစ်ပတ်အတွင်း နည်းပါးနေကြောင်း မြန်မာနိုင်ငံကြက်သွန်နီ ၊ ကြက်သွန်ဖြူနှင့်စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးခင်ဟန်က ပြောပါတယ်။

ဒီရက်ပိုင်းအတွင်းမှာ သိပ်မဝယ်ကြဘူး။ ဘင်္ဂလားဒေ့ရ်ှဘက်ကလည်း သိပ်မဝယ်ကြသလို ၊ တရုတ်ဘက်ကလည်း မဝယ်ဘူး။သူတို့အဝယ်ပေါ်မှာပဲ ပြည်တွင်းစျေးနှုန်းကလည်းမူတည်နေ တာဆို တော့ စျေးကလည်းကျနေတယ်

မြန်မာ့ကြက်သွန်နီကို နယ်စပ်လမ်းကြောင်းမှ တင်ပို့မှုမှာလည်းလည်း ယခုတစ်ပတ်အတွင်းနည်းပါး နေကြောင်း အဆိုပါအသင်းမှ သိရပါတယ်။

မြန်မာ့ကြက်သွန်စျေးနှုန်းမှာ ကြက်သွန်နီအကြီးတစ်ပိဿာကို ၈၀၀ ကျပ်ဝန်းကျင်နဲ့ ကြက်သွန်နီ အသေးတစ်ပိဿာကို ၆၅၀ ကျပ်ဝန်းကျင်သာရှိကြောင်းလည်း မြန်မာနိုင်ငံကြက်သွန်နီ ၊ ကြက်သွန်ဖြူ နှင့်စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

( ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့် )