အပြည်ပြည်ဆိုင်ရာလူငယ်များနေ့ ဂုဏ်ပြုခြင်း

၂၀၂၃ ခုနှစ် အပြည်ပြည်ဆိုင်ရာ လူငယ်များနေ့ဆောင်ပုဒ် “Green Skill for Youth: Towards a Sustainable World” အရ USAID မှ ပံ့ပိုးသည့် ဝင်ငွေတိုးငါးမွေးမြူရေးစီမံကိန်းအနေဖြင့် အပြည်ပြည်ဆိုင်ရာလူငယ်များနေ့အထိမ်းအမှတ်ကို ၁၅ နှစ် မှ ၂၄ နှစ် အသက်အရွယ်ရှိ လူငယ် ၂၀ ဦးနှင့်အတူ ယန်းမွန်းရွာ မိုင်းယောင်းမြို့တွင် နေ့တဝက်တာအခမ်းအနား ဂုဏ်ပြုကျင်းပရန် စီစဉ်ထားသည်။

နေ့တစ်ဝက်တာ သင်တန်းပေးခြင်းကဏ္ဍတွင် “SDG Goals” စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်ပန်းတိုင်များ မိတ်ဆက်ခြင်း၊ ခေါင်းဆောင်မှုပြုသည့်အပိုင်းများ၊ ကျား/မ တန်းတူညီမျှမှုနှင့် လူတိုင်းတန်းတူအခွင့်အရေး ရရှိရေးအပိုင်းများ နှင့် လူငယ်များအနေဖြင့် “Green Transaction” ပတ်ဝန်းကျင်အရေးကိစ္စများ၌ အကျိုးပြုဆောင်ရွက်မှုများတွင် မိမိတို့၏အနာဂတ်အိမ်မက်များကို မည်သို့အကောင်အထည်ဖော်လိုသည် စသည့် လူငယ်များ၏ သြဘာစကားများကို စုဆောင်းခြင်းအပိုင်းများ ပါဝင်သည်။

အပြည်ပြည်ဆိုင်ရာလူငယ်များနေ့ ဂုဏ်ပြုကျင်းပခြင်းသည် လူငယ်များ၏အသိပညာ နှင့် စွမ်းဆောင်ရည်များကိုတိုးပွားစေပြီး “Green Transaction” ပတ်ဝန်းကျင်အရေးကိစ္စများ၌ အကျိုးပြုဆောင်ရွက်မှုများတွင် သူတို့၏ဘဝများကို လိုက်လျောညီထွေအောင် ကျင့်ကြံနေထိုင်နိုင်မည်ဖြစ်သည်။ ထို့အပြင် လူငယ်များသည် ကမ္ဘာကြီးကိုပြောင်းလဲနိုင်စွမ်းနှင့် ၎င်းတို့၏အနာဂတ်ကို လွမ်းမိုးနိုင်စွမ်းရှိခြင်းကြောင့် လူငယ်များထံမှ သြဘာစကားများသည် ၎င်းတို့ကို အခြားသော နိုင်ငံတကာအသိုင်းအဝိုင်းများနှင့် ဆက်သွယ်ချိတ်ဆက်နိုင်ရန် အကူအညီပေးနိုင်မည်ဟု အခိုင်အမာယုံကြည်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။