လျှော်ဖြူခြံ တည်ထောင်တော့မယ်ဆိုရင်

Green Way • Greenovator • 04/04/2018

လျော်ဖြူခြံများ တည်ထောင်ရာတွင် မြေနေရာရွေးချယ်မှုနှင့် ပါတ်သက်၍ ဝိဝါဒကွဲပြားမှု ရှိနေမည်ဖြစ်ပါသည်။အလွန်ဆိုးဝါးသောမြေနှင့် ရေဝပ်ဒါဏ် မခံနိုင်ခြင်းမှအပ ဇီဇာမကြောင်သော သစ်ပင်ဖြစ်ခြင်းကြောင့် တော်ရုံမြေအမျိုးအစားတွင် ဖြစ်ထွန်းသည် ဆိုသော်လည်း စိုက်ပျိုးသူ၏ ငွေကြေးသုံးစွဲနိုင်မှု နှင့်စဉ်းစားချင်ချိန်နိုင်မှု အပေါ်မူတည်၍ အဆုံးအဖြတ် ပေးသွားမည်ဖြစ်ရာ တန်ကြေးမြင့်မားခြင်း နိမ့်ကျခြင်းတို့သည် လမ်းပန်းဆက်သွယ်ရေး မြေအမျိုးအစား ရာသီဥတု ရေရရှိမှု စသော ကောင်းမွန်မှု ဆိုးဝါးမှုတို့အား အဆုံးအဖြတ် ပေးသွားမည်ဖြစ်ပါသည်။

မည်သူမဆို လမ်းပန်းဆက်သွယ်ရေး ရေ၊ မြေ၊ ရာသီဥတု ကောင်းမွန်သောနေရာတွင်သာ စိုက်ပျိုးလိုကြမှာပါ။ဒါပေမဲ့ ကိုယ်နိုင်သောဝန်နှင့်ချင့်ချိန် လုပ်ရတာဆိုတော့ မိမိနှင့် ကိုက်ညီသောမြေကိုသာ ရွေးချယ်စိုက်ပျိုးပြီး လျော်ဖြူနှင့်ထိုက်တန်သော ပြုစုထိန်းသိမ်းမှု လုပ်ရတော့မှာလေ လျော်ဖြူက အကြမ်းဒါဏ်ခံ ဇီဇာမကြောင်သော သစ်ပင်ဆိုတာ အမြဲအမှတ်ရ နေရန်လိုပြီး သူကို ပျော့ညံ့သွားအောင် ဇီဇာကြောင် မသွားအောင် မလုပ်ရန်လိုအပ်ပါတယ်။

မိမိပုဂ္ဂလိကအမြင် အယူအဆအရ ပြောရပါလျင် လျော်ဖြူသည် တန်ဘိုးမြင့်မားသော သစ်ပင်ထဲတွင် ထည်သွင်းခြင်း မပြုသင့်သေး၍ မပါဝင်သေးသောကြောင့် သူနှင့်တန်သော စိုက်ပျိုးမြေ ပြုစုထိန်းသိမ်းမှုကိုသာ လုပ်သင့်သည်ဟုမြင်၍ ငွေကြေးရင်နှီးမှု များစွာစိုက်ထုတ်၍ မျော်လင့်ချက် မြင့်မားစွာဖြင့် မလုပ်ဆောင်သင့်ဘဲ အတိုင်းအတာ တစ်ခုအနေဖြင့်သာ မျော်မှန်း လုပ်ဆောင်သင့်သည်ဟု အကြံပြုလိုပါသည်။

မျော်လင့်ချက် များစွာထား၍ ကုန်ကျစရိတ်များစွာ အကုန်အကျခံ လုပ်ဆောင်ခဲ့သော်လည်း မျှော်လင့်သည့် အတိုင်း ဖြစ်မလာခဲ့သော သစ်ပင်များ သီးနှံများ လုပ်ငန်းများ မိမိတို့ကြုံတွေ့ခဲ့ဘူးကြသည်မဟုတ်ပါလား။ ဒီတွင်ပြောစရာ အချို့ရှိလာနိုင်ပါသည် မိမိစိုက်သောသစ်ပင်မှ ထွက်ကုန်သည် လက်ရှိစျေးနှုန်း မြင်မားနေပြီး အဖိုးတန်သစ်ပင်မို့ ငွေကြေးများများ စိုက်ထုတ်ရင်းနှီး မည်ဆိုသော အတွေးနှင့်ပြောကြမှာပါ။

မိမိအနေဖြင့်ပြောလိုတာကတော့ ယခု တစ်နေ့လျှင် သိန်းချီ၍ ဝင်ငွေရနေသော လျော်ဖြူခြံပိုင်ရှင်များသည် စတင်စိုက်ပျိုးချိန်က မိမိစိုက်သည့်ခြံမှ တစ်ပင်လျင် (၁ကျပ်သား)နှုန်း အပင်(၁၀၀)စိုက်လျင် တစ်ပိဿာထွက်တစ်ပိဿာလျှင်(၁၀၀၀၀ကျပ်)စျေးနှင့် မျော်မှန်း တွက်ချက်ပြီး စိုက်ခဲ့ကြတာပါ။ ဒါပေမဲ့ အကျိုးခံစားမှုက ယခုတော့ ဆထက်တန်ဘိုး မြင့်မား၍ နေသည်ကို တွေ့ရပါတယ်။ အစေးစျေးနှုန်းကလည်း မြင့်လားလာတာကိုး။

ထိုသူများအနေဖြင့်လည်း ထိုက်သင့်သော တွက်ချက်မျှော်မှန်းမှုနှင့် လုပ်ဆောင်ခဲ့ခြင်းကြောင့် မလိုအပ်သော အသုံးစရိတ်များ မသုံးစွဲခြင်း သစ်ပင်နှင့်ကိုက်ညီ သင့်လျော်သော ပြုစုထိန်းသိမ်းမှုကိုသာ လုပ်ဆောင်ခဲ့ခြင်းကြောင့်သစ်ပင်များသည်ကြံခိုင်နေပြီး ဒေသ၏ ရေမြေရာသီဥတုနှင့် တစ်သားတည်းဖြစ်နေခြင်းကလည်း ပြုစုထိမ်းသိမ်းမှု အပါအဝင် ကုန်ကျစရိတ်နည်းပါးပြီး အမြတ်အစွန်း ပိုမိုရရှိစေတာပါ။

ဒီတော့ သင်သာ လျော်ဖြူစိုက်ပျိုးမည့်သူ စိုက်ပျိုးနေသူသာဆိုလျင် သစ်ပင် အကျင့်ပျက်အောင် လျော်ဖြူနှင့်မကိုက်ညီသော သာလွန်မြင့်မားသော ပြုစုထိန်းသိမ်းမှုအားလုပ်ဆောင် သွားမည်လားဆိုတာကိုတော့ စဉ်းစားချင့်ချိန် ဆုံးဖြတ်ရန် လိုအပ်ပေမည်။ ငွေကြေးတတ်နိုင်သူများကတော့ လုပ်နေမယ်လို့ ယုံကြည်ပါတယ်။လျော်ဖြူနှင့်ဆန့်ကျင်ဘက် အမြတ်အစွန်းများသည်ဟု ကျော်ကြားခဲ့သော ကျော်ကြားသော သစ်ပင်များ သီးနှံများအား စိုက်ပျိုးသူတို့သည် လက်ရှိ လျော်ဖြူအစေး အများအပြား ထုတ်လုပ်နေသော ခြံပိုင်ရှင်များလောက် အကျိုးအမြတ်ရနေပါသလား ရနိုင်မည်လား။ မရရှိပါ မရနိုင်ပါလို့ပြောပါရစေ။

အဘယ်ကြောင့်နည်း

တန်ဖိုးမြင့်သစ်ပင်များအတွက် ရင်နှီးမြုပ်နှံမှု၊ ပံ့ပိုးမှု၊ ပြုစုထိမ်းသိမ်းမှု အတွက် ကုန်ကျစရိတ်များက မြင့်မားနေလို့ပါ။တန်ဖိုးမြင့်သစ်ပင်စိုက်ပျိုးသည် ဆိုတော့လည်း လမ်းပန်းဆက်သွယ်ရေး ရာသီဥတု မြေအမျိုးအစား ရေရရှိမှု အခြေခံ အဆောက်အဦး၊ စက်ယန္တယား၊ ဝန်ထမ်း၊ လုပ်သား အပြည့်အစုံ နှင့် လုပ်ဆောင်ရမည်ဖြစ်သလို ထိုက်သင့်သော ပြုစုထိန်းသိမ်းမှု လုပ်ရမှာပင်။ ဒီလို ရင်းနှီးမြုပ်နှံမှု များများဖြင့် အမြတ်အစွန်းများများရရန်မျော်လင့်ချက် မြင့်မားစွာဖြင့် လုပ်ဆောင်ခဲ့သော်လည်း ထင်သလိုဖြစ်မလာ၊ ရမလာ ဖြစ်လာ ရလာတာကတော့ အမြတ်အစွန်းနည်းခြင်းနဲ့ ရှုံးနိမ့်ခြင်းပါဘဲ။ ဒီတော့ အချို့စိုက်ပျိုးသူများ စိုက်ပျိုးရေးလောကမှ စောစီးစွာ စွန့်ခွာသွားရခြင်းပါ။

စိုက်ပျိုးရေး ဆိုသည်မှာကား သချင်္ာနည်းဖြင့် တွက်၍မရဘူး ဆိုတာကို တကယ်စိုက်ပျိုးရေး လုပ်လာလျှင် သိလာပါလိမ့်မည်။ ဒီတော့ လျော်ဖြူစိုက်ပျိုး ထုတ်လုပ်မှုလုပ်ငန်းတွင် ငွေကြေးရင်နှီးမှု များစွာလိုအပ်သလား။ မလိုအပ်ဘူးဆိုတာ ခွဲခြားသိမြင်နိုင်ပြီလို့ ယုံကြည်ယူဆရင်း……..

ဦးသက်လွင်(ထန်းညီနောင်ပျိုးဥယျာဉ်)

စိုင်းမြလှိုင်

လွန်ခဲ့သော ၅ နှစ် က

လျော်ဖြူပင်များလူ့တစ်ရပ်နည်းပါးရောက်နေပါပြီ။ အပင်အားဆေးများထဲ့ပေးရန်လိုမလိုပြန်ကြားပေးစေလိုပါသည်ခင်ဗျာ

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

Trichoderma ကိုမတ်ပဲအတွက်သုံးချင်လို့အဆင့်အဆင့်သုံးရမယ့်နည်းလမ်းသိချင်လို့ပါဆရာသူ့ရဲ့အကျိုးပြုပုံလေးလည်းသိချင်လို့ပါဆရာ

Zaw Than Oo • ဖြေကြားချက် 1 ခု

ခရမ်းချဉ်ပျိုးတာ5ရက်ရှိပြီအမင်မပေါက်လာသေးလို့ဆရာ/မျှားနီတံဆိပ်

Zaw Than Oo • ဖြေကြားချက် 1 ခု

GW11ကိုတဧကဘယ်နတင်းလောက်ကျဲပတ်ရင်ကောင်းမလဲအချိုကပါးပါးကျဲရင်စပါးအရန ည်းတယ်ဆိုတာဟုပ်ပါသလားခင်ဗျား။

U Win Zaw • ဖြေကြားချက် 1 ခု

ဒီနှစ်နွေစပါးအတွက် အယ်နီညိုရှိတော့ မျိုး‌စပါးအတွက်။ ဆာဖိုးသာနဲ့ Gw11 ဘယ်မျိုးထည့်ရင် ကောင်းနိုင်လဲဆရာ

Nwe Nwe aung • ဖြေကြားချက် 5 ခု

ခရမ်းချဉ်မျိုးစေ့က ဘယ်နှစ်ရက်ဆို အပင်ပေါက်ပါသလဲ ? ကြက်ဟင်းခါး ငရုပ်လည်းဖြေပေးပါအုံး သိနားလည်သောဆရာများ ခင်ဗျာ

စောတိုးသူဝင်း • ဖြေကြားချက် 2 ခု

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ

နောက်ဆုံး ဆောင်းပါးများ