လုပ်ငန်းရှင်တစ်ဦးလျှင် ဝါးစိုက်ပျိုးရန်အတွက် ဧက ၁၀၀ အထိ လျှောက်ထားနိုင်

ဝါးစိုက်ပျိုးလိုပါက လုပ်ငန်းရှင် တစ်ဦးလျှင် ဧက ၁၀၀ အထိ လျှောက်ထားနိုင်ကြောင်း သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာန တာဝန်ရှိသူ တစ်ဦးထံမှ သိရသည်။

ဝါး သယံဇာတသည် ကျေးလက်နေ ပြည်သူများအတွက် များစွာ အထောက်အကူပြုသည့်အတွက် ပြည်တွင်း၌ ဝါး စိုက်ပျိုးရေး လုပ်ငန်းအောင်မြင်စေရန် နိုင်ငံတော် အစိုးရမှ ဦးဆောင်၍ ပြည်ပ အဖွဲ့အစည်းများနှင့် ပူးပေါင်းကာ ဆောင်ရွက်လျက်ရှိကြောင်း သိရသည်။

 ထိုသို့ ဆောင်ရွက်ရာတွင် ဝါးသယံဇာတ အစဉ်မပြတ် အသုံးချနိုင်ရေးအတွက် ဝါးပျိုးထောင် စိုက်ပျိုးရန် စီမံခန့်ခွဲခြင်းဆိုင်ရာ အထောက်အကူပြု သင်တန်းများကို သစ်တောဦးစီးဌာနက ဖွင့်လှစ်ပေးပြီး ဒေသခံ တောင်သူများကို အသိပေးပြောကြားခြင်း ရှိကြောင်းလည်း သိရသည်။

ထို့ပြင် မြန်မာနိုင်ငံ ကြိမ်နှင့် ဝါးလုပ်ငန်းရှင်များ အသင်းကလည်း နိုင်ငံတကာ အဖွဲ့အစည်းများနှင့် ပူးပေါင်း၍ အဆင့်မြင့် ဝါးပစ္စည်း ထုတ်ကုန်များ ထုတ်လုပ်နိုင်ရေးအတွက် နည်းပညာ လိုအပ်ချက်များအပြင် စျေးကွက် ရှာဖွေခြင်းများကိုလည်း ကူညီဆောင်ရွက်လျက် ရှိသည်။

၀ါးစိုက်ပျိုးခြင်းဖြင့် ပြည်သူများ ဝင်ငွေ ရရှိနိုင်သကဲ့သို့ ကမ္ဘာကြီးကို ပူနွေးစေသည့် ကာဗွန်ဒိုင်အောက်ဆိုဒ် ဓာတ်များကိုလည်း ဝါးများက စုပ်ယူနိုင်ဆုံးဖြစ်သည့်အတွက် သဘာဝ ပတ်ဝန်းကျင် ဂေဟစနစ်ကိုပါ ထိန်းသိမ်းရာ ရောက်ကြောင်း ပြောကြားခဲ့ပါသည်။

အစိမ်းရောင်လမ်း စိုက်ပျိုးရေး ဖုန်းဆော့ဝဲလ် (Green Way Mobile App)

Source:ျမ၀တီ