နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 846

ကုလားပဲတွင် ကျရောက်တတ်သော ရောဂါများ

Green Way • ACARE • 28/11/2018

၁။ ကုလားပဲ ဖျူဆေရီယမ်ပင်ညိုးရောဂါ

ရောဂါလက္ခဏာ

- ဤရောဂါသည် Fusarium oxysporum f.sp. Ciceri ဟု ခေါ်သော မှိုတစ်မျိုးကြောင့်ဖြစ်ပြီး အပင်၏ ကြီးထွားမှု အဆင့်တိုင်းတွင် ကျရောက်နိုင်သည်။

- ရောဂါကျရောက်ပါက ကွင်းထဲတွင် အကွက်လိုက် ခြောက်နေသည်ကို တွေ့ရသည်။

- အရွက်များစတင်ဝါလာပြီး တဖြည်းဖြည်း ခြောက်လာကာ နောက်ဆုံးတွင် တစ်ပင်လုံး ခြောက်ပြီး သေသွားသည်။

- ပင်စည်အတွင်းသားကို ဖြတ်ကြည့်ပါက အညိုရောင်ပြောင်းနေသည်ကို တွေ့ရသည်။

ကာကွယ်နှိမ်နှင်းနည်းများ

- မစိုက်ပျိုးမီ မျိုးစေ့ ၁ ကီလိုဂရမ်ကို ကာဘမ်ဒဇင်း မှိုသတ်ဆေး ၂.၅ ဂရမ်ဖြင့် လူးနယ်စိုက်ပျိုးပါ။

- ရောဂါဆိုးဆိုးရွားရွားကျရောက်ထားသော ကွင်းများတွင် ၃ နှစ်မှ ၄ နှစ်အထိ ကုလားပဲ မစိုက်ဘဲ အခြားသီးနှံများ စိုက်ပျိုးပါ။

၂။ ကုလားပဲ ပင်စည်ပုပ်ရောဂါ

ရောဂါလက္ခဏာ

- ဤရောဂါသည် Sclerotinia sclerotiorum ဟု ခေါ်သော မှိုတစ်မျိုးကြောင့် ဖြစ်သည်။

- ဝါဂွမ်းကဲ့သို့ အဖြူရောင်မှိုမျှင်အစုအဝေးများကို မြေကြီးနှင့် နီးသည့် ပင်စည်အခြေပိုင်းတွင် စတင်တွေ့ရှိရပြီး နောက်ပိုင်းတွင် အညိုရင့်ရောင့်၊ အနက်ရောင်မှိုမျှင်လုံးလေးများကို တွေ့ရသည်။

- ရောဂါတိုက်ခိုက်ခံရသည့် အပင်သည် စတင်ဝါလာပြီး တဖြည်းဖြည်းအညိုရောင်ပြောင်းကာ နောက်ဆုံးတွင် အပင်ပုတ်ပြီး သေသွားသည်။

ကာကွယ်နှိမ်နင်းနည်းများ

၁။ စိုက်ပျိုးမည့်မြေတစ်ဟက်တာလျှင် ကပ်တန်နှင့် ဘရာစီကော မှိုသတ်ဆေးအရော ၁၀ ကီလိုဂရမ် အသုံးပြုနိုင်သည်။

၂။ ထယ်နက်နက်ကို ပေးရမည်။

၃။ ရိတ်သိမ်းပြီးနောက် ချန်မထားဘဲ မီးရှို့ဖျက်ဆီးပေးရမည်။

၃။ ကုလားပဲ မီးခိုးရောင်မှိုရောဂါ

ရောဂါလက္ခဏာ

- ဤရောဂါသည် Botrytis cineria ဟု ခေါ်သော မှိုတစ်မျိုးကြောင့်ဖြစ်သည်။

- ပင်စည်၊ အကိုင်း၊ အရွက်၊ အပွင့်တို့တွင် အညိုရောင် အနာကွက်များ စတင်ဖြစ်ပေါ်လာပြီးရောဂါဆိုးရွားလာပါက ၎င်းအနာကွက်များပေါ်တွင် မီးခိုးရောင်မှိုမျှင်များကို တွေ့ရသည်။

- နောက်ဆုံးတွင်ပင်စည်သည် အက်ကွဲလာကာ အပင်သေသွားသည်။

ကာကွယ်နှိမ်နင်းနည်း

- ၀.၂% ကာဘမ်ဒဇင်းမှိုသတ်ဆေးဖျန်းပေးပါ။

၄။ ကုလားပဲ သံချေးရောဂါ

ရောဂါလက္ခဏာ

- ဤရောဂါသည် Uromyces cicer arietini ခေါ်သော မှိုတစ်မျိုးကြောင့်ဖြစ်သည်။ သေးငယ်သော ဘဲဥပုံစံ အညိုရင့်ရောင် အဖုလေးများကို အရွက်အောက်မျက်နှာပြင်တွင် တွေ့ရသည်။

- နောက်ပိုင်းတွင် ၎င်းအဖုလေးများသည် အနက်ရောင်ပြောင်းသွားသည်။

- ထို အနက်ရောင်အဖုလေးများကို ကိုင်းများနှင့် အသီးတောင့်များတွင်လည်း တွေ့ရတတ်သည်။

ကာကွယ်နှိမ်နင်းနည်း

- ရောဂါစတင်တွေ့ရှိပါက ၀.၂ % မန်ကိုဇက်မှိုသတ်ဆေးကို ၁၀ ရက်လျှင် ၁ ကြိမ်နှုန်းဖြင့် ၂ ကြိမ် သို့မဟုတ် ၃ ကြိမ် ဖျန်းပေးပါ။

၅။ ကုလားပဲ အက်စ်ကိုခိုက်တာ ပင်ခြောက်ရောဂါ

ရောဂါလက္ခဏာ

- ဤရောဂါသည် Ascochyta rabiei ဟုခေါ်သော မှိုတစ်မျိုးကြောင့် ဖြစ်ပြီး အမြစ်မှလွဲ၍ အပင်အစိတ်အပိုင်းအားလုံးကို တိုက်ခိုက်သည်။

- ရောဂါကျရောက်နေပါက အရွက်၊ ပင်စည်၊ အကိုင်းနှင့် သီးတောင့်များပေါ်တွင် ဝါညိုရောင်လုံးဝန်းသည့် အပြောက်လေးများတွေ့ရကာ ရောဂါဆိုးရွားလာပါက အညိုရင့်ရောင် ပြောင်းသွားပြီး အပင်ခြောက်သွားသည်။

ကာကွယ်နှိမ်နင်းနည်းများ

၁။ မစိုက်ပျိုးမီ မျိုးစေ့ ၁ ကီလိုဂရမ်ကို သိုင်ရမ် သို့မဟုတ် ကာဘမ်ဒဇင်း မှိုသတ်ဆေး ၂.၅ ဂရမ်ဖြင့် လူးနယ်စိုက်ပျိုးပါ။

၂။ (၃) နှစ်တစ်ကြိမ် သီးလှည့်စိုက်ပျိုးပါ။

၆။ ကုလားပဲ ဖားဥမှို (နှင်းမှုံ) ရောဂါ

ရောဂါလက္ခဏာ

- ဤရောဂါသည် Oidiopsis taurica ဟု ခေါ်သော မှိုတစ်မျိုးကြောင့် ဖြစ်ပြီး အပင်အစိတ်အပိုင်းအားလုံးကို တိုက်ခိုက်သည်။

- ရောဂါစတင်ကျရောက်ပါက အရွက်ပေါ်တွင် အဖြူရောင် မှိုအစုအဝေးများကို တွေ့ရပြီး ဆိုးရွားလာပါက ၎င်းမှိုအဖြူရောင်များသည် ပင်စည်နှင့် သီးတောင့်များတွင် ကူးစက်သွားက အပင်တစ်ပင်လုံး အဖြူရောင်လွမ်းသွားသည်။

ကာကွယ်နှိမ်နင်းနည်းများ

၁။ စိုက်ပျိုးမည့်ကွင်းကို သန့်ရှင်းရေး စနစ်တကျ လုပ်ပါ။

၂။ ဒိုင်သိမ်း အမ်- ၄၅ သို့မဟုတ် ကာဘမ်ဒဇင်းကို ရေ ၁ လီတာလျှင် ၂.၅ ဂရမ်နှုန်း ဖျန်းပေးသင့်သည်။

Source - ACARE

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ကုလားပဲတွင်ဖြစ်ပေါ်တတ်သောရောဂါများ

ဆက်စပ်ဆောင်းပါးများ

ပိုးမွှားရောဂါ

ဂန္ဓမာရွက်ပြောက်ရောဂါ ကာကွယ်ကုသနည်းများ

Thein Soe Min

ပိုးမွှားရောဂါ

ဖျက်ပိုးတွေက တကယ်ပဲ ပိုးသတ်ဆေးတွေကို ယဉ်ပါးလာနိုင်တာလား?

ဇင်ထူးနိုင်

ပိုးမွှားရောဂါ

တစ်ညတည်း တံစဉ်နဲ့ ရိတ်ထားသလို ကိုက်ဖြတ်စားသောက်နိုင်တဲ့ စပါးငမြှောင်တောင်

Thar Po

နည်းပညာမိတ်ဖက်အဖွဲ့

ACARE

 ဖွံ့ဖြိုးဆဲနိုင်ငံများတွင် သုတေသနလုပ်ငန်းများ လုပ်ဆောင်ရန်အတွက် ရည်ရွယ်ပြီး စီမံကိန်းကို အကောင်ထည်ဖော်ဆောင်ရွက်နေပါသည်။ ဗီဇအရင်းအမြစ်များဖွံ့ဖြိုးမှု၊ ရိတ်သိမ်းချိန်လွန်နည်းပညာ၊ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှုနှင့် စွမ်းဆောင်မြှင့်တင်ခြင်းဆိုင်ရာ အရေးပါသည့် နယ်ပယ် လေးခု ဖွံ့ဖြိုးတိုးတက်ရန်နှင့် ဘွဲ့လွန်ပညာရေး အရည်အသွေးတိုးတက်လာစေရန် ရည်ရွယ်ပါသည်။ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှု အစီအစဉ်သည် တောင်သူများနှင့် တောင်သူကဏ္ဍနှင့် ပါဝင်ပတ်သက်နေသူများထံ အကျိုးရှိသည့် အသုံးချနည်းပညာရပ်များ ထိထိရောက်ရောက် ပြန်နှံ့သွားစေမည့် လုပ်ဆောင်များ အကောင်အထည်ဖော် ဆောင်ရွက်နေပါသည်။ အကျိုးပြုနည်းပညာရပ်များနှင့် သတင်းအချက်အများကို ရပ်ရွာတွင်ထားရှိသည့် ကွန်ပျူတာဖန်သားပြင်နှင့် ဖုန်းအက်ပလီကေးရှင်းမှ တောင်သူများအလွယ်တကူ ရရှိစေမည် ဖြစ်ပါသည်။ စိုက်ပျိုးထုတ်လုပ်ရေးနှင့် အထွက်တိုးရေး၊ ထိရောက်သည့် ရိတ်သိမ်းချိန်လွန် စီမံခန့်ခွဲမှု၊ အများပူးပေါင်းပါဝင်နိုင်သည့် ဗဟုသုတ စီမံခန့်ခွဲမှုမှတစ်ဆင့် နည်းပညာဖြန့်ဖြူးရေး၊ ဘွဲ့လွန်ပညာရေးမှတစ်ဆင့် စွမ်းဆောင်ရေ မြှင့်တင်ရေး၊ တက္ကသိုလ်ပညာသင်ကြားရေး စသည်တိုတွင် အရေးပါသည့် အခန်းကဏ္ဍမှ ပါဝင်ဆောင်ရွက်လျက်ရှိသည်။ ထိုလုပ်ဆောင်ချက်များမှ မြန်မာနိုင်ငံအတွက် တောင်သူများ စိုက်ပျိုးထုတ်လုပ်မှုမြှင့်ခြင်း၊ စိုက်ပျိုးရေးမှ ဝင်ငွေများ တိုးပွားလာခြင်း၊ အလုပ်အကိုင်အခွင့်လမ်းများ တိုးပွားလာခြင်း နှင့် စွမ်းဆောင်ရည် ပြည့်ဝသည့် စိုက်ပျိုးရေးပညာရှင်များ မွေးထုတ်ပေးရန် များစွာအထောက်အကူပြုလာမည် ဖြစ်ပါသည်။

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏

bominthu • ဖြေကြားချက် 2 ခု

အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ

JohnSaw • ဖြေကြားချက် 1 ခု

အဲတာဘာဖြစ်တာလဲ ဘာရောဂါလဲ ဟိုမဟုတ်ဘာပိုးကျတာလဲ ကွမ်းရွက်အောက်တေမှား အဖြူဥလေတွေ အမဲဥလေတွေ အဲလိုတေဖြစ်နေတာဘာကြောင်ဖြစ်တာ လဲ ဘာဆေးတေသုံးရင်အဆင်ပြေနိုင်မလဲ ဖြေခဲ့ပေပါအုံးဆရာတို🙏🙏🙏

Aung Ko Min • ဖြေကြားချက် 2 ခု

ခရမ်းချဉ်ပင် စိမ်းညှိုးနေလို့ နှုတ်ကြည့်တာ အမြစ်ကအခေါက်ကွာနေတယ် ဘာဖြစ်တာလဲဗျ

Nga Chan • ဖြေကြားချက် 3 ခု

ဆရာ ခရမ်းချဥ်ပထမ ပုံလေးကြည့်ပေးပါအူးဆရာ အပင် ၄၀၀ ကျော်မှအဲ့တစ်ပင်ပဲအလိုဆရာ ဆရာ အရင် ၄ ရက်က ဒိုင်ဇီနဲ့ ဆိုင်ပါမီသရင် ဖျန်းတယ် ဒီနေ့ ၁ ။ ခရမ်းချဥ်အတွက် အမိုင်နို 3 ဇွန်း မင်းသား 5 ဇွန်း ဗုံးစူပါ 2 ဇွန်း ၂ ။ ပဲတောင့်ရှည်မှာလဲ ပွင့်ထွေးနဲ့လှေးတွေ့ရလို့ အမိုင်နို 3 ဇွန်း ကယ်စီပလပ် ၅ ဇွန်း ဗုံးစူပါ 2 ဇွန်း ၃ ။ ခရမ်းခေါင်းအတွက် အမိုင်နို ၂ ဇွန်း ကယ်စီပလပ် ၅ ဇွန်း ဗုံးစူပါ ၃ ဇွန်း ဖျန်းခဲ့ပါတယ်ဆရာ ခရမ်းခေါင်းမှာ သီးလုံးဖောက်လေးတွေအနည်းငါ်ထပ်တွေ့ရလို့ပါခင်ဗျ အရင်ကထက်စာရင် နည်းနည်းပဲကျန်ပါတော့တယ်ဆရာ အပင်တွေကလဲ ရောဂါကင်းတယ်လို့ ထင်မိပါတယ်ဆရာ ကြည့်ပေးပါအူးဆရာ ဆရာတို့နဲ့တွေ့ခွင့်ရတာ တကယ့်ရွှေပါပဲခင်ဗျ ပင်ပန်းသမျှ အမောတွေပြေပါတယ်ခင်ဗျ ဗုံးစူပါ Ai နှစ်ခုက ဘာတွေအတွက်ကောင်းလဲဆရာ အချိန်းရရင်ရှင်းပြပေးပါအူးဆရာ ကျေးဇူးပါဆရာ့

U Yan • ဖြေကြားချက် 2 ခု

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ

နောက်ဆုံး ဆောင်းပါးများ