သီးထိုးယင်ထောင်ချောက် ဘယ်လိုလုပ်ကြမလဲ

သိမ့်ဇာ • Greenovator • 08/08/2019

သီးထိုးယင်လို့ပြောလိုက်တာနဲ့ သိပြီးသားသူတွေလည်းရှိသလို ပျားလိုလို အကောင်လေးမို့ သီးနှံတွေဖျက်ဆီးတတ်တဲ့အကောင်လို့ မထင်မိတဲ့သူတွေလည်းရှိမှာပါ။ အသီးက အပြင်ကကြည့်ရင်တော့အကောင်း၊ ခွဲကြည့်လိုက်မှ အထဲမှာ လောက်ကောင်တွေတွေ့နေရပြီဆို သေချာပြီ။ သီးထိုးယင်ရဲ့လက်ချက်ပါ။

အသီးကိုထိုးခဲ့ပြီး သားလောင်းလေးက အသီးထဲမှာ ကြီးလာ၊ အကောင်ကြီးအဆင့်ရောက်ခါမှ အပြင်ထွက်တော့ သီးနှံက ပျက်စီးပြီးကျန်ခဲ့ရပါတယ်။ အကောင်ကြီးအဆင့်တွေကိုက အဓိကထိန်းချုပ်နိုင်မှ သီးထိုးယင်ရဲ့အန္တရာယ်ကို ကာကွယ်နိုင်မှာဖြစ်ပါတယ်။ အကောင်ကြီးတွေက အပင်မှာ တရားသေရှိနေတဲ့ အကောင်တွေမဟုတ်လို့ ဆေးဖြန်းလို့လည်းမရပါဘူး။ ဒီတော့ ထောင်ချောက်လုပ်မှသာ အဆင်ပြေတာပါ။ ထောင်ချောက်လုပ်နည်းတွေကတော့ အမျိုးမျိုးရှိပါတယ်။ ကိုယ့်သီးနှံ၊ ကိုယ့်စိုက်ခင်းနဲ့ အဆင်ပြေမယ့်ပုံစံကို ရွေးချယ်ပြုလုပ်နိုင်ပါတယ်။

ဘာနဲ့ထောင်ချောက်လုပ်မှာလဲ

သီးထိုးယဉ်တွေ ကျွန်မတို့ရဲ့သီးနှံတွေကိုလိုက်ထိုးကြတာ ဥ အုဖို့ပါ။ဥ ဥဖို့အတွက် အကောင်တို့ရဲ့သဘာဝ မိတ်လိုက်ကြပါတယ်။ ဒီအချက်ကိုသုံးပြီး ထောင်ချောက်လုပ်တာပါ။ မိတ်လိုက်တဲ့အခါမှာ သူတို့အချင်းချင်း အနံ့နဲ့ဆွဲဆောင်ကြပါတယ်။ ဒီအနံ့ထည့်ထားပြီး ထောင်ချောက်လုပ်ခြင်းဖြစ်ပါတယ်။ အဝါရောင်ရှိတဲ့အရာတွေကိုလည်း သူတို့က မက်မောကြပါသေးတယ်။ ဒါ့ကြောင့် ထောင်ချောက်ပုံစံ (၂)မျိုးလုပ်လို့ရပါတယ်။

နည်းလမ်း ၁။ အဝါရောင်ကပ်ခွာ ထောင်ချောက်

ပိုးကပ်ကော်လို့လည်း တစ်ချို့ဒေသတွေမှာခေါ်ကြပါတယ်။ စျေးကွက်ထဲမှာလည်း ဒီနာမည်နဲ့မေးဝယ်လို့ရပါတယ်။ မရနိုင်တဲ့အဆုံး အဝါရောင်တိတ်တွေကိုအသုံးပြုကြည့်ပါ။

နည်းလမ်း ၂

• ရေသန့်ဘူးခွံရဲ့ ၃ပုံ ၁ ပုံကနေ ထက်ပိုင်းဖြတ်လိုက်ပါ။

• သွပ်နန်းကြိုးနဲ့ ပလပ်စတစ်ဘူးခွံကို ဖောက်လိုက်ပြီး ချိတ်စရာလုပ်လိုက်ပါ။

• ပလတ်စတစ်ဘူးခွံထဲမှာရှိတဲ့ သွပ်နန်းကြိုးရဲ့ထိပ်မှာတော့ သီးထိုးယ်ကိုဆွဲဆောင်မယ့်ဆေးရည် (Methyl eugenol) တို့ထားတဲ့ ဂွမ်းစတစ်ခုခုကို ထားလိုက်ပါ။

• ပလတ်စတစ်ဘူးရဲ့ဘေးပတ်လည်မှာ ပိုးကောင်ဝင်နိုင်လောက်မယ့် အပါက်လေးတွေဖောက်ထားပေးပါ။ ဒါဆိုရင်တော့ အနံ့ရတဲ့ပိုးကောင်တွေ ထောင်ချောက်ထဲဝင်လာဖို့ အဆင်သင့်ဖြစ်ပါပြီ။

• ပိုးကောင်တွေ ပြန်ထွက်မသွားဖို့ကတော့ ဖြတ်ထားတဲ့ ပလတ်စတစ်ဘူးရဲ့အောက်ဘက် ပွင့်နေတဲ့အပိုင်းကို ပလတ်စတစ်အိတ်အကြည်နဲ့စွပ်ပြီး သားရေပင်နဲ့မြဲအောင်ချည်လိုက်ပါ။ ဒါဆိုရပါပြီ။ ဒါကတော့ ချိတ်ဆွဲထားဖို့အတွက်ပါ။

ကိုယ့်အတွေးရှိရင်ရှိသလို ပုံစံအမျိုမျိုးနဲ့လုပ်လို့ရပါတယ်။ ဆေးအလွယ်တကူဝယ်လို့ မရနိုင်ဘူးဆိုရင် ရှာလကာရည်ထဲကို ပန်းကန်ဆေးဆပ်ပြာ အနည်းငယ်ထည့်ပြီး အသုံးပြုနိုင်ပါတယ်။ ရှာလကာရည်ဝယ်ရခက်တယ်ဆိုရင်လည်း အမှည့်လွန်နေတဲ့အသီးတစ်ခုခုကို ထည့်ထားပြီး ဆွဲဆောင်နိုင်ပါသေးတယ်။

သိမ့်ဇာ

ဆက်စပ်ဆောင်းပါးများ

ပိုးမွှားရောဂါ

အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး

ဇင်ထူးနိုင်

ပိုးမွှားရောဂါ

အစိုပုပ်ရောဂါ၏ လက္ခဏာများနှင့် သတိပြုဖွယ်ရာများ

ဇင်ထူးနိုင်

ပိုးမွှားရောဂါ

ဂန္ဓမာရွက်ပြောက်ရောဂါ ကာကွယ်ကုသနည်းများ

Thein Soe Min

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 1 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ကျွန်တော်ပဲတီိစိမ်းအခင်းအပင်တွေညိုးသေနေပါတယ်မြေကြီးကလည်းအလွန်စိုနေပါတယ်ပဲပင်ဆက်မသေအောင်ဘယ်လိုကာကွယ်ကုသရမလဲဆရာ

လက်တွေ့တောင်သူ • ဖြေကြားချက် 1 ခု

ဆင်းသုခစပါးအရွက်တွေအဝါရောင်ဖြစ်နေလို့ပြန်ကောင်းအောင်ဘယ်လိုလုပ်ရမလဲ

Hein Hein Htet • ဖြေကြားချက် 1 ခု

သီးလုံးဖောက်ပိုးနဲ့ ပွင့်ထွေးပိုးကတစ်မျိုးတည်းလား ဘယ်လိုကွာလဲ ဆရာ

Saw Samson • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ