နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် အင်တာဗျူး 13 နိုင်ငံတကာသတင်း 337 အခွင့်အလမ်း 570 စိုက်ပျိုးရေးသတင်း 1801 မိုးလေဝသသတင်း 1749 မွေးမြူရေးသတင်း 344

အာစန်နီ(ARSANI) မုန်တိုင်းအရှိန်ကြောင့် မြန်မာနိုင်ငံအလယ်ပိုင်းဒေသများလည်း မိုးရမည်

Green Way • 08/05/2022

ဘင်္ဂလားပင်လယ်အော်အရှေ့တောင်ပိုင်းတွင် ဖြစ်ပေါ်နေတဲ့ အာစန်နီမုန်တိုင်းဟာ မြန်မာနိုင်ငံကို တိုက်ရိုက်မထိတဲ့အတွက် အရမ်းအန္တရာယ်ကြီးတဲ့အနေအထားမှာတော့ မရှိကြောင်းနဲ့ မုန်တိုင်းအရှိန်ကြောင့် မြန်မာနိုင်ငံ အလယ်ပိုင်းဒေသတွေမှာ မိုးရမှာတော့သေချာတယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ပြောပါတယ်။

“ အခုဖြစ်နေတဲ့မုန်တိုင်းရဲ့ရှေ့ပိုင်းက လေစီးကြောင်း တိမ်တိုက်တွေဝင်လို့ရယ်။ နောက်တစ်ခုက မုန်တိုင်း အကြွင်းအကျန်ပေါ့ဗျာ။ အဲ့ဒီဟာဝင်လို့ရယ်။ နောက် မုတ်သုံလေ လေစီးကြောင်းနဲ့ မုန်တိုင်းအကြွင်းအကျန်နဲ့ ပေါင်းလို့ရယ်။ နည်းလမ်းနှစ်ခုနဲ့ အလယ်ပိုင်းမိုးရွာမှာတော့ သေချာတယ်” လို့ ဦးဝင်းနိုင်က ခန့်မှန်းပါတယ်။

အခုလောလောဆယ်အတွင်း မုန်တိုင်းရဲ့ဗဟိုမှာ လှိုင်းအမြင့်က ၂၂ ပေထိ ရှိပေမယ့် မုန်တိုင်းက တည့်တည့်ဝင်တိုက်ဖို့မရှိတဲ့အတွက် နာဂစ်တုန်းကလိုတော့ ကြုံလာစရာမရှိဘူးလို့လည်း ဦးဝင်းနိုင်က ပြောပါတယ်။

“ အရမ်းအန္တရာယ်ကြီးတဲ့အနေအထားတော့မရောက်ဘူး။ ခုနပြောသလို တည့်တည့်ဝင်အတိုက်ခံရတဲ့ အခြေအနေက မနေ့ကပြောသလို ၅ ရာခိုင်နှုန်းကနေ ၁၀ ရာခိုင်နှုန်းပဲရှိတယ်။ လုံးဝကိုမဖြစ်နိုင်ဘူးပေါ့” လို့ ဦးဝင်းနိုင်က ဆိုပါတယ်။

ဦးဝင်းနိုင်က သူ့ရဲ့ဖေ့စ်ဘုတ်အကောင့်ကတဆင့်လည်း “ အားကောင်းတဲ့ ဆိုင်ကလုန်းမုန်တိုင်း ASANI ရဲ့ ညာဘက်က မုန်တိုင်းတိမ်တိုက်အပြင်ကွင်းတွေဟာ ဖျာပုံ ကွမ်းခြံကုန်းကို ကျော်ပြီး ရန်ကုန်အနောက်ပိုင်းကို စ ထိလာပြီဖြစ်ပြီး ညနေ ၆ နာရီခွဲမတိုင်ခင် ရန်ကုန်၊ ပဲခူး၊ ကရင်ပြည်နယ်၊ မွန်ပြည်နယ်တွေအထိ ရောက်လာမယ်၊ မိုးတွေရွာနိုင်မယ်၊ လေပြင်းလည်း တိုက်နိုင်မယ် ဆိုတာတွေ လာပါတော့မယ်။ သတိရှိကြဖို့နဲ့ သစ်ပင်အောက်တွေ မသွားကြဖို့ သတိပေးချင်ပါတယ်။ လေပြင်းတိုက်တဲ့ အချိန် တစ်နာရီ ၂၃ မိုင်နှုန်းလောက် တိုက်နိုင်ပါမယ်” လို့ ဒီနေ့ မေ ၈ ရက် မွန်းလွဲ ၁ နာရီကျော်ခန့်က သတိပေးထားပါတယ်။

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီနေ့ မြန်မာစံတော်ချိန် မနက် ၁၁ နာရီအချိန် တိုင်းထွာချက်ကို ထုတ်ပြန်ရာမှာတော့ "ဆိုင်ကလုန်းမုန်တိုင်းအာစန်နီရဲ့ လက်ရှိ အခြေအနေမှာ မြန်မာနိုင်ငံဘက်သို့ ဦးတည်ရွေ့လျားမည့် အခြေအနေမရှိပါသဖြင့် အဝါရောင်အဆင့်ဟု သတ်မှတ်ပါသည်” ဟု ထည့်သွင်းဖော်ပြထားပါတယ်။

နောက်(၇၂)နာရီအတွင်းခန့်မှန်းချက်အနေနဲ့တော့ “ အဆိုပါ ဆိုင်ကလုန်းမုန်တိုင်း(Cyclonic strom) “အာစန်နီ(Asani)”သည် နောက် (၂၄)နာရီအတွင်း ဘင်္ဂလားပင်လယ်အော်အရှေ့အလယ်ပိုင်း၌ အားကောင်းသော ဆိုင်ကလုန်းမုန်တိုင်း(Severe Cyclonic Storm) “အာစန်နီ(Asani)”အဖြစ်သို့ ရောက်ရှိနိုင်ပြီး၊ အနောက်မြောက်ဘက်သို့ ဆက်လက်ရွေ့လျားကာ၊ (၁၀.၅.၂၀၂၂) ရက်နေ့တွင် ဘင်္ဂလားပင်လယ်အော်အနောက်အလယ်ပိုင်းနှင့် ယင်းနှင့်ဆက်စပ် လျက်ရှိသော ဘင်္ဂလားပင်လယ်အော်အနောက်မြောက်ပိုင်း(အိန္ဒိယနိုင်ငံ၊ အင်ဒရာ ပရာဒေ့ရှ်မြောက်ပိုင်းကမ်းလွန်-ဩရိဿကမ်းခြေ)သို့ ရောက်ရှိနိုင်ကာ ထိုမှတစ်ဆင့် မြောက်-အရှေ့ မြောက်ဘက်သို့ကွေ့ပြီး ဘင်္ဂလားပင်လယ်အော်အနောက်မြောက် ပိုင်း(အိန္ဒိယနိုင်ငံ၊ ဩရိဿကမ်းလွန်)သို့ ရောက်ရှိနိုင်သည်ဟု ခန့်မှန်းရပါသည်” လို့ မိုး/ဇလ ထုတ်ပြန်ချက်မှာ ပါရှိပါတယ်။

မုန်တိုင်းအရှိန်ကြောင့် ယနေ့ နံနက်မှ (၁၂.၅.၂၀၂၂)ရက်နေ့အတွင်း နေပြည်တော်၊ မန္တလေးတိုင်းဒေသကြီး၊ မကွေး တိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ် တို့တွင် နေရာစိပ်စိပ်မှ နေရာအနှံ့အပြားနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကျဲကျဲ မိုးထစ်ချုန်းရွာနိုင်ကာ၊ အချို့ဒေသများတွင် ဒေသအလိုက်နှင့် နေရာ ကွက်၍ မိုးကြီးနိုင်တယ်လို့လည်း မိုး/ဇလက သတိပေးထားပါတယ်။

ဒါ့အပြင် မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမှာဖြစ်ကာ မိုးသက်လေပြင်းကျစဉ် ရေပြင်/မြေပြင်လေဟာ တစ်နာရီလျှင် မိုင်(၄၀)အထိ တိုက်ခတ်နိုင်ကြောင်းနဲ့ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် (၈)ပေမှ (၁၂)ပေခန့် ရှိနိုင်ပါကြောင်းလည်း မိုး/ဇလ ရဲ့ ထုတ်ပြန် ချက်မှာ ထည့်သွင်းဖော်ပြထားပါတယ်။

Photo Crd - Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဦးစံထွန်းအောင်

လွန်ခဲ့သော ၄ နှစ် က

အခုလိုမုန်းတိုင်းသတင်းတွေမုတ်သုန်လေအဝင်အထွက်သတင်းတွေဟာကျွန်တော်တို့တောင်သူတွေ အတွက်အဆင်ပြေသလိုအထူးကျေးဇူးတင်ရှိပါ ကြောင်း။

ဆက်စပ်ဆောင်းပါးများ

မိုးလေဝသသတင်း

မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ

ဦးဝင်းနိုင်

မိုးလေဝသသတင်း

ရခိုင်၊ ကရင်၊ ပဲခူး၊ ဧရာဝတီနှင့် ရန်ကုန်တို့တွင် စက်တင်ဘာ ၂၈ မှ ၃၀အတွင်း မိုးသည်းထန်စွာ ရွာသွန်းနိုင်

ဦးဝင်းနိုင်

မိုးလေဝသသတင်း

ကြီးမားပြင်းထန်လှသော စူပါအယ်လ်နီညိုကြောင့် လာမည့် ဖေဖော်ဝါရီလအထိ လူပေါင်း ၄၅၀,၀၀၀ ကျော် သေဆုံးနိုင်ဖွယ်ရှိကြောင်း ခန့်မှန်း

Green Way

ဆက်စပ်မေးခွန်းများ

ဆရာ 909 ခရမ်းချဥ်ပါ အခု ဂွသီးလေးတွေ စခူးနေပါပြီ အပင်သက်တမ်းအားဖြင့် ၃ လထဲရောက်နေပါပြီ အတာ ဘယ်လပိုင်းလောက်ထိ ခူးရနိုင်လောက်လဲဗျ ဒီမှာတော့ ခရမ်းချဥ် ၁ ပိဿာကို ၃၅၀၀နှုန်းရောင်းရပါတယ်ခင်ဗျ အတော်လေးသီးသလိုအတော်လေးလဲအဆင်ပြေပါတယ်ခင်ဗျ အပင်ကတော့ ထိုင်သွားတယ်လို့ပဲထင်ပါတယ်ဆရာ မုန်းတိုင်းအချိန်ကြောင့်ခုထိအဆက်မပြတ် မိုးရွာနေစဲဆရာ

U Yan • ဖြေကြားချက် 0 ခု

နှမ်းအတွက် အပွင်းအသီးအာဆေးဘယ်တွေသုံရင်ကောင်မလည် ပြောပြပါအုံးခင်မျာ ဆောင်နှမ်းပါခင်များ

မင်းမင်း • ဖြေကြားချက် 1 ခု

မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏

bominthu • ဖြေကြားချက် 3 ခု

အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ

JohnSaw • ဖြေကြားချက် 1 ခု

နွားချေးအစို+ဖွဲ့နု+ကျောက်မှုန့်(ဂျစ်ပဆမ်) +ပဲမှုန့်+တင်လဲရည်+တဆေးတို့နဲ့ အချည်ဖောက်အရည် ပြုလုပ်လို့ရပါသလား ရခဲ့ရင် အသုံးပြုရမယ့်ပစ္စည်းပါဝင်မှုအချိုးအစားသိပါရစေ

Khing Hein • ဖြေကြားချက် 2 ခု

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ

နောက်ဆုံး ဆောင်းပါးများ

ကျန်းမာရေးနှင့်ညီညွတ်သော အစာစားနည်းများ (အပိုင်း-၅)

29/09/2026

28/09/2026

ကျွန်တော်တို့မီးဖိုချောင်ထဲက သစ်ကြံပိုးခေါက်က အစစ်လား... အတုလား?

28/09/2026

ဩစတြေးလျ ပဲတီစိမ်း ကွန်တိန်နာ ၁၀ လုံးကို တရုတ် ငြင်းပယ်လိုက်သဖြင့် တောင်သူများ ပေါင်းသတ်ဆေး အသုံးမပြုရန် စဉ်းစားလာကြ

27/09/2026