လာမည့် ၂၄ နာရီအတွင်း မိုးရွာသွန်းနိုင်သည့် ဒေသများ

ဧပြီလ ၅ ရက် နေ့လည် ၁၂ နာရီမှာ ကပ္ပလီပင်လယ်နဲ့ ဘင်္ဂလားပင်လယ်အော်များတွင် တိမ်ထူထပ်လာတာတွေ့ရပါတယ်။ 

ပင်လယ်ရေမျက်နှာပြင်အထက်အမြင့် ၁.၃ ကီလိုမီတာအမြင့်မှာ လေဝဲစီးကြောင်း(လေပွေလှိုင်း)တခု ဖြစ်ပေါ်နေကြောင်း အိန္ဒိယမိုးလေဝသဌာနက ကြေညာချက်လည်းရှိနေပါတယ်။

ဘင်္ဂလားပင်လယ်အော်တွင် သိသာထင်ရှားသည့် လေဖိအားနည်းရပ်ဝန်းတခု ဧပြီလ ၆ ရက်/၇ ရက်နေ့များမှာ ဖြစ်ပေါ်နိုင်ကြောင်း Global Forecast model များမှ ခန့်မှန်းထားသည်ကို တွေ့ရပါတယ်။

၂၄ နာရီအတွင်း မိုးရွာသွန်းနိုင်သည့် အခြေအနေ ကိုတင်ပြရရင် 

ဘင်္ဂလားပင်လယ်အော်တောင်ပိုင်းမှာ ဖြစ်ပေါ်နေတဲ့လေပွေလှိုင်းကြောင့် 

⛈ နောက်လာမည့် ၂၄ နာရီအတွင်း ချင်းပြည်နယ်၊ ကချင်ပြည်နယ်နှင့် ရှမ်းပြည်နယ်အရှေ့ပိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း-ထားဝယ်မြို့- အထက်ဘက်တို့တွင် ‌နေရာစိပ်စိပ်၊ ရှမ်းပြည်နယ် အရှေ့ပိုင်းတွင် မိုးများနိုင် (၂၄ နာရီအတွင်း ၄၀ မီလီမီတာအထက် - ၁.၆ လက်မ ခန့်) ရွာသွန်းနိုင်ပါမယ်။

⛈ ရှမ်းပြည်နယ်မြောက်ပိုင်း၊ မန္တလေးတိုင်း၊ ၊ စစ်ကိုင်းတိုင်း၊ ဧရာဝတီတိုင်းတို့တွင် နေရာကျဲကျဲ မိုးထစ်ချုန်းရွာနိုင်ကြောင်း METEOBLUE NEMS-GLOBAL Model မှ ကြိုတင်ခန့်မှန်းထားပါတယ်။ 

ခန့်မှန်းမိုးရေချိန် (၂၄ နာရီအတွင်း ၅ မီလီမီတာခန့် - ၀.၂ လက်မခန့်အထိ)ရွာသွန်းနိုင်ပါမယ်။

ငလျင်ကတော့ မတ်လ ၂၈ ရက်နေ့တွင် ၇.၇ ပြင်းအားရှိသည့် ငလျင်လှုပ်ခတ်ပြီးနောက် ယနေ့ ဧပြီလ ၅ ရက် ညနေ ၄ နာရီ ၂၀ မိနစ်အထိ နောက်ဆက်တွဲငလျင်လှုပ်ပြီးသည့် အကြိမ်ရေ ... ၃၆၄ ကြိမ်ရှိပြီဖြစ်ပါတယ်။ 

နောက်ဆက်တွဲငလျင်လှုပ်ခတ်ခြင်း ၃၆၄ ကြိမ်အတွင်းတွင် ပြင်းအား ၅ နှင့် အထက် လှုပ်ခတ်သည့်အကြိမ်ရေ ၁၀ ကြိမ်မပြည့်ပါ။

(၁) မတ်လ ၂၈ ရက် ငလျင်ကြီး လှုပ်ပြီးချိန် ၁၂ နာရီ ၅၀ မှ ၂၉ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၉၀ ကြိမ်

(၂) မတ်လ ၂၉ ရက် နံနက် ၆ နာရီမှ မှ ၃၀ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၈၃ ကြိမ်

(၃) မတ်လ ၃၀ ရက် နံနက် ၆ နာရီမှ မှ ၃၁ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၅၄ ကြိမ်

(၄) မတ်လ ၃၁ ရက် နံနက် ၆ နာရီမှ မှ ဧပြီလ ၁ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၃၇ ကြိမ်

(၅) ဧပြီလ ၁ ရက် နံနက် ၆ နာရီမှ ဧပြီ ၂ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၃၀ ကြိမ်

(၆) ဧပြီလ ၂ ရက် နံနက် ၆ နာရီမှ  ဧပြီ ၃ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၂၅ ကြိမ်

(၇) ဧပြီလ ၃ ရက် နံနက် ၆ နာရီမှ  ဧပြီ ၄ ရက် နံနက် ၆ နာရီအထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၂၅ ကြိမ်

(၈) ဧပြီလ ၄ ရက် နံနက် ၆ နာရီမှ  ဧပြီ ၄ ရက် ညနေ ၄ နာရီ ၂၀ မိနစ်အထိ နောက်ဆက်တွဲငလျင်လှုပ်ခတ်သည့်အကြိမ်ရေ - ၂၀ ကြိမ်ပဲ ဖြစ်တယ်လို့ ဆရာဦးဝင်းနိုင်ရဲ့ Facebook စာမျက်နှာမှာ ဖော်ပြထားပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။