၆-၈ လသားအရွယ်ကလေး၏ အစားအစာများကို ပိုမိုအာဟာရပြည့်ဝစေသည့် နည်းလမ်းများ

ကလေးအတွက် အစားအစာများကို အင်အားဓာတ်ပိုမိုပြည့်ဝစေရန်နှင့် အာဟာရပိုမိုပြည့်ဝစေရန် နည်းလမ်း အမျိုးမျိုးဖြင့် ပြင်ဆင်နိုင်သည်။

ဆန်ပြုတ်

ဆန်ပြုတ်ကို ရေနည်းနည်းဖြင့် ပြင်ဆင်ပါ။ အရည်အရမ်းမကျဲသင့်ပါ။
ဆန်ပြုတ်ထဲတွင် မိခင်နို့ရည်ညှစ်၍ ထည့်ပါ။
နှမ်း၊ မြေပဲကဲ့သို့ အစေ့အဆန်မှရသော အနှစ်များနှင့် ရောပါ။
ဆီကို လက်ဖက်စားဇွန်းတစ်ဝက် ထည့်ပါ။
ဆန်ပြုတ်ထဲသို့ ကြက်ပြုတ်ရည်ကို ထည့်မည့်အစား အာဟာရပိုမိုပါဝင်သည့် ကြက်သားကို ချေပြီးထည့်ပါ။ ကြက်ဥ၊ ငါး သို့မဟုတ် ပဲစင်းငုံတို့ကိုလည်း ရောထည့်နိုင်သည်။

ဟင်းချို သို့မဟုတ် ဟင်းလျာတစ်မျိုးကို ချက်ပြုတ်လျှင်...

ဟင်းအရည်သောက်ကို ကလေးအားတိုက်မည့်အစား ပဲ၊ ဟင်းသီးဟင်းရွက်၊ ပဲပြား၊ အသားစသော ဟင်းချို သို့မဟုတ် ဟင်းလျာများမှ ဟင်းဖတ်အစိတ်အပိုင်းများကို ဆယ်ယူကာ ပျစ်ပျစ်နှစ်နှစ်ဖြစ်အောင် ချေ၍ ကလေးကို ကျွေးပါ။
ဟင်းချို သို့မဟုတ် ဟင်းလျာထဲသို့ ထောင်းထားသောပဲအမှုန့်များကို ထပ်ပေါင်းထည့်ပါ။
ဆီ လက်ဖက်စားဇွန်းတစ်ဝက်ကို ကလေး၏အစာထဲသို့ ထည့်ပါ။
ကလေးကောင်းမွန်စွာ ကြီးထွားနေသ၍ ကလေး၏အစာထဲသို့ အပိုဆီများကို ထပ်ထည့်ရန် မလိုကြောင်းမှတ်သားပါ။ သို့မှသာ မိခင် (သို့) ကလေးပြုစုစောင့်ရှောက်သူသည် ကလေးမည်မျှစားသုံးသည်ကို သိရှိနိုင်မည်ဖြစ်သည်။

ကလေးခြောက်လအရွယ် ဖြည့်စွက်စာ စကျွေးချိန်တွင် အစားအစာတစ်နပ်လျှင် ပျော့အိသွားသည်အထိ ကြိတ်ချေထားပြီး အတော်အသင့်ပျစ်သည့် အစားအစာ လက်ဖက်ရည်ဇွန်းနှစ်ဇွန်း (သို့) သုံးဇွန်းသာ ပါဝင်လိမ့်မည်ဖြစ်သည်။

ခြောက်လမှ ရှစ်လကာလအတွင်း တစ်နပ်လျှင် ပါဝင်သောအစာပမာဏကို ၂၅၀ မီလီလီတာဆံ့ခွက် (သို့) ပန်းကန်လုံးတစ်ဝက် ပမာဏအထိ တစ်ဖြည်းဖြည်းတိုးမြှင့်သင့်ပြီး အစားအစာကိုလည်း တဖြည်းဖြည်း ပို၍ပျစ်သည့် အနေအထားသို့ တိုး၍ကျွေးနိုင်သည်။

အစာအသစ်သည် ကလေးနှင့်အဆင်ပြေနေသ၍ မည်သည့်အစာအသစ်ပြီးလျှင် မည်သည့်အစာအသစ်ကို မိတ်ဆက်ကျွေးရမည်ဆိုသည့် အစီအစဉ်သည် အရေးမကြီးပါ။

လျင်မြန်စွာကြီးထွားနေသည့် ဤအချိန်အခါတွင် သံဓာတ်လိုအပ်မှု ပိုမိများလာသည့်အတွက် ပထမဆုံးကျွေးသည့် အစာပျော့ပျော့တို့တွင် သံဓာတ်ကြွယ်ဝသော အစားအစာများ ပါဝင်နေရန် အရေးကြီးပါသည်။ မိခင်နို့၏ အနံ့အရသာသည် ကလေးအတွက်ရင်းနှီးကျွမ်းဝင်ပြီးသား ဖြစ်နေသောကြောင့် အစာသစ်များတွင် မိခင်နို့ရည်ထည့်ပေးခြင်းအားဖြင့် ကလေးကို အစာသစ်များစားချင်စိတ်ဖြစ်ပေါ်ရန် ဆွဲဆောင်နိုင်သည်။

ပဲနီလေး၊ ဗီတာမင်အေကြွယ်ဝသည့် ဟင်းသီးဟင်းရွက်များဖြစ်သော မုန်လာဥနီနှင့် ရွှေဖရုံသီး၊ ဒေသထွက် ဟင်းရွက်စိမ်းများဖြစ်သော ဟင်းနုနွယ်၊ ကန်စွန်းရွက်၊ ပဲစောင်းလျား၊ ပဲတောင့်ရှည်၊ မြင်းခွာရွက်၊ မုန်ညင်းရွက်၊ ဂေါ်ဖီရွက် စသည်တို့ကို ချက်ပြုတ်၍ချေပြီး မိခင်နို့ရည်အနည်းငယ်ထည့်ကာ ကျွေးမွေးနိုင်သည်။

ငှက်ပျောသီး၊ ထောပတ်သီး၊ သရက်သီးစသော သစ်သီးဝလံအမှည့်တို့ကိုလည်း မိတ်ဆက်ကျွေးမွေးနိုင်သည်။ ထိုသစ်သီးများသည် သဘာဝအတိုင်းသာချိုပြီး အရသာရှိသင့်ပါသည်။ အနံ့အရသာ ပိုမိုကောင်းမွန်စေသော သကြား၊ ပျားရည်၊ အမွှေးအကြိုင်၊ အပိုထည့်သောဆား စသည်တို့ကို ထည့်ရန် မလိုအပ်ပါ။

ဆန်ပြုတ်သီးသန့်သာ ကျွေးမည့်အစား ဆန်ပြုတ်ထဲသို့ အပိုဆောင်းအာဟာရများကိ ထပ်ပေါင်းထည့်နိုင်မည့် နည်းလမ်းများကို ရှာဖွေပါ။

အောက်ပါဇယားတွင် နမူနာအကြံပေးချက်အချို့ကို ကြည့်နိုင်ပါတယ်။

ပုံ - ၆-၈ လ ကလေးတစ်ယောက်အတွက် စားသောက်ဖွယ်စာရင်း နမူနာ

#LEARN Program မှ ထုတ်ဝေထားသည့် ‘စားနပ်ရိက္ခာဖူလုံရေးနှင့် အသက်မွေးဝမ်း ကျောင်းဖွံ့ဖြိုးရေး ကွင်းဆင်းလုပ်သားများအတွက် သင်တန်းပံ့ပိုးသူလက်စွဲလမ်းညွှန်’ စာအုပ်မှ ကောက်နုတ်ဖော်ပြခြင်း ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

၆-၈ လသားအရွယ်ကလေး၏ အစားအစာများကို ပိုမိုအာဟာရပြည့်ဝစေသည့် နည်းလမ်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

၆-၈ လသားအရွယ်ကလေး၏ အစားအစာများကို ပိုမိုအာဟာရပြည့်ဝစေသည့် နည်းလမ်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

2014 အတွက်လိုက်နာရမယ့် အစားအသောက် စည်းမျဉ်းအသစ်တွေ

ကျန်းမာသန်စွမ်း အာဟာရဖွံ့ဖြိုးရန်အတွက် အိမ်ခြံဝန်း ဟင်းသီးဟင်းရွက် စိုက်ပျိုးခြင်း

{{ post.title }}