ဝါးပင်မှ သဘာဝပတ်ဝန်းကျင်အား အထောက်အကူပြုခြင်း

ဝါးသည် ကမ္ဘာပေါ်တွင် အများဆုံးစိုက်ပျိုးသော အပင်များထဲမှ တစ်မျိုးဖြစ်ပါသည်။ ဝါးတွင် မျိုးစိတ်ပေါင်း ၁၅၀၀ ကျော်ရှိပြီး ပင်လယ်ရေမျက်နှာပြင်အထက် အမြင့်ပေ ၁၂,၀၀၀ ကျော်အထိ ရှင်သန်ပေါက်ရောက်နိုင်ပါသည်။ ဝါးပင်များသည် ပတ်၀န်းကျင်ဆိုင်ရာ ပြဿနာများကို သိသိသာသာဖြေရှင်းပေးနိုင်သော အပင်အမျိုးအစားတစ်ခုလည်း ဖြစ်ပါသည်။ နည်းလမ်းမမှန်သော စိုက်ပျိုးရေးစနစ်များနှင့် အလွန်အကျွံ စားကျက်လွှတ်ကျောင်းမှုများကြောင့် ဖြစ်ပေါ်လာသော မြေဆီလွှာပျက်စီးမှုများကို ပြုပြင်ရန်အတွက် ဝါးပင်များကို အသုံးပြုနိုင်ပါသည်။ ဝါးပင်၏ ကွန်ယက်သဖွယ် ရှုပ်ထွေးလှသော အမြစ်များသည် မြေဆီလွှာတိုက်စားခြင်းနှင့် ရေလွှမ်းခြင်းတို့ကိုလည်း ကာကွယ်ပေးနိုင်ပါသည်။ အခြားသော အပင်မျိုးစိတ်များနှင့် မတူသည့်အချက်မှာ ဝါးပင်ကိုခုတ်သော်လည်း အပင်မှာသေဆုံးသွားခြင်းမရှိသည့်အတွက် မြေဆီလွှာတိုက်စားခြင်းနှင့် သစ်ပင်ခုတ်ခြင်း၏ ဆိုးကျိုးများမှာ အနည်းဆုံးရှိနေခြင်း ဖြစ်ပါသည်။

ပို၍အရေးကြီးသည်မှာ ကမ္ဘာကြီးပူနွေးလာမှုနှင့် ဇီဝမျိုးစုံ၊ မျိုးကွဲများ အပေါ်ခြိမ်းခြောက်နေသော ကာဗွန်ဒိုင်အောက်ဆိုဒ်ဓာတ်ငွေ့များ ထုတ်လွှတ်နေချိန်တွင် ဝါးပင်များသည် အခြားသောသစ်ပင်များထက် အောက်စီဂျင် ၃၅ ရာခိုင်နှုန်းပို၍ ထုတ်လွှတ်ပေးနေပါသည်။ ဂျပန်နှင့် အခြားသောနေရာများမှ သုတေသနပြုလုပ်ချက်များအရ ဝါးပင်များသည် တစ်နှစ်လျှင် တစ်ဟက်တာအကျယ်အဝန်း၌ ကာဗွန်ဒိုင်အောက်ဆိုက် ၁၂ တန်အထိ စုပ်ယူနိုင်ကြောင်းတွေ့ရှိခဲ့ပါသည်။ ထို့ကြောင့် ဝါးပင်များသည် ကျွန်ုပ်တို့ကမ္ဘာမြေ၏ လေထုတည်ငြိမ်ရေးအတွက် အရေးကြီးသောအခန်းကဏ္ဍမှ ပါဝင်နေပါသည်။ နှစ်ပေါင်း ၄၀၀၀ ကျော်ကာလအတွင်း လူများသည် စက္ကူထုတ်လုပ်ရေး၊ ဆောက်လုပ်ရေး၊ အစားအစာ၊ လက်နက်၊ ဆေးဝါးနှင့် ဆေးရည်ထုတ်လုပ်ခြင်းများ၌ပင် ၀ါးကိုနည်းလမ်းအမျိုးမျိုးဖြင့် အသုံးပြုခဲ့ကြပါသည်။ အရှေ့တောင်အာရှရှိဒေသအချို့နှင့် အမေရိကအလယ်ပိုင်းတွင် ဝါးသည်စီးပွားရေးအရ တန်ဖိုးရှိသော မျိုးစိတ်တစ်ခုဖြစ်သောကြောင့် ဝါးအသုံးပြုခြင်းကို ကန့်သတ်ချက်များဖြင့် သတ်မှတ်ထားပါသည်။

ဂေဟဗေဒစနစ်နဲ့ ကိုက်ညီတဲ့ ဝါးပင်ရဲ့ အချက် ၆ ချက်

၁။ လျှင်မြန်စွာ ကြီးထွားနိုင်ခြင်း

ဝါးပင်သည် မြက်မျိုးရင်းဝင်ဖြစ်ပြီး အံ့သြဖွယ်ကောင်းလောက်အောင် လျှင်မြန်စွာ ကြီးထွားနိုင်သော အပင်ဖြစ်ပါသည်။ အချို့သော ဝါးမျိုးများသည် ၂၄ နာရီအတွင်း၌ပင် ၂ ပေမှ ၃ ပေအထိ ကြီးထွားနိုင်ကြပါသည်။

၂။ ဝါးထွက်ရှိမှုများခြင်း

ဝါးသည် သစ်မာပင်များကဲ့သို့ပင် တစ်ကြိမ်ခုတ်တိုင်း အကြိမ် ၂၀ ထက်ပို၍ အသုံးပြုနိုင်သော ပစ္စည်းကိရိယာများ ထုတ်လုပ်နိုင်ပါသည်။ ဝါးပင်တစ်ပင်တည်းမှပင် ၅ နှစ်အတွင်း၌ ဝါးလုံးပေါင်း ၂၀၀ ကျော်အထိ ထွက်ရှိနိုင်ပါသည်။ ထိုကဲ့သို့ ထွက်ရှိခြင်းကြောင့် ဈေးသက်သာစွာဖြင့် ပေါများစွာအသုံးပြုနိုင်ပါသည်။

၃။ ဝါးကိုအခြေခံကာ အသက်မွေးဝမ်းကျောင်းမှုပြုနိုင်ခြင်း

၀ါးသည်လူကြိုက်များလာသည်နှင့် ဝါးနှင့်ပြုလုပ်သော အသုံးအဆောင်ပစ္စည်းများ လိုအပ်ချက်တိုးမြှင့်လာပါသည်။ ၎င်းသည် ဖွံ့ဖြိုးဆဲနိုင်ငံများအတွက် အလုပ်အကိုင်အခွင့်အလမ်းများစွာနှင့်အတူ စီးပွားရေးဆိုင်ရာ လုပ်ငန်းများဖြစ်ပေါ်စေလာပါသည်။

၄။ မြေဆီလွှာတိုက်စားမှုအား ထိန်းချုပ်ပေးခြင်း

ဝါးပင်၏ အမြစ်များသည် မြေဆီလွှာတိုက်စားခြင်းနှင့် ရေတားဆီးပေးခြင်းတို့တွင်လည်း ကူညီပေးနိုင်ပါသည်။ ဝါးတွင် ရေထုညစ်ညမ်းမှုကိုလျော့နည်းစေသည့် နိုက်ထရိုဂျင်စုပ်ယူသည့် ဖြစ်စဥ်လည်းပါရှိပါသည်။

၅။ လေသန့်စင်ပေးနိုင်ခြင်း

ဝါးပင်သည် အောက်စီဂျင်ပိုမိုထုတ်လွှတ်နိုင်ပြီး အခြားသောသစ်ပင်များထက်ကာဗွန်ဒိုင်အောက်ဆိုက်ဓာတ်ငွေ့များကို ပိုမိုစုပ်ယူနိုင်ပါသည်။ ဝါးများကိုဆောက်လုပ်ရေးသုံး ပစ္စည်းများနှင့် အသုံးအဆောင်ပစ္စည်းများအဖြစ် ထုတ်လုပ် အသုံးပြုခြင်းဖြင့် အခြားသောသစ်မာပင်များကို ခုတ်ယူခြင်းနှင့် သစ်တောများပြုန်းတီးခြင်းမှလည်း ကာကွယ်ပေးနိုင်ပါသည်။

၆။ အမျိုးအစားစုံလင်စွာ ပြုလုပ်အသုံးပြုနိုင်ခြင်း

ယနေ့ခေတ် ကျွန်ုပ်တို့ နေ့စဉ်အသုံးပြုနေသော အသုံးအဆောင် ထုတ်ကုန်များတွင် ၀ါးများကို ကျယ်ကျယ်ပြန့်ပြန့် ပိုမိုအသုံးပြုလာကြပါသည်။ ဝါးများကို အခြေခံကာ ဆောက်လုပ်ရေးပစ္စည်းများ၊ ကြမ်းခင်းနှင့် စက္ကူများမှသည် အဝတ်အထည်များနှင့် ကမ္ဘာပေါ်ရှိ အပျော့ပျောင်းဆုံးအိပ်ယာများအထိ အသုံးပြုနေကြပြီ ဖြစ်ပါသည်။ ၀ါးကိုလူကြိုက်များမှု တိုးလာသည်နှင့်အမျှ ၎င်း၏ထုတ်ကုန်များကိုလည်း ပိုမိုအသုံးပြုလာကြပြီ ဖြစ် ပါသည်။

ကိုးကားချက်

- https://cozyearth.com/blogs/news/how-using-bamboo-can-help-the-environment
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...