လူသိနည်းတဲ့ မနက်စာမစားခြင်းရဲ့ ဆိုးကျိုးများ

မနက်စာမစားတဲ့အလေ့အထဟာ ယနေ့ခေတ်လူအများစုပြုလုပ်မိနေတဲ့ အမှားကြီးတစ်ခုလို ဆိုရပါမယ်။ မနက်ပိုင်းမှာ ရုံးတွေ၊ ကျောင်းတွေကြောင့် အချိန်မရလို့ မစားဖြစ်တာ အိပ်ယာထနောက်ကျတာစသည်ဖြင့် အကြောင်းပြချက်အမျိုးမျိုးနဲ့ မနက်စာ မစားဖြစ်ကြတာများပါတယ်။ တကယ်တော့ တစ်နေ့တာကို အားအင်အပြည့်နဲ့ကျန်းမာစွာဖြတ်သန်းနိုင်ဖို့ အာဟာရရှိတဲ့မနက်စာတစ်ခုစားသုံးပေးရမှာ ဖြစ်ပါတယ်။ ဒီနေ့မှာတော့ လူအများစုလုပ်မိနေတဲ့ မနက်စာမစားခြင်းကြောင့် ခန္ဓာကိုယ်အပေါ်သက် ရောက်နိုင်တဲ့ဆိုးကျိုးတွေအကြောင်းပြောပြပေးချင်ပါတယ်။

(၁) ဆီးချိုရောဂါဖြစ်နိုင်ခြေများတယ်

ဟားဗက်တက္ကသိုလ်ရဲ့ လေ့လာမှုစစ်တမ်းတွေအရ မနက်စာပုံမှန်းမစားဖြစ်တဲ့သူတွေဟာ သာမာန်လူတွေထက် ဆီးချိုရောဂါ ၂ မျိုးဖြစ်ပွားနိုင်ခြေ ၂၀ ရာခိုင်နှုန်းပိုများတယ်လို့ ဆိုပါတယ်။ မနက်စာမစားတဲ့အခါ ခန္ဓာကိုယ်သွေးတွင်း သကြားဓာတ်ကို ကမောက်ကမဖြစ်စေပြီး သကြားဓာတ် ပါဝင်တဲ့အစားအစာတွေကို အများကြီးစားသုံးမိတက်ပါတယ်။ ထိုအခါခန္ဓကိုယ်ထဲက အင်ဆူလင်ခုခံနိုင်စွမ်းကို ကျဆင်းစေပြီး ဆီးချိုရောဂါ ဖြစ်ပွာနိုင်ခြေပိုများလာဖြစ်ပါတယ်။

(၂) အဝလွန်ခြင်းကိုစေနိုင်တယ်

ဝိတ်ကျဖို့အစားလျော့စားရမယ်ဆိုတာမှန်ပေမယ့် မနက်စာရှောင်ခြင်းကတော့ သင့်ကိုပိုပြီးဝိတ်တက်လာစေမှာ ဖြစ်ပါတယ်။ မနက်မစားပဲနေမယ်ဆိုရင် ခန္ဓာကိုယ်သွေးတွင်းသကြားဓာတ်ကလျော့နည်းနေပြီး ဆာလောင်မှုပိုဖြစ်စေကာ နေ့လည် ဘက်မှာ အစားတွေပိုစားမိစေမှာဖြစ်ပါတယ်။ ဒီအချက်က သင့်ကိုဝိတ်တက်စေမယ့် အဓိကအကြောင်းအရင်းတစ်ခုဖြစ်တာကြောင့် အဝလွန်ရောဂါကာကွယ်ဖို့ မနက်စာပုံမှန်စားသုံးပေးဖို့ လိုအပ်ပါတယ်။

(၃) ဦးနှောက်စွမ်းရည်ကျဆင်းစေတယ်

ဦးနှောက်ဟာခန္ဓာကိုယ်တစ်ခုလုံးမှာ အလုပ်လုပ်ရဆုံးအပိုင်းတစ်ခုဖြစ်ပြီး ညဘက်မှာတောင်ခန္ဓာကိုယ်ကအိပ်စက်နေပေမယ့် ဦးနှောက်က အလုပ်လုပ်နေတာဖြစ်ပါတယ်။ ဒါကြောင့်ဦး နှောက်အတွက်လိုအပ်တဲ့ အစာအဟာရဓာတ်ကို ပုံမှန်ဖြည့်တင်းပေးဖို့က အရမ်းကို အရေကြီးပါတယ်။ အကယ်၍မနက်စာ မစားဘူးဆိုရင်သွေးတွင်းသကြားဓာတ်နည်းနေပြီး ဦးနှောက်ရဲ့အလုပ်လုပ်နိုင်စွမ်းကလည်းလျော့ကျလာမှာဖြစ်သလို မှတ်ဉာဏ် စွမ်းရည်ကိုလည်းထိခိုက်စေမှာဖြစ်ပါတယ်။

(၄) ခန္ဓာကိုယ်ရဲ့စွမ်းအားတွေကျဆင်းစေတယ်

တစ်နေ့လုံးလန်းဆန်းတက်ကြွစွာဖြတ်သန်းနိုင်ဖို့ အဟာရရှိတဲ့ မနက်စာစားသုံးပေးဖို့ လိုအပ်ပါတယ်။ တစ်ညတာလုံးအိပ်စက်ထားတဲ့အတွက် ခန္ဓာကိုယ်မှာ အစာအဟာရဓာတ်ပြန်လည်ဖြည့်တင်းဖို့လိုနေတာဖြစ်ပြီး မနက်စာစားခြင်းဖြင့် ခန္ဓာကိုယ်ရဲ့ လိုအပ်နေတဲ့ Energy တွေကို ပြန်လည် ဖြည့်တင်းနိုင်မှာဖြစ်ပါတယ်။ မဟုတ်ရင်တော့ တစ်နေ့တာလုံးအင်အားကုန်ခမ်းပင်ပန်းနွယ်းနယ်စေပြီး စိတ်ဖိစီးမှုပမာဏကိုလည်း မြင့်တက်စေမှာ ဖြစ်ပါတယ်။

MyFood Myanmar Website မှ ပြန်လည်ကူးယူဖော်ပြပါသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်