တန်ဖိုးလျော့ခြင်း (Depreciation Costs)

ဒီအကြောင်းက စိုက်ပျိုးရေးပဲဖြစ်ဖြစ် မွေးမြူရေးပဲဖြစ်ဖြစ် စီးပွားရေးကို လုပ်ကိုင်နေကြတဲ့ သူတွေ အားလုံးအတွက် သိကိုသိထားရမဲ့ အကြောင်းအရာဖြစ်တာကြောင့်မို့ ပြောပြ ပေးမှာဖြစ်ပါတယ်။

လုပ်ငန်းသုံးဖို့အတွက် လိုအပ်တဲ့ ဘက်ထရီတစ်လုံးကို ဝယ်လိုက်တယ်။ ရေစုပ်စက် ဝယ်လိုက်တယ်။ စက်တစ်ခုခုဝယ်လိုက်တယ် ဆိုပါတော့။ အဲ့ဒါက ဈေးက ကိုယ်ဝယ်တုန်းက တစ်မျိုး ဖြစ်ပြီးတော့ ပြန်ရောင်းရင်တော့ အဟောင်းဈေးပဲ ရမှာပါ။ ခုပဲ အသစ်ဝယ်။ ရွာရောက်လို့ ပြန်ရောင်းရင်တောင် ဈေးက လျော့သွားမဲ့ အခြေအနေမျိုးမှာရှိပါတယ်။ မြေကွက်လိုတော့ မဟုတ်ဘူးပေါ့။ မြေဈေးကတော့ တက်သွားတယ်။ တစ်ခြားပစ္စည်းတွေကတော့ ဈေးကျသွားပါတယ်။

ဝယ်တုန်းက (၅)သိန်းတောင်ပေးရတာ။ ပြန်ရောင်းတော့ (၂) သိန်းတောင် အနိုင်နိုင်ရယ် ဆိုတာက တန်ဖိုးလျော့တတ်လို့ဖြစ်တာပါ၊ အဲ့လို ဖြစ်တာကို တန်ဖိုးလျော့တယ် လို့ ခေါ်ပါတယ်။

ပုံမှန်ဆိုရင်တော့ အဲ့လို တန်ဖိုးလျော့သွားတာက လယ်ယာထဲမှာ ထည့်လိုက်တာဖြစ်တဲ့အတွက်မို့ ထွက်လာတဲ့ ကုန်ပစ္စည်းတွေရဲ့ တန်ဖိုးမှာ ထည့်ပေါင်းပါတယ်။ ထည့်ပေါင်းလို့ ရပါတယ်။

ဘယ်လိုတွက်ချက်မလဲ

ကိုယ်က (၅၀၀၀) တန်ကုန်ပစ္စည်းတစ်ခုကို ဝယ်ထားတယ် ဆိုပါတော့၊ အဲ့ပစ္စည်းက (၁၀)နှစ်ခံတယ်ဆိုရင် တစ်နှစ်ကို (၅၀၀) ကျပါမယ်။ ပထမနှစ်မှာ (၅၀၀၀)ဖြစ်ပေမဲ့ ဒုတိယနှစ်ကျရင်တော့ (၄၅၀၀) ဖြစ်သွားတယ်။ အဲ့လို ဆိုရင်တစ်နှစ်အတွက် တန်ဖိုးလျော့တဲ့ ကုန်ကျစရိတ်က (၅၀၀)ပါ။ အရင်နှစ်ထက် ပိုသက်သာသွားတာကိုး၊။ အလွယ်ရှင်းပြတာပါ။ အဲ့လိုဆိုရင် နားလည်လောက်ပြီထင်ပါတယ်။ အောက်မှာ တွက်နည်းကိုပြောပြထားတယ်။ သူ့ကိုတွက်ရင် နှစ်အလိုက်ပဲ တွက်လေ့ရှိကြပါတယ်။ မတွက်ကြည့်သေးခင်မှာ သိစရာလေးတွေ ထပ်ပြောမယ်။

အသစ်ဈေး(New Value)

သူကတော့ ရှင်းပါတယ်။ ကိုယ်စစချင်းဝယ်လိုက်တဲ့ တန်ဖိုးကိုပြောတာပါ။ အသစ်ဈေးပေါ့။ ကိုယ်ဝယ်တဲ့ဈေးကို သုံးရပါတယ်။ အသစ်ပေါက်ဈေးကို မသုံးရပါဘူးနော်။ ကိုယ်က ၁ ရက်နေ့က (၅၀၀၀) နဲ့ ဝယ်လိုက်တယ်။ (၂)ရက်နေ့ကျတော့ ၄၈၀၀ ဖြစ်သွားတယ်ဆိုရင် ကိုယ်ဝယ်ထားတဲ့ ဈေးကိုပဲ ယူရပါမယ်နော်။ အဲ့လိုဆိုတော့ (၅၀၀၀) ကိုပဲယူရပါမယ်။

လက်ကျန်တန်ဖိုး(Scrap Value)

ပြန်ရောင်းဈေးလိုမျိုးသဘောဖြစ်ပါတယ်၊ အကြမ်းပြောရရင်တော့ ကိုယ့်တိရိစ္ဆာန်လေးတွေ မွေးထားတယ်ဆိုရင် ရောင်းထုတ်တဲ့ဈေးပေါ့။ စက်တွေလည်း တူတူပါပဲ။ နောက်ဆုံး တန်ဖိုးပါ။ ကိုယ်က စက်တစ်ခုကိုဝယ်မယ် အဲ့ဒါကိုလည်း (၆) နှစ်လောက််ပဲ သုံးမယ်။ (၆)နှစ်ကြာလို့ ကိုယ်ပြန်ရောင်းထုတ်တဲ့အချိန်မှာ ဈေးဘယ်လောက်ရှိမလဲ ဘယ်လောက်ရမလဲဆိုတာကို မှန်းပြီးတွက်ချက်ရတာပါ။ တကယ်ရောင်းတဲ့အချိန်ကျတော့လည်း ဈေးက တစ်မျိုးပြောင်းချင်ပြောင်းမှာပေါ့လေ။ အဲ့တော့ အောက်မှာ ပုံသေနည်းကို ကြည့်ရအောင်

ကဲ ပုံသေနည်းကတော့ အဲ့အတိုင်းဖြစ်ပါတယ်။ တစ်ချက်လောက်တွက်ကြည့်ရအောင်။ ၁၀၀၀၀ တန်ပစ္စည်းတစ်ခုကို ဝယ်လိုက်တယ်။ ပြန်ရောင်းတော့ ၈၀၀၀ ပဲ ရတော့မယ်။ ကိုယ်က သုံးထားတာကလညး ၁၀ နှစ်ရှိပြီဆို တစ်နှစ်ကို စက်တန်ဖိုးက ဘယ်လောက်လျော့သွားသလဲ ဆိုတာကို တွက်ကြည့်ကြမယ်။

အသစ်ဈေးက - ၁၀၀၀၀

ပြန်ရောင်းဈေး - ၈၀၀၀

သုံးတဲ့နှစ်က - ၁၀ နှစ်

ဆိုတော့ အဖြေက - ၂၀၀ ရပါတယ်။ ကိုယ်သုံးလိုက်တဲ့ (၁၀)နှစ်အတွင်းမှာ အဲ့စက်တန်ဖိုးက တစ်နှစ်ကို ၂၀၀ နဲ့ ကျနေတာဖြစ်ပါတယ်။ မသုံးဘူးဆိုလည်း ဈေးက ကျနေတာပါ။ ထိန်းသိမ်းထားတယ် အသစ်အတိုင်းဆိုရင်တောင် သုံးရမဲ့ စက်ပစ္စည်းက မော်ဒယ်အောက်သွားလို့ ဈေး မရတော့တာတို့ ဖြစ်နိုင်ပေမဲ့ တစ်ခြားတစ်ဖက်ကျတော့ ရှေးဟောင်းပစ္စည်းမို့ ဆိုပြီး ဈေးကောင်းရသွားတာလည်း ဖြစ်နိုင်ပါတယ်၊

ကဲ အခုကတော့ တွက်နည်းကို ပြောပြတာပါ။ အဲ့လို တွက်နည်းကို ဘယ်သူတွေ အများဆုံးသုံးကြသလဲ ဆိုတော့ ဘဏ်တွေက အများဆုံး သုံးကြပါတယ်၊ သူတို့ချေးငွေထုတ်ပေးမယ်ဆိုရင် အဲ့လိုတွေတွက်ပြီးတော့ ပေးတာပါ။ မတွက်ပေးရင် သူတို့ ရှုံးသွားမှာပေါ့။ နောက်ပြီး ကုမ္ပဏီတစ်ခုကနေ တစ်ခုကို ချေးငွေထုတ်တာပဲဖြစ်ဖြစ် တစ်ခုလုံးကို ဝယ်ပစ်လိုက်တာပဲဖြစ်ဖြစ်၊ အဲ့လို အရေးကြီးတဲ့ ဆုံးဖြတ်ချက်ချတိုင်းမှာ ဒီလို တန်ဖိုးလျော့ကျတယ်ဆိုတာကို တွက်ချက်ပြီးတော့မှ ဆုံးဖြတ်ချက်ချကြတာဖြစ်ပါတယ်။

နောက်တစ်ပိုင်းမှာ တန်ဖိုးကျတဲ့အထဲမှာ ဘယ်လိုပုံစံတွေကျတတ်သလဲ ဆိုတာကို ထပ်ပြီးတော့ ပြောပြပေးသွားမှာဖြစ်ပါတယ်။ ကျေးဇူးတင်ပါတယ်။

ထွန်းဝင်းကျော်

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...